ராணி ராஜ்யம் - 04 தப்பி ஓடிய இளவரசி

அன்பு நேயர்களே! ஆருயிர் கனவான்களே! காமிக்ஸ் உலகின் முடி சூடா மன்னர்களே! உங்கள் அன்பான வேண்டுகோளுக்கிணங்க என்னிடம் இருக்கிற அனைத்து ராணி காமிக்ஸ் கதைகளும் அடுத்தடுத்து வரவிருக்கின்றன.மகிழ்ச்சியை பகிர்ந்து கொள்வோம்! அடுத்தவர்களை மகிழ்ச்சிப்படுத்தி பார்ப்பதிலேயே நிஜமான சந்தோசம் நிலவுகிறது என்பதில் எனக்கு எள்ளளவும் சந்தேகமிருந்தது கிடையாது! அன்பு நண்பர் கிங் விஸ்வா அவர்களது வழிகாட்டுதலில் ஒரு சில வழிமுறைகளை பின்பற்றி விரைவாக ஸ்கேன் படங்களை பதிவேற்ற கற்றுகொண்டேன்! அதனால் எளிதாக இங்கே படிக்க பல அரிய  நூல்கள் அணிவகுக்க உள்ளன. நேரமிருந்தால் என்பதனை அவசியம் சேர்த்து கொள்ளுங்கள்! 

       அதிலும் இந்த தப்பி ஓடிய இளவரசி எனும் நூல் திருவண்ணாமலையில் ஒரு பழைய புத்தக கடையில் கிடைத்தது. மிக மிக கவனமாக கையால் பிரிக்க வேண்டியிருந்தது. அவ்வளவு பழைய புத்தகம்! இன்று சுமார் ஒரு மூன்று வருடமாக என் வீட்டில் படிக்காமலேயே வைத்து இருந்தேன். ஸ்கேன் வாங்க வழிகாட்டிய நண்பர் கிங் விஸ்வா அவர்களது உபயத்தால் உங்களோடு நானும் இந்த புத்தகத்துடன் ஆஜராகிறேன்! வாங்க சேர்ந்து படிப்போம் தோழர்களே! 

விலை ஒன்றரை ரூபாய்தான்! இந்தமாதிரி பல புத்தகங்களை விலை ஏற்ற வசதியாக கிழித்து விடுகின்றனர்! அட்டையே இந்த கதை எகிப்து நாட்டு இளவரசி என்பதை தெளிவாக சொல்லி விடுகிறது. பழைய புத்தக கடைகளில் அனைவரையுமே உள்ளே சென்று நோண்ட விட மாட்டார்கள். நன்கு தெரிந்த கடைகள் கூட நாங்களே எடுத்து வைக்கிறோம் என்று வழியனுப்பி விடுவார்கள். அதற்கெல்லாம் சோர்ந்து பொய் விடாதீர்கள் நண்பர்களே. உங்களுக்கு சொந்தமாக போகும் காமிக்ஸ் எந்த இடத்திலும் உங்களுக்காக காத்திருக்கலாம். ஒரு காலத்தில் CROWN COMICS என்ற வலை தளம் இரண்டு மூன்று புத்தகங்களை பதிப்பித்து விட்டு பின்பு தளத்தை மூடி விட்டார்கள். அப்போ நான் வலைக்கு புதுசு. விரைவாக கைப்பற்றி விட்டேன். ஆனால் சிடி, காப்பி குறித்து அவ்ளோ பழக்கமில்லாததால் கணினியுடன் அவையும் சென்று விட்டன. விடுங்க காமிக்ஸ் உங்க கிட்ட இருந்தா நல்ல நண்பர்களிடம் கொடுத்து வாங்குங்க! ஜாலியா இருங்க! கொடுக்க முடியா நிலையில் மிக அரிய புத்தகமாக இருந்தா இது போல ஸ்கேன் அன்பளித்து கொள்ளுங்களேன். (ஹி ஹி ஹி நமக்கும்தான் உதவியா இருக்கும்!!) 

விளம்பரத்தினை கண்நோக்கினீர்களா? தினதந்தி நாளிதழ் ஒரு சிகரம் தொட்ட நாளிதழ்! அதன் சிறப்பான வெளியீடுகள் அனைத்தும் மக்களின் மனதில் மாறாத பாதிப்பினை ஏற்படுத்தும் வல்லமை பெற்றவை. அதன் பொற்காலம் 

 அந்த காலகட்டம். நானெல்லாம் சின்னஞ்சிறு மழலை. எனக்கு என் தாத்தா பாட்டி உடனிருந்து மிக அழகாக அன்பையும் அறிவையும் காமிக்ஸையும் போதித்து வளர்த்தார்கள். படம் பார்த்து கதை சொல்ல அப்போ கிடைச்சது எல்லாம் ஒரு சிங்கம் நான்கு காளைகள் மாதிரியான புத்தகங்கள்தானே நண்பர்களே! கிராமங்களுக்கு எங்கள் ஊரில் இருந்துதான் தினத்தந்தி செல்லும். எனவே அதே வழியாக ராணி காமிக்ஸ் வந்து சேர்ந்தது. 

 தலைவர் பட்டையை கிளப்பும் காதலியை விற்ற உளவாளி!!! மறு பதிப்பு இருக்கு போட்டுடலாம்! ஹி ஹி ஹி !!

தெரியுதா இந்த அழகி யாரென்று?? நம்ம ரம்யா கிருஷ்ணன் அவர்கள்தான். விளம்பரம் வருவது ஒரு கட்டத்தில் அளவாக இருந்தால் தவறில்லைதான் என்பது என் கருத்து!

 இறுதியாக பெரு மூச்சு விடும் நண்பர்களுக்கு ஒரு சில வார்த்தைகள். சென்னையில் இருக்கும் சில ஆங்கிலேயர் கால கட்டிடங்களை பார்க்கும்போதும், பழங்கால தேக்கு மர  வேலைப்பாடுகளை பார்க்கும்போதும் நமக்கு தோன்றுமே!! அடடா இப்படி ஒரு கால கட்டமும் கடந்து சென்றுதான் இருக்கிறது என்றே நினைத்து ஏங்க செய்கிறோமில்லையா? அதே நினைவுகள்தான் இப்போதும் எழுந்திருக்கும் அல்லவா? சரி விடுங்க ஜி!

    புது காமிக்ஸ்கள் வாழ வளர தழைத்தோங்க நம்மால் ஆன முயற்சிகளை எடுப்போம் நண்பர்களே! முத்து காமிக்ஸின் நெவெர் பிபோர் ஸ்பெஷல் முன்பணம் கட்டியாச்சா? ஆதரிப்பீர்! நாற்பது ஆண்டுகள் பழமை வாய்ந்த பதிப்பகத்தாரின் அற்புதமான படைப்பு! பத்து கதைகள்! அதிரடி, நகைச்சுவை, கலாட்டா நிரம்பிய இதழ்!

        பழைய அரிதான காமிக்ஸ்களுக்கு என்று தி காமிக்ஸ்   ப்ராஜக்ட் என்கிற ப்ளாக் இயங்குகிறதில்லையா? அதே போலதான் அந்த காலம் திரும்பிவராத நிலையில் இருப்பதை பகிர்ந்து மகிழ்வோம் நண்பர்களே! http://archive.kaskus.co.id/thread/3870846/2000 என்கிற முகவரியில் நிறைய காமிக்ஸ்கள் உள்ளன சென்று படித்து தமிழுக்கு கொண்டுவர தங்களால் இயன்ற முயற்சிகளை எடுங்கள்! நண்பர்கள் http://www.kittz.info/2012/12/super-hero-tiger-action.html திரு.கிருஷ்ணா அவர்களது முகவரியில் தலை நீட்டினால் அங்கே டைகர் ஹென்றி என்கிற இணை பிரியா ஜோடியின் கதை காத்திருக்கிறது. படித்து மகிழுங்கள்! மீண்டும் ஒரு பதிவில் சந்திப்போம் நண்பர்களே! 

சிறப்புரை: 

அன்பு காமிக்ஸ் காதலர் திரு விஸ்வா அவர்களின் கை வண்ணத்தில் மெருகேறிய காமிக்ஸ் படங்களை பாருங்களேன்! அவரது தீரா காமிக்ஸ் காதலுக்கு என் வணக்கங்கள். படங்களை பதிவிடும் முன்னர் மிக சிறப்பாக மெருகேற்றி பின்னர் வெளியிட்டால்தான் மிக அருமையாக அமையும் என்னும் உயர்ந்த சிந்தனை உள்ள அவரிடம் இனி வரும் நாட்களில் இதில் சிறப்பான கவனம் செலுத்துவேன் என்பதை இங்கேயே உறுதியாக தெரிவித்து கொள்கிறேன்! வருகைக்கும் காமிக்ஸ் வளர்ச்சியில் தங்கள் அக்கறைக்கும் வழி கட்டி உதவிய மாபெரும் சிந்தனை உயர்வுக்கும் மிக்க நன்றிகள் தோழரே!

 

இமயமே!

நீ ஒரு அழகான கவிதை!

அடுத்த பதிவுகளில் உங்களை சந்திக்கும் நாள்வரை உங்களிடமிருந்து நீங்காத விடைபெறுவது உங்கள் இனிய நண்பன் --- ஜானி 

சிறப்பு நன்றிகள் :

1.முதல் காமிக்ஸ் பிளாக்கர் நண்பர் முத்து விசிறி அவர்கள்

மற்றும் 

2."அய்யம்பாளையம் வெங்கடேஸ்வரன் - காமிக்ஸ் பூக்கள் " அவர்களையே சாரும்.அவரது வழிகாட்டுதல் எனக்கும் கிங் அவர்கள் மூலம் கிடைத்தால் இனி மங்கலான பக்கங்கள் மிளிரும் என்பதனை அன்போடு தெரிவித்து கொள்கிறேன்!