லயன் காமிக்ஸ் 22-ஆவது ஆண்டுமலர் லக்கி லூக் சாகசம்

"Don't be afraid of the space between 
your dreams and reality. If you can 
dream it, you can make it so." 
- Belva Davis 

 

              அன்பான  நண்பர் கூட்டங்களே! லயனின் நியூ லுக் வெளிவந்து பரபரப்பாக விற்பனையாகி கொண்டிருக்கும் இந்த கலக்கலான  காலக் கட்டத்தில் பழைய ஆனால் என்றும் மனதில் மகிழ்வை கொண்டாட்ட மனோபாவத்தினை கொண்டு வரும் ஒரு காமிக்ஸ் உடன் வந்திருக்கிறேன். ஒரு காலத்தில் வீட்டுக்கு ஒரு புது புத்தகம் வந்து விட கூடாது. உடனே இது என் புக்கு என்று அடிதடி நடக்கும், என் வீட்டில். ம்ஹ்ம்! அது ஒரு நிலாக்  காலம்!

   

     நம்ம நகைச்சுவை கௌபாய் லக்கி லூக் கின் அதிரடியில் அட்டகாசமான சாகசம்தான், சூ! மந்திரக் காளி!   இந்த கதையின் ஹீரோ பட்டர் பிங்கர்ஸ் என்னும் திருட்டு விரல்களை உடைய அப்பாவி (அடப்பாவி எனும் சந்தர்ப்பங்களும் சில இடங்களில் அமைகின்றது) மனிதன். இவன் பார்க்க ஒரு நாகரிகம் மிக்க மனிதனாக தோன்றுவது அருமையாக சித்தரிக்கப்பட்டு உள்ளது! ஆனால் நம்ம டால்டன் பயல்களுடன் சேர்ந்து அடிக்கும் லூட்டி இருக்கிறதே. அதுதான் கதைக் களம். இந்த அப்பாவி மனிதனுக்கு ஆப்பு வைப்பதே அவனது விரல்கள்தான். அவை அவனுக்கு திருட்டு பட்டம் ஈட்டி தர, விளைவு? சிறைச்சாலைக்குள் தள்ளப்படுகிறான்!

உள்ளே போகும்போதும் ஷெரிப்பின் ஸ்டாரையே ஆட்டைய போட்டு விடுகின்றன அவனது தங்கமான விரல்கள்!  அவனுக்காக சிறைச்சாலை சாவியை கூட களவாண்டு விடுகின்ற தனித்திறமை படைத்த அவனுக்கும் சக தோழர்களாக டால்டன்கள். சும்மா விடுவார்களா? வலிய வந்த வாய்ப்பினை? வெறும் ஸ்பூன் துணை கொண்டு வெஞ்சிறையை தோண்டி தப்பிக்கும் தினவெடுத்த தோள்களோடு இருக்கும் அவர்களுக்கு, வழிய விதி செய்த உதவி சதியாக காஸ்டனை, அதாம்பா நம்ம மாஜிக் மாமன்னன் நிஜப் பேரு, கொண்டு வந்து சேர்க்கிறது. சாவியை வாங்கி சிறையைத் திறக்க முயற்சி மேற்கொள்ளாமல் அதனை கொண்டு சிறையை தோண்ட நம்மாளு ஆவ்ரேல் டால்டன் ஒரு ஐடியா கொடுத்தாலும் கொடுப்பான், பயங்கர சிரிப்பலைகளை தோற்றுவிக்கும்     காமெடி.

 இதுபோன்ற பல அதிரடி நகைச்சுவை காட்சிகளுடன் வெளியாகி பட்டையைக் கிளப்பிய புத்தகம் உங்களுக்கும் உரிமையாக வேண்டுமா? இன்னும் அதற்கொரு வாய்ப்பு இருக்கு நண்பர்களே!!!!

இந்த புத்தகம் இன்னும் நம்ம லயன் காமிக்ஸ் அலுவலகத்தில் இருக்குங்க! முழு வண்ணத்தில் வெறும் பத்து ரூபாய் விலையில! உடனே போனை போடுங்க சிவகாசிக்கு! நியூ லுக் ஸ்பெஷல் ருசித்திருப்பீர்கள். அதே ஆனந்தம் ரூபாய் பத்து விலையில் கண்டிப்பா கிடைக்கும்.

லயனின் இருபத்தெட்டாம் வருட பிறந்த நாளுக்கு நமது ரசிக வாசக நண்பர்கள் சார்பில் ஒரு பூங்கோத்தினை வாழ்த்துக்களுடன் இங்கே அளிக்கிறோம்! 

அப்புறம் நம்ம தோழர்கள் நிறைய பதிவிடுறாங்க! அவர்களின் கடுமையான பணிகளுக்கு மத்தியிலும் இவ்வாறு கலை சேவை! காமிக்ஸ் சேவை! செய்து வருகிறார்கள் அவர்கள் அனைவரும் என் வாழ்த்துக்கும் மரியாதைக்கும் உரியவர்கள்! அவர்களுக்கு என் நன்றிகள்! திரு.சௌந்தர் அவர்கள் அட்டகாசமான மாயாவியின் கதைகளை தேடி தேடி பதிவிடுறார்! சிறப்புற இன்னும் நிறைய கொண்டு வர என் வாழ்த்துக்கள்! அவரது அனைத்து முயற்சிக்கும் தோள் கொடுங்க நண்பர்களே! காமிக்ஸின் பெருமை இன்னும் விரிவடையட்டும்! காமிக்ஸின் அருமை பெருமைகளை இன்னும் உயிர் துடிப்புடன் வைத்து இருக்கும் அனைவருக்கும் எனது நன்றிகள்! இன்னும் உரக்க முழங்குவோம்! 

அப்புறம் சந்திக்கிறேன்!  

கொஞ்சம் விரிவாக அப்புறம் பதியறேன் ஜி! கோச்சுக்காதீங்க!

அதுவரை பிரிய மனமில்லாமல் பிளஸ் நேரமில்லாமல் .......ஜானி

கீழே நீங்க காண்பது சும்மாதான் சோதனை முயற்சி நண்பர்களே!

நீங்க கடுப்பானா அதற்கு அதற்கு நான் மட்டுமே காரணம் அல்ல! 

ஹி! ஹி! ஹி!     

 இதுக்கு பேருதான் கவிதை ---  

நட்டு கழண்ட நட்புக்கு!

"வெட்டியது ஒட்டாமல் போகுமெனில் அது உயிரும் அல்ல!

பழகியது பொய்யாகுமெனில் அது உண்மையான நட்பும் அல்ல!

நான் என்றும் உன் நண்பன்!

நீயே வெறுத்தாலும் .......நட்பே!!"

லயன் 28-ஆவது ஆண்டு மலர்!

அன்பு நிறைய உள்ள அன்புக்கும் பாசத்திற்கும் கட்டுப்பட்ட நண்பர்களே!

       லயன் இருபத்தெட்டாவது ஆண்டில் அடிஎடுத்து வைக்கும் இந்த பொன்னான தருணத்தில் நம் ஆசிரியர் திரு விஜயன் அவர்கள் பட்டையை கிளப்பி கொண்டிருக்கும் வேளையில் உங்கள் அனைவருக்கும் எனது வாழ்த்துக்களை தெரிவித்து கொள்கிறேன். 

              லக்கி லூக்குக்கே இது ஒரு அட்டகாசமான வெளியீடுதான் என்பதில் எந்த சந்தேகமும் இல்லை. அவரது அனைத்து சாகசங்களுமே அமர்க்களமாக அமைந்து நம்மை வயிறு குலுங்க சிரிக்க வைக்கும். சும்மா இருக்கட்டுமே என்று இந்த பதிவை ஆரம்பித்தேன். நல்ல காமிக்ஸ் கதை சின்னஞ்சிறு குழந்தைகள் முதல் பெரியவர்கள் வரை கவர்ந்திழுக்கும் எந்த காலத்துக்கும் ஏற்ற கதை. லயனின் இருபத்தெட்டு வருட பாய்ச்சலில் பிறந்திருக்கும் அருமையான கதை. ரூபாய் நூறு விலையில் நம்மை மகிழ்விக்க லயன் பப்ளிஷர்ஸ் வெளியிட்டுள்ள இந்த கதை சிவகாசியில் கிடைக்கிறது. மிஸ் பண்ணி விடாதீர்கள் உங்க காப்பிக்கு முந்துங்க.. உங்க ஆர்வத்தை தூண்டும் விதமாக சில பக்கங்கள் உங்க கண்களுக்கு! சிறப்பான விமர்சனத்திற்கு அணுகவும் கிங் விஸ்வாவின் தமிழ் காமிக்ஸ் உலகம் ப்ளாக்..

         

          நம்ம காமிக்ஸ் ரசிகர்களின் முதல் சாய்ஸ் எப்போவுமே ஹாட் லைன் பகுதிதான். அதிலும் சார் ப்ளாக் ஆரம்பித்தது முதல் ஒரே கொண்டாடமாகத் தான் போய்கிட்டு இருக்குது! அவர் மகனுக்கு இந்த தருணத்தில் நம்ம அனைவரது சார்பிலும் எனது நன்றிகளை தெரிவித்து கொள்கிறேன். 

எனக்கு நண்பர் திரு.புளிய சாத்தான் ச்சே ச்சே புளிய வேதாளம் அடச்சே புனித சாத்தான் அவர்கள் வாங்கிய பஜ்ஜி (அதான் சார் இந்த புத்தகத்திற்கு பெயர் வைக்க கிட்டிய நல்வாய்ப்பு ) மீதுதான் அதிக ஆசை. இன்னும் நிறைய அவர் சாதிக்க நான் எனது வாழ்த்துக்களை தெரிவித்து கொள்கிறேன்! அட்டகாசமான பெயர் சூட்டி நம்மை மகிழ செய்த அவருக்கும் நம் உணர்வுகளுக்கு மதிப்பளித்து இந்த நூலுக்கு பெயர் சூட்டி மகிழ்ந்த நமது ஆசிரியர் திரு.விஜயன்  சௌந்திர பாண்டியன் அவர்களுக்கும் நன்றிகள் பல உரித்தாகுக!

Add caption

மாதர் குல திலகம், அகில உலக நாயகி, மக்கள் மனதில் முடி சூடா கனவு கன்னி, உயர்ந்த அழகி, சிறந்த வீராங்கனை, அட்டகாசமான, ஆர்ப்பாட்டமான அதிரடிக்காரி, சாகசக்காரி, இளவரசி (இல்லேன்னா வில்லி கிட்ட எவன் மாட்டி உதைபடறது? ) மாடஸ்டி ப்ளைசி முத்துவின் நாற்பதாவது ஆண்டு வெளியீட்டில் வந்து அதிரடி செய்ய போவது மிக மிக மிக நல்ல செய்தி. இந்த புக் வேணும்னா உடனே ஒரு நானூற்று முப்பதைந்தினை பிரகாஷ் பதிப்பகம், சிவகாசிக்கு அனுப்பிடுங்க. இது உருண்டு புரண்டாலும் அப்புறம் கிடைக்கவே கிடைக்காத அற்புதமான புத்தகமாகும். கிடைத்த வாய்ப்பில் முதலில் முயல்பவன் அறிவாளி மட்டுமல்ல புத்திசாலியும் கூட என்று நித்தியானந்த மகரிஷி சொல்லி இருக்காராம் இவர் நீங்க நினைக்கிற "அவர்" இல்லை நண்பர்களே! அப்புறம் பார்த்து கொள்ளலாம் என்று தாமதம் செய்ய வேண்டாம் நண்பர்களே. உடனே செயல்படுவீர்! புதையலை சொந்தமாக்குவீர்!  

இப்படிதான் கூலாக ஆரம்பிக்குது கதை வழக்கமா நம்ம டால்டன் பயல்கள் தப்பிக்கும் முறைகள் சிரிப்பை வரவழைக்கும். இம்முறை அவர்கள் தப்பிக்கும் காட்சி...... அப்போ நடக்கற சங்கதிதான் என்றாலும் நம்ம லக்கிய பார்த்து விடாது கருப்பு ரேஞ்சுக்கு பயந்து ஓடும் நண்பர்கள் அடைக்கலம் ஆவதோ ஒரு துன்பியல் நாடகம். அவர்களது ஓட்டம் நமக்கெல்லாம் கொண்டாட்டம்! அதான் இங்கே அசத்தலே! 

நம்ம டால்டங்க எங்க போனாலும் வில்லங்கமா ஏதாவது பண்ணி பிரச்சனையை கிளப்பி விட்டு நம்மை வயிறு குலுங்க சிரிக்க வச்சிடுவாங்க. 

அவர்களது அட்டகாசம் அவர்களின் நாட்டை தாண்டி கனடாவில் ஒலிக்கிறது. அங்கே செய்யும் கலாட்டாக்கள் அமர்க்களமாக அமைந்து உள்ளன!

வாழ்க்கை பாதையில் வானவில்லை தேடி பயணம் போகும் ஒரு கும்பலின் கதைதான் "வானவில்லை தேடி" 

நல்ல ஒரு கதைக்கு தேவை என்ன? அதில் வரும் படைப்புகள் இதில் வரும் கதை மாந்தர்கள் அனைவருமே வறுமைக்கு வாழ்க்கைப்பட்டவர்கள். துன்பம் என்ற நெருப்பை தங்கள் சிரிப்பு என்னும் தண்ணீரால் அணைக்க பழக்கப்பட்டவர்கள்! வாழ்க்கையில் வசந்தம் வந்து அரவணைக்கும் என்று எதிர்பாராமல் வானவில்லாம் வாழ்வின் இன்பக்கதவுகளை தாங்களே தட்டி பார்த்து விடும் முயற்சியில் துணைக்கு அழைக்கிறார்கள் நண்பர் லக்கி லூக்கினை!!!! அவரது வழிகாட்டுதல் எந்த அளவுக்கு உதவியது? அதில் நண்பர் ஜாலி ஜம்பரின் உதவி என்ன? என்ற விடைகளுக்கு மறவாமல் வாசியுங்கள் நியூ லுக் ச்பெசியல் (ஹி! ஹி! ஹி! கொஞ்சம் இலக்கியம் முயன்றேன் ) 

இந்த கதையில் ஒரு அறிவாளி ஆராய்ச்சி சிகரம் வருகிறார். அவரும் அவரது கண்டுபிடிப்புகளும் நம்மை வயிறு குலுங்க சிரிக்க செய்யும். அதில் சாம்பிளுக்கு ஒன்று உங்களின் அன்பான பார்வைக்காக .....

இது போன்ற அதிரடிகளும் சிரிப்பூட்டும் அனுபவமும் பெற புத்தகத்தினை கையில் வாங்கி படியுங்க மக்கா.

ஆச்சரியங்கள் வாழ்க்கையில் அலுப்பூட்டும் நிமிடங்களை நம்மை விட்டு விலகி ஓட செய்யும் அல்லவா? நம் லயன் ஆசிரியர் ஆச்சரியங்களுக்கு ஒட்டு மொத்த குத்தகை தாரர் போல அவ்வப்போது நம்மை வியப்பில் ஆழ்த்துவார். காரிகனின் சகாப்தம் முடிந்ததே என்கிற கவலையில் ஆழ்ந்த எனக்கு மிக வியப்பூட்டியது இந்த காரிகனின் அதிரடிதான்.  மனித வேட்டை ஒரு மரண வேட்டை! இம்முறை மோதும் வில்லனுக்கும் காரிகனுக்கும் நேரடி பகையே கிடையாது. ஆனால் இவரின் வேட்டை வெறிக்கு இம்முறை இலக்காகும் நபர் காரிகன். அதுதான் இவர் செய்த மிக பெரிய பிழை! 

இதில் சில காட்சிகள்.

 மக்களே புக் வாங்கி படிங்க. கையில் வைத்து படிப்பதில் அதுவும் அதன் புது வாசனையை நுகர்ந்து கொண்டே படிப்பது என்பது மிக அருமையான விடயம் நண்பர்களே. நிறைய  படிங்க நிறைய ரசிங்க நிறைய இணையதளத்தில் நம்ம முத்து பக்கத்தில் உங்க கருத்து மலையை கொட்டுங்க நண்பர் கருத்துகளை பதிவிடுங்க. இங்கே சென்னையில் சமீபத்தில் லாந்து மார்க் போனேன். ஒரு நடுத்தர வயது அம்மா, பார்க்க வசதியான குடும்பத்தை சேர்ந்தவர் போலிருந்தார்.  தனது குழந்தைகளுக்கு தமிழ் காமிக்ஸ்தான்  வேண்டுமென்று கொடி பிடித்து கொண்டிருந்தார். இன்றும் கூட நம் தமிழ் மொழியாம் தாய் மொழியில் காமிக்ஸ்க்கு தேவை இருக்கிறது.  நல்ல தமிழ் காமிக்ஸ்கள் வளர வேண்டும் நண்பர்களே!  அதுக்கு நீங்க காசு கொடுத்து உங்க நண்பர்கள் குழந்தைகள் அனைவருக்கும் நம்ம காமிக்ஸ் வெளியீடுகளை வாங்கி கொடுத்து மகிழ செய்யலாமே!  சரியா? மாற்றம் என்ற ஒன்றை தவிர எதுவும் மாறாதது தானே நண்பர்களே! இன்னும் கொஞ்சம் விவரங்கள் பின்னர் சேர்க்கிறேன்! வாழ்க! வளர்க! 

அன்பு உள்ளம் கொண்ட சிநேகிதர்களுக்கு சிநேகத்துடன் உங்கள் அன்பின் நண்பன் 

ஆதலால் என் இனிய காமிக்ஸ் வாசகர்களே!!

"Don't be afraid of the space between your dreams and reality. If you can 
dream it, you can make it so."  - Belva Davis

அன்பும் பாசமும் மிகுந்த நண்பர் படைகளுக்கு எனது நெஞ்சார்ந்த  இனிய வணக்கங்கள்!

நலம்! நலமே விழைகிறேன்! நண்பர்களே!

சில பல முயற்சிகளுக்கு பின்னர் எனது பெயர் வெளி வந்த புத்தகங்களின் பக்கங்களின் அணி வகுப்பை துவக்குகிறேன். கொஞ்சம் மகிழ்ச்சி வந்து மனதுக்குள் இம்முறை அதிகமாகவே கூடு கட்டுகிறது! அது ஒரு கனாக் காலம்! அந்த காலகட்டத்தில் எந்தவொரு கவலையும் இல்லாமல் நண்பர்களுடன் ஊரை சுற்றிக் கொண்டு இன்ப வானில் மிதக்கிக்கொண்டு மகிழ்ச்சியாக தாய் தந்தையரின் பாதுகாப்பில் வாழ்ந்து கொண்டு இருந்த காலங்களில், இது போன்று பெயர் வந்த பதிவுகளை எல்லாம் நண்பர்களிடம் காட்டி, அவர்களை இது போன்று உங்க பேரும் வர கடிதம் போடுங்க என்று உற்சாகப் படுத்தி அவர்களில் என் மனதிற்கினிய அருமை சோம்பேறி நண்பன் _ தம்பி சங்கர் பெயரில் கடிதம் எழுதி போட்டு பரிசை தட்டி (அது ஒரு பேனா ஸ்டாண்டு அதில் எகிப்திய ஓவியங்கள் இடம் பெற்றுள்ளன. நமது நண்பர்கள் வசம் அது போன்று பரிசு ஏதேனும் உள்ளதா? அதை என்னிடம் கொடுத்து விடவேண்டும் என்பது ஒப்பந்தம். ஆனால் இன்று வரை அவனது இல்லத்திலேயே அலங்கரிக்கிறது! பார்ப்போம்! இதுக்கு பின்னாடியாவது கொடுத்து விடுவானா ? இல்லை, நம் நண்பர் திரு.மலையப்பன் (இப்போ திருவண்ணாமலையில் ஒரு சித்த வைத்திய சாலையில் உதவியாளராக பணி புரிகிறார்) அவர்களிடம் அடித்த கொள்ளை போன்று ஒன்றை அரங்கேற்றி விடுவோமா என்று!!!!

     ஒரு முறை சுப்பிரமணியன் என்று எனது எதிர் வீடு அங்கிள் பெயர் தவறாக இடம் பெற்று விட்டது. ஆனால் என்ன நம்ம முயற்சிகள் தொடரட்டும் என்று ஒரு கடிதம் மூலம் நம் லயன் காமிக்ஸ் அலுவலகத்திற்கு தகவல் தெரிவித்து விட்டு அமைதியாக இருந்து விட்டேன்.

நண்பர்களே!

இந்த பதிவை எனது தாய் திருமதி. விஜயா சின்னப்பன் அவர்களுக்கும் எனது தந்தையார் திரு. சின்னப்பன் (எ) சின்ராஜ் அவர்களுக்கும் சமர்ப்பணம் செய்கிறேன். 




என்ன தவம் செய்தேனோ உங்களை எனது பெற்றோராக அடைய!  எனது தாயார் நான் நேசிக்கும் நூல்களை இவ்வளவு நாட்களாக பார்த்துப் பார்த்து எடுத்து வைத்துப் பாதுகாத்த அன்புக்கு ஈடு இணை ஏதுமில்லை! இது இமயமலை சாரல்தான் நண்பர்களே! ஒரு முறை போய் தவமியற்றினேன்! ஹி! ஹி! போஸ் கொடுத்தேன்!

என்னடா இது நல்லாதானே போய்கிட்டு இருந்தது இங்கே என்ன புதுசா ஒரு ஸ்கான் போட்டிருக்கான் என்று நீங்கள் குழம்பவில்லை எனில் அடிப்படையில் உங்களிடம் ஏதோ ஒரு தவறு உள்ளது என்று அர்த்தம். IT’S A WORD OBTAINED BY ONE WHO LOVES THE COMICS WORLD “GREATEST EVER COMICS” BLOG NOW  http://mokkaicomics.blogspot.in/ But எனக்கு அந்த வார்த்தைகள்தான்  பிடிச்சிருக்கு. என்னருமை நண்பர்களே! ஆருயிர் தோழர்களே உங்களால்தான் இணையதளத்தில் எல்லாம் உலவி கொண்டு இருக்கிறேன்! உங்க நட்பால்தான் இந்த வாய்ப்பு கிடைச்சது! சன் டிவி கலக்கி கொண்டிருக்கும் கையில் ஒரு கோடி நிகழ்ச்சியில் குறுஞ்செய்தி போட்டியில் கலந்து கொண்டேன். ஆயிரம் ருபாய் வென்றேன். இது எனது நண்பர்கள் உங்கள் அனைவருக்கும் சமர்ப்பணம்.... ஹி ஹி ஹி அந்த பணத்தில் ட்ரீட் எல்லாம் கேட்டு விடாதீர்கள். குடும்பஸ்தன் சாரே! அப்போவே காலி!

   

என்ன தவம் செய்தேனோ உங்களை எனது நண்பர்களாக இந்த இணையதளத்தில் அடியேன் அடைய! மேல இருக்கிற போட்டோ உண்மையிலேயே இமய மலையில தவம் இருக்கும்போது எடுத்ததுதான் நண்பர்களே! நம்பிடுங்க இல்லை இதை விட கொடுமையான போட்டோக்களை இங்கே பதிப்பித்து லொள்ளு பண்ணுவேன்!

 அடியேன் முதலிலேயே பதிப்பித்து இருந்தபடி எனது காமிக்ஸ் கலையுலக (கொலையுலக?) வாழ்வில் ஒரு குறிப்பிட்ட இடம் கிடைத்து அங்கீகரிக்கப்பட்டதாக நினைப்பது இந்த மாதம் ஒரு வாசகர் பகுதியில் வந்த எனது தகவல்கள்தான். இதன் பின்னர் கிடைத்த நட்புகள் நிறைய! அந்த காலத்தில் கம்ப்யூட்டர் என்பது அபூர்வமானவர்களது, அபூர்வமான ஆர்வமுடையோரது, அதிலும் கணிதம்(????) படித்து புரிந்து கொண்டவர்களின் அருகாமை விஷயம் என எனது ஊரில் பேசிக் கொண்ட விஷயம் நண்பர்களே! மிரட்டும் விஷயமாக அன்று இருந்தது இன்று சின்ன பிள்ளை விஷயமாகி போனது! காலம் எவ்வளோ வேகமாக ஓடுது? அடியேனும் ஒரு டுபாகூர் பதிவர் இன்று என்றாகி போனது! நம் அருமை நண்பர்கள் கிங் விஸ்வா போல ஆழமான ஆராய்ச்சியோ கார்த்திக் போல ஸ்மார்ட்டாகவோ விஜயன் சார் போல மனதை தொடும் விதத்திலோ ஸ்டாலின், ஈரோட்டார் போல பொக்கிஷங்களின் அணிவகுப்பாகவோ பதிவிட தெரியாவிடினும் சும்மா உங்களுடன் காமிக்ஸ் பெயரால் கதைக்க கிடைத்த ஒரு வாய்ப்பாகவே இதனை நான் கருதுகிறேன்!

நம்ம முத்து  Never Before Special  கலக்கலாக சிக் பில் சாகசம் தாங்கி நானூறு ரூபாவில் வெளியிடப்பட இருக்கும் அறிவிப்பு அதிரடியாக வெளியாகி நம் காமிக்ஸ் உலகத்தை கலக்கி வரும் இந்த பொன்னான தருணத்தில் நண்பர்களை மகிழ்விக்க எதோ என்னால் முடிந்தவகையில் சிக் பில், ராய் ஆர்டின், டாக் புல், பொடியன் ஆகியோரை சிறப்பிக்கும் விதமாக எனது பதிவினை துவக்குகிறேன்! நிஜமான கிட் ஆர்டினை போன்றதொரு நபர் புகுந்து செய்யும் அட்டகாசங்கள் அடங்கிய கதை! டாக் புல் திணறும் கட்டங்கள் மிகுந்த சிரிப்பை வரவழைக்கும். இந்த நூலில் எனது கடிதம் இடம் பெற்றது எனக்கு மிகுந்த மகிழ்ச்சி அளித்த ஒன்று. இதற்கு முன்னர் வெளியான குற்ற வருடம் இரண்டாயிரம் என்னும் நண்பர் ரிப்போர்ட்டர் ஜானி சாகசத்தில் வெளியான அதிரடி காமிக்ஸ் தொடர்பாக நான் வரைந்த மடலினை பதிப்பினில் கண்ட ஆனந்த நிமிடங்கள் தங்கள் பார்வைக்கு கீழே :-

நம்ம ஆசிரியர் திரு.விஜயன் அவர்கள் தனது பதிவு ஒன்றில் தெரிவித்திருந்த கடிதம் மூலம் காமிக்ஸை காதலித்த நபர்களின் பெயர்களை அடையாளப் படுத்திக் கொள்ள கேட்டிருந்தார். அதனால் உந்தப்பட்டு இந்த பதிவுக்கு எனது முயற்சியை மேற்கொண்டேன்! நண்பர் நாகராஜன் சாந்தன் (எ) திருப்பூர் நீல பெர்ரி மிகுந்த உந்துதலாக இருந்தார். நேரம் குறைவு. அதனாலேயே அரைகுறையாக டிராப்ட் அளவிலேயே கிட்டத்தட்ட லார்கோ பதிவினை இட்ட நாளாய் கிடந்த பதிவினை நல்ல முறையில் கொண்டு வர வேண்டி காலதாமதம் நேரிட்டு விட்டது நண்பர்களே!

அடுத்து நண்பர் விங் கமாண்டர் ஜார்ஜ் சாகசமான பென்குயின் படலம். அசத்தலான ஆக்ஷன் படலம். நண்பர் துருவ பகுதியில் மேற்கொள்ளும் அதிரடி சாகசம்! இதற்கு முன்னர் வந்த அலெக்சாண்டர் கதை மிக அருமையான கதை! அதனை வண்ணத்தில் வெளியிட்டால் மிக நன்றாக இருக்கும். அவர் பெயரை கொஞ்சம் லயன் பிளாகில் உயர்த்தி பிடியுங்க நண்பர்களே!  

ரவுடி ராஜ்ஜியம் ஒரு அருமையான கதை அதன் சித்திரங்கள் அவ்வளவு அருமையாக இருக்கும் அந்த நூல் வண்ணத்தில் வந்தால் மாபெரும் வெற்றி பெரும் நண்பர்களே! 

புது தலை முறை கலக்கல் காமிக்ஸ் புரட்சி யுகத்திலும் நம்ம கடிதம் எழுதும் கலையை முயற்சித்து பார்த்தேன். அதற்கு கிடைத்த பரிசாக நம்ம கடிதம் வைல்ட் வெஸ்ட் சிறப்பிதழ் புத்தகத்தில் பிரசுரிக்கப்பட்டது. அதனை தனது வலைப்பூவிலும் வெளியிட்டு என் முயற்சிகளுக்கு உரம் சேர்த்திருக்கிறார் நண்பர் திரு.சௌந்தர் அவர்கள். அவரது வலைப்பூ http://tamilcomics-soundarss.blogspot.in அவரது வலைத்தளத்தில் இந்த நூலின் விவரங்களை அருமையாக பதிவிட்டுள்ளார். அவருக்கு என் நன்றிகள் பல!

கடிதங்கள் ஒரு காலத்தில் நம்ம இதயத்தை அப்படியே வேற இடத்திற்கு கொண்டு சேர்க்கும் வல்லமை படைத்தவை. அதை சொல்லி புரிய வைக்க முடியாது நண்பர்களே. அனுபவித்து பார்த்தால்தான் தெரியும். இப்போ என்னதான் குறும் செய்தி அனுப்பினாலும் அது வேறு உலகம். நன்றிகள் பல விஜயன் சார். குடும்பம் தாண்டிய உறவுகளை அமைத்து கொடுத்த உங்க இதயத்திற்கு!!!!

குட்டி பயல் சாம் அதிரடியுடன் தற்காலிகமாக விடை பெறுகிறேன் தோழர்களே! வாங்க வந்து படியுங்க அப்படியே lion-muthu blogspotla சந்தியுங்க காமிக்ஸ் பற்றி அரட்டை அடிக்கலாம். விரைவில் இவற்றின் தொடர்ச்சியுடன் வரேன்! நேரமும் காலமும் கிடைப்பதரிது நண்பர்களே! நானூறு ரூபா இதுக்கு முன்னாடி இல்லை ஸ்பெஷல் புத்தகம் வெளிவர உங்க பக்க பங்கை ஆற்றி காமிக்ஸ் உலகுக்கு வளமூட்டுங்க அப்படின்னு கேட்டுகிட்டு இப்போதைக்கு போயிட்டு வாரேன்! பாய் ஆட்டுகடை பாய்! கோழி கடை பாய் ! பாயாகடை ஆயா! ஹி ஹி ஹி !!! கண்ணுங்களா!  இதோட விடவே மாட்டேன்! 

 பாக்லாம்! பழகலாம்! நன்றிகளுடன்! என்றும் அதே அன்புடன் - ஜானி


  

அஞ்சா வீரன் லார்கோ விஞ்ச்

எனது அன்பிற்கும் பாசத்துக்கும் உரிய ரசிக படைகளே! உங்கள் காமிக்ஸ் வானில் ஜொலிக்கும் எக்கச்சக்க நட்சத்திரங்களில் ஒரு மிக அதீதமான ஒளி விட்டு பிரகாசிக்க எல்லா தகுதிகளும் நிரம்பிய நாயகன் லார்கோ விஞ்ச் நம்ம முத்து காமிக்ஸ் பதிப்பகத்தாரால் தமிழ் காமிக்ஸில் களமிறங்கி உள்ளார்! அவருக்கு பெரிய வரவேற்பு நல்கிடுவோமே!

முழு வண்ணத்தில் முத்து காமிக்ஸ் வெளியிட்டுள்ள இந்த காமிக்ஸ் புத்தகம் முழுக்க முழுக்க அதிரடி நிறைந்த புத்தகம்தான் ஆனால் அமைதியின் சின்னமாக நாயகன் அமர்ந்திருப்பது நம்மை எளிதாக ஏமாற்றி விட கூடும். ஆனால் அவசரப்பட வேண்டாம். நண்பர் லார்கோ கொஞ்சம் ஒய்வு எடுப்பது என்பதுதான் மிக அபூர்வமான காட்சி என்பதால்தான் இங்கே அதனை பிரசுரித்து இருக்கிறார்கள். மிக மிக நெருக்கடியான வாழ்வு நம் நண்பருடையது. அவர் வாழ்க்கை அவர் கையில் இல்லை. அவரது வாழ்க்கை வேறு நல்ல உள்ளம் கொண்ட நபர்களால் வடிவமைக்கப்பட்டு ஆனால் மிகுந்த நெருக்கடியில் வீழ்த்தப் பட்ட ஒன்று. சோகம் தாக்காத வாழ்க்கை வாழ்வது போல தோன்றும் ஆனால் அவரது மறுபக்கம் அவ்வளவு கடினமான ஒன்று. அதில் அவர் பட்ட அடிகளே அவரை வடிவமைப்பதுதான் அற்புதம். மாபெரும் சொத்து குவியலுக்கு சொந்தக்காரர் ஒரு அட்டகாசமான பேர்வழி என்பது நமது கிங் பிஷர் உரிமையாளர் விஜய் மல்லையாவுக்கு பொருத்தமான அடைமொழிதான். ஆனால் நம்ம நண்பர் வெரி யூத்து!

இந்த நேரத்தில் உங்களுக்கு ஒரு சந்தேகம் வந்து இருக்கும் இவன் வெறும் கையில் முழம் போடுறவன் ஆச்சே என்று அதனால் என் கையில் லார்கோ,

ம்ம்க்ம்ம் நீங்கள் நினைப்பது போல இது தற்பெருமைதான் என்ன பண்றது நண்பரே! விளம்பரம்தான் வாழ்க்கையின் அடிப்படை என்று ஆகி விட்டது. நகர வாழ்க்கையில் இதெல்லாம் சகஜமப்பா!

லார்கோவின் படைப்பாளர்களை மரியாதை செய்யும் விதமாக அவர்களது பெயர் பதித்த பக்கம்.

முதல் முதல் நம் நண்பர் அறிமுகமாகும் காட்சியை இங்கே கொஞ்சம் வேறு மாதிரி வெளியிட நினைத்து இப்படி உங்கள் கண்களுக்கு விருந்தாக்கி உள்ளேன்!

இந்த வட்ட மேசை கெட்ட மனிதர்கள் செய்யும் சேட்டைகளை தனது அதிரடிகளால் முறியடித்து வெற்றி வாகை சூடுகிறார் நம் நண்பர் லார்கோ!

சின்ன வயதில் அநாதரவாய் நின்ற தருணங்களில் கிடைத்த அன்பு மழையை திடீரென பிரியும் நேரம் வரும்போது வார்த்தைகள் பயனில்லையே! அந்த மாதிரி ஒரு உணர்ச்சி மிக்க தருணம்!

இவர்தான் ஜெட் வீரர் லோகன். விஜயன் சார் அடிக்கடி இவரை பற்றி சொல்லி இவர் மீது ஒரு தனி ஆர்வமே வந்து விட்டது. இவர் ரத்த காட்டேரிகளின் கிரகத்தில் செய்யும் அதிரடிகள் மிக நன்றாக வந்து இருக்கின்றன.

இதுதான் திகில் கதைகளின் மிக அருமையாக வந்துள்ள கதை. ஒரு பாம்பு பழி வாங்குது! நீயா? கதை போல ஒரு வெள்ளை கார பாம்பின் கதை! நம்மாளுங்க காமிக்ஸ் கதையை சுட்டு இருக்க வாய்ப்பு இருந்திருக்குமா என தெரியவில்லை. 

இந்த பேயி குளத்துக்குள்ள இருந்துகிட்டு கையாலேயே பிடிச்சு அமுக்கி கொலை பண்ணும். படு பயங்கர ஓவியங்களைத் தாங்கிய கதை!

லார்கோவின் அடுத்து வரும் அதிரடியயும் இந்த கதையிலே வெளியிட்ட நம் ஆசிரியருக்கு மிக மிக நன்றிகள் சொல்லிக்கறோம்!

அதிரடிக்கு மிக சிறந்த இடமாக தீவு தேர்ந்தெடுக்கப்பட்டு அனைத்தின் மிக தெளிவான திட்டமிடலும் நண்பர் லார்கோவாலேயே வடிவமைக்க பட்டிருப்பது கடைசியில்தான் தெரிய வருகிறது! 

அடுத்து எப்போ பார்க்க போறோம் நண்பா? ஆவலுடன் உன் இனிய புது தோழன் சைமன் (ஆமாங்க என் பெயர் ஜான் சைமன்) 

பிரிவோம் மீண்டும் சந்திக்கும் வரை! 

வாழ்க வளமுடன்!

கதைக்கும் படலம்!

வணக்கம் அன்பிற்கினிய நண்பர் பெருமக்களே! உங்கள் நல்லாசி மற்றும் ஆதரவுடனும் இந்த பதிவினை இடுவதில் பேரு மகிழ்ச்சி அடைகிறேன்! நண்பர் திரு.நாகராஜன் சாந்தன்(திருப்பூர் ப்ளுபெர்ரி)  அவர்களது பெரிய மனத்தால் நான் தொலைத்து விட்ட எனது பெயர் மற்றும் புகைப்படம் வெளியான மீட்போர் ஸ்தாபனத்தின் பெர்முடா படலம் புத்தகத்தினை ஒரு பைசா இல்லாமல் இலவசமாகவே அன்பளிப்பாக பெற்று கொண்டு அளவில்லா மகிழ்ச்சி அடைந்தேன் என்பதை பெருமிதத்துடன் தெரிவித்து கொள்கிறேன்! 

நன்றி நண்பர் படைகளே! நேரமும் காலமும் அனுமதித்தால் கொஞ்சம் விவரமாக பதிவிடுகிறேன்!

கம்ப்யூட்டர் தொடர்பான சில பயனுள்ள தகவல்கள்!

கேள்வி பதில்

கேள்வி: என் குழந்தைகள், விருந்தினர்கள், கம்ப்யூட்டர் டெக்னீஷியன்கள் மட்டும் பயன்படுத்த ஒரு யூசர் அக்கவுண்ட் தனியே உருவாக்க விரும்புகிறேன். இதற்கான வழி என்ன?

பதில்: முதலில் Start கிளிக் செய்து பின் Control Panel தேர்ந்தெடுக்கவும். இப்போது கண்ட்ரோல் பேனல் விண்டோ கிடைக்கும். இதில் User Accounts என்ற பிரிவில் கிளிக் செய்திடவும். இங்கு கிடைக்கும் யூசர் அக்கவுண்ட்ஸ் விண்டோவில் Create a New Account என்று இருப்பதில் கிளிக் செய்திட வும். இப்போது நியூ அக்கவுண்ட் விஸார்ட் கிடைக்கும். இதில் விஸார்ட் உங்களை புது அக்கவுண்ட்டுக்கான பெயரைக் கேட்கும். நீங்கள் விரும்பும் வகையில், அடையாளம் காட்டும் வகையில் பெயர் கொடுக்கலாம். அதன் பின் இந்த அக்கவுண்ட் எந்தவித டைப்பாக இருக்க வேண்டும் என கேட்கப்படும். குறைந்த அளவே சுதந்திரம் கொடுப்பது உங்கள் குறிக்கோள் என்பதால் Limited User என்பதைத் தேர்ந்தெடுக்கவும். அதன் பின் Create Account என்பதில் கிளிக் செய்தால் அக்கவுண்ட் உருவாக்கப்படும். இப்போது நீங்கள் விரும்பியபடி அக்கவுண்ட் உருவாக்கப் பட்டுவிட்டது. இதிலிருந்து அந்த யூசர் கம்ப்யூட்டருக் குள் நுழையலாம். அவருடைய பாஸ்வேர்ட் அல்லது அவர் உருவாக்கும் பைல்களை மாற்றலாம். இவ்வாறே கம்ப்யூட்டரை ரிப்பேர் கடைக்கு எடுத்துச் செல்கையில் இதே போன்று ஒரு அக்கவுண்ட்டை உருவாக்கி எடுத்துச் சென்று அவர்கள் கம்ப்யூட்டரில் நுழைந்து பார்க்க அந்த அக்கவுண்ட்டைப் பயன்படுத்தச் சொல்லலாம்.

கேள்வி: எனக்கு வரும் இமெயில்களில் செய்தியை மட்டும் அல்லது நான் விரும்பும் பகுதியை மட்டும் அச்செடுக்க, பிரிண்டரில் எப்படி செட் செய்வது?

பதில்: நமக்கு வரும் இமெயில் அஞ்சல் செய்திகளில், தகவல் தரும் வரிகள் மட்டுமே நமக்குத் தேவையானதாகும். இமெயில் வரும் வழி குறித்த தகவல்களைக் கொண்டுள்ள ஹெடர், சிக்னேச்சர், செய்தியின் தன்மை குறித்த சில அறிவிப்புகள், செய்தி அனுப்புபவர் தரும், அவர் விரும்பும் இணைய தள முகவரிகள், தேவையற்ற சில மேற்கோள்கள் இவை எல்லாம் அச்சில் நமக்கு எரிச்சல் ஊட்டும் விஷயங்கள் தான். ஆனால், பிரிண்டரில், இதிலிருந்து சிலவற்றை மட்டும் விலக்கி பிரிண்ட் எடுக்கும் வகையில் செட் செய்திட முடியாது. அதற்குப் பதிலாக, தேவையானதை மட்டும் காப்பி செய்து, அதனை ஒரு வேர்ட் எடிட்டிங் புரோகிராம் (வேர்ட், வேர்ட்பேட் போன்றவை) ஒன்றில் பேஸ்ட் செய்து பிரிண்ட் எடுக்கலாம்.

கேள்வி: பேஸ்புக் தளத்தில் என்னைப் பற்றிய பல தகவல்களைத் தந்துள்ளேன். சில என் நினைவில் இல்லை. இவற்றை எங்கு எப்படி மொத்தமாகப் பெற முடியும். டெக்ஸ்ட் பைலாகக் கிடைக்குமா?

பதில்: நல்ல கேள்வி. இது போல பல தளங்களில் நாம் நம்மைப் பற்றிய தகவல்களை அதிகரித்துக் கொண்டே செல் கிறோம். சில வேளைகளில் நம் தகவல் களையே நாம், சந்தேகக் கண்ணோடு நாம் தான் கொடுத்தோமா என்று எண்ணுகிற வகையில் இவை அமைந்துவிடுகின்றன. பேஸ்புக் தளம் இந்த தகவல்களைப் பெறும் வழியைக் கொண்டுள்ளது. யாரும் அதைப் பற்றி அவ்வளவாக நினைப்பது இல்லை என்பதால், பலரும் இந்த வழியை அறியாமல் இருக்கின்றனர். இதோ இங்கே அதனைப் பார்க்கலாம். முதலில் பேஸ்புக் தளத்தில் உங்கள் அக்கவுண்ட்டில் செல்லுங்கள். உங்கள் தள முகப்பு பக்கம் கிடைத்தவுடன், வலது மேல் மூலையில் உள்ள சிறிய அம்புக் குறியில் கிளிக் செய்திடவும். கிடைக்கும் மெனுவில் Account Settings என்பதில் கிளிக் செய்திடவும். அடுத்த பக்கத்தில், கீழாகச் சென்று Download a copy of your Facebook data என்பதில் கிளிக் செய்திடவும். தொடர்ந்து கிடைக்கும் பக்கத்தில், உங்கள் டேட்டாவினைக் காத்து வைத்திட (Archive) வழி தரப்படும். இங்கு Start My Archive பட்டனில் கிளிக் செய்திடவும். இப்போது உங்கள் டேட்டாவினைச் சேகரித்து காத்திட சற்று நேரம் ஆகும், பரவாயில்லையா! என்ற செய்தி தரப்படும். சரி எனச் சொல்ல, இரண்டாவது முறையாக, Start My Archive பட்டனில் கிளிக் செய்திடவும். அவ்வளவுதான்! நீங்கள் கொடுத்துள்ள மின்னஞ்சல் முகவரிக்கு உங்களைப் பற்றிய ஸிப் பைல் எங்கு கிடைக்கும் என்பதற்கான அஞ்சல் அனுப்பப்படும். அங்கு கிளிக் செய்து பைலைப் பெறலாம். படங்கள், நிகழ்வு கள், நண்பர்கள், வால் போஸ்டர்கள் என அனைத்தும் அதில் கிடைக்கும்.

கேள்வி: விண்டோஸ் 7 ஆப்பரேட்டிங் சிஸ்டத்திற்கு என் கம்ப்யூட்டரை மாற்றப் போகிறேன். இந்த சிஸ்டத்துடன் இயங்கும் வகையில் இலவச ஆண்ட்டி வைரஸ் புரோகிராம் எது சிறப்பாக இருக்கும் என டிப்ஸ் தரவும்.

பதில்: விண்டோஸ் 7 பதிந்தவுடன் நீங்கள் இன்ஸ்டால் செய்திட வேண்டிய முதல் சாப்ட்வேர், ஆண்ட்டி வைரஸ் தொகுப்புதான். விண்டோஸ் 7 பதிந்து முடித்தவுடனேயே, ஒரு பாப் அப் கட்டத்தில், இணையத்தில் ஆண்ட்டி வைரஸ் தேடிப் பெறுங்கள் என்று ஒரு செய்தி கிடைக்கும். ஆண்ட்டி வைரஸ் புரோகிராம் இன்ஸ்டால் செய்த பின்னர், இந்த பாப் அப் கட்டம் மறைந்துவிடும்.
இப்போது பெரும்பாலானவர்களால் பயன்படுத்தப்பட்டு வருகின்ற, கூடுதல் திறனும் வசதிகளும் கொண்ட சில ஆண்ட்டி வைரஸ் தொகுப்புகளின் பெயர்கள் கீழே தரப்பட்டுள்ளன. AVG antivirus– இந்த தொகுப்பு ஆண்ட்டி ஸ்பைவேர் தொகுப்பாகவும் செயல்படும். Avira Anti-Virus Personal Edition – எந்த சிக்கலுமின்றி சிறப்பாகச் செயல்படும் ஆண்ட்டி வைரஸ் தொகுப்பு என அனைவராலும் சான்றளிக்கப்படும் சாப்ட்வேர் தொகுப்பு. Norton Anti-Virus 2009 – மைக்ரோசாப்ட் தன் விண்டோஸ் 2007 சிஸ்டத்துடன் இணைந்து செயலாற்றும் சாப்ட்வேர் தொகுப்புகள் பட்டியலில் இது இடம் பெற்றுள்ளது. சிறப்பான பாதுகாப்பினைத் தருகிறது. அதிச்ண்t அணtடி-ஙடிணூதண் ஏணிட்ஞு – பொதுவாகப் பல கம்ப்யூட்டர்களில் காணப்படும் ஆண்ட்டி வைரஸ் சாப்ட்வேர். விண்டோஸ் 7 சிஸ்டம் இயக்கத்திற்கு முழுப் பாதுகாப்பினைத் தருகிறது என்ற சான்றினைப் பெற்றது. விண்டோஸ் எக்ஸ்புளோரர் ரைட் கிளிக் மெனுவில் இடம் பெற்று, பைல்களை ஸ்கேன் செய்து வைரஸ் கண்டறிய உதவிடும் வசதியைத் தருகிறது.
இன்னும் பல ஆண்ட்டி வைரஸ் புரோகிராம்கள் இலவசமாக இணையத்தில் கிடைக்கின்றன. இவற்றில் ஒன்றைக் கட்டாயமாகப் பதிந்து இயக்குவதுடன், அவ்வப்போது இணையம் வழி அப்டேட் செய்வது மிக மிக முக்கியம்

கேள்வி: இன்டர்நெட் எக்ஸ்புளோரர் திறக்காமலேயே, ஷார்ட்கட் கீகள் மூலம் ஓர் இணைய தளத்தினைத் திறக்க முடியுமா? அப்படியானால், பிரவுசர் திறக்காமலேயே தளம் எப்படி திறக்கப்படும்?

 பதில்: நீங்கள் சற்று குழப்படைந்துள்ளீர்கள். இன்டர்நெட் எக்ஸ்புளோரர் பதிப்பு 8 பயன்படுத்துவதாக உங்கள் நீண்ட கடிதத்தில் குறிப்பிட்டுள்ளீர்கள். இதில் ஷார்ட்கட் கீ உருவாக்கி, உங்கள் பேவரிட் தளத்தினைத் திறக்கலாம். இது இன்டர்நெட் எக்ஸ்புளோரர் அல்லது நீங்கள் செட் செய்த வேறொரு பிரவுசரில் திறக்கப்படும். இதற்குக் கீழ்க்காணும் வழிகளை மேற்கொள்ளவும்.
1. இன்டர்நெட் எக்ஸ்புளோரர் பதிப்பு 8ல் கமாண்ட் பாரில் பேவரிட்ஸ் பட்டனில் கிளிக் செய்திடவும். 
2. இதில் உள்ள பேவரிட் தளங்களில் எதற்கு ஷார்ட்கட் கீ அமைக்க விரும்புகிறீர்களோ அதனை ரைட் கிளிக் செய்திடவும். மெனுவில் ப்ராபர்ட்டீஸ் தேர்ந்தெடுக்கவும். 
இப்போது அந்த பேவரிட் தளத்திற்கான ப்ராபர்ட்டீஸ் டயலாக் பாக்ஸ் திறக்கப்படும். இதில் “Web Document” என்னும் டேப்பினைத் தேர்ந்தெடுக்கவும். 
3. Shortcut Key என்று இருப்பதற்கு அடுத்தபடியாக ஒரு ஷார்ட் கட் கீ தொகுப்பினை டைப் செய்திடவும். இந்த ஷார்ட் கட் கீ வேறு அப்ளிகேஷன் புரோகிராம் அல்லது விண்டோஸ் ஆப்பரெட்டிங் சிஸ்டம் பயன்படுத்தாததாய் இருக்க வேண்டும். இதற்கு Alt, Ctrl, மற்றும் Shift போன்றவற்றைப் பயன்படுத்தவும். 
எடுத்துக்காட்டாக தினமலர் இணைய தளத்திற்கு நீங்கள் Ctrl + Shift + Alt + D என்பதை உருவாக்கலாம். 
இதன்பின் ஓகே கிளிக் செய்து வெளியேறவும்.
இனி இந்த ஷார்ட் கட் கீயினை அழுத்தினால் உங்களுக்குப் பிடித்தமான தளம் நீங்கள் டிபால்ட்டாக அமைத்திருக் கும் பிரவுசரில் திறக்கப்படும். அது இன்டர்நெட் எக்ஸ்புளோரராகத்தான் இருக்க வேண்டும் என்பதில்லை. பயர்பாக்ஸ், குரோம், சபாரி என எதுவாக வேண்டுமானாலும் இருக்கலாம்.

கேள்வி: தகவல்களைத் தேட எல்லாரும் கூகுள் தான் பயன்படுத்துகின்றனர். யாஹூ தளம் பயன்படுத்துவோர் இணைந்துள்ள தேடல் இஞ்சினைப் பயன்படுத்துகின்றனர். தகவல்களைத் தேடிப் பெற வேறு தளங்கள் இல்லையா?

பதில்: ஏன் இல்லை! நிறைய இருக்கின்றன. இவற்றையும் பயன்படுத்திப் பார்க்கலாம். நான் அறிந்த வகையில் கீழே காட்டப்பட்டுள்ளவை சிறப்பாக இயங்குகின்றன. பெயர்களும் முகவரிகளும் கீழே தரப்பட்டுள்ளன.
AltaVista - http://www.altavista.digital.com
Excite - http://www.webcrawler.com
GoTo - http://www.goto.com
HotBot - http://www.lycos.com
InfoSeek - http://www.infoseek.com
Northern Light - http://www.northernlight.com
Lycos - http://www.lycos.com
WebCrawler - http://www.webcrawler.com

நன்றி : தினமலர் நாளிதழ் -கம்ப்யூட்டர் மலர்