அன்பு நண்பர்களே,
இன்று எங்கள் திருமண வாழ்வின் 17 ஆண்டுகள் நிறைவு தினம். வாழ்க்கையின் எத்தனை சோதனைகளையும் வென்றெடுக்க துணை ஒன்று வாழ்வில் இருந்தால் அது எத்தனை இனியதொரு அனுபவம் என்பதை உணரும் தருணம். துணைவியார் ஷீலாவின் அன்பும் ஆதரவும் அக்கறையும் எனக்கு நல்லதொரு மகிழ்வான நிறைவான வாழ்வாக என் வாழ்வு அமைய உதவி செய்து கொண்டிருக்கிறது என்றால் மிகையில்லை. அவருக்கு என் நன்றிகள்.
நிற்க.. தனித்ததொரு ஆன்மாவின் தேடலோ எப்போதுமே இறைவனை நோக்கியே. எப்போது இறைவனோடு ஆன்மா இணையுமோ அப்போதுதான் நிரந்தரமான விடுதலையும் நிரந்தரமான நீடித்த மகிழ்ச்சியும் அங்கே பூத்துக் குலுங்கும்.
அப்படியொரு இறைவன் தன் ஒரே பேறான மகனை பூமிக்கு அனுப்பி வைப்பார் என்கிற எதிர்பார்ப்புகள் உலகெங்கிலும் தலைதூக்கி உலக மக்கள் எல்லோருமே எதிர்ப்பார்ப்புடன் இருந்த ஒரு காலக்கட்டத்தில் இறைமகன் பூமியில் அவதரித்து நல்லோரை ஆற்றுப்படுத்தி நோயுற்றோரை குணப்படுத்தி விடுதலை வழிவகைகளைக் கற்பித்தார்.
அந்த இறைமகனின் வரலாறு விவிலியத்தில் சிறப்பாகக் குறிப்பிடப்பட்டிருக்கிறது. அதனை சித்திர வடிவில் கொண்டு வந்திருக்கிறார்கள். அந்த நூலே 031_காத்திருக்கும் உலகம். இப்போதிருந்து இறைமகன் இயேசுவின் வாழ்க்கைப் பயணத்தின் சம்பவங்கள் தொடங்குகின்றன. நண்பர்களுக்கு கிறிஸ்தவ தோழர்கள் இருப்பின் அவர்கள் காமிக்ஸ் வாசகர்கள் இல்லை எனில் இந்த நூலை அவர்களுக்கு அறிமுகப்படுத்தி வைக்கலாம். நன்றி!
இந்த சித்திரக்கதை வரிசையில் இதுவரை தரவேற்றம் செய்யப்பட்டுள்ள காமிக்ஸ்கள் இங்கே உள்ளன..
https://www.mediafire.com/folder/aya2kkxy9kppj/bible+comics
கருத்துகள் இல்லை:
கருத்துரையிடுக