ஸ்பைடர்.. ஸ்பைடர்..
பதட்டத்தோடு ஓடி வந்தார் பெல்ஹாம்.. சிலந்திவலைப்படுக்கையிலிருந்து துள்ளிக்குதித்தான் அந்த வீர வேங்கை ஸ்பைடர். என்ன பெல்ஹாம்..பேய் அறைந்ததைப் போல விழிக்கிறாய்?!?
ஸ்பைடர்.. யாரோ இரண்டு குழந்தைகள் எதையோ தேடி நம் ஒளிவிடத்தில் அலைகிறார்கள்.. காமிராவில் காட்சி தெரிகிறது..
அடேய் ஆர்டினி.. இரகசியக் கோட்டையை மறைக்கும் மாயத்திரையை மறைத்து விட்டான் போலிருக்கே.. குறும்பன்.. எங்கே அவன். குரலில் கோபம் கொப்பளித்தாலும் மனதில் மென்மை தெறித்தது ஸ்பைடரிடம். பெல்ஹாம்..அந்த இருவரையும் அழைத்துவா..
சற்று நேரத்தில் சிறு அறிமுகத்துக்குப் பின்..
ஸ்பைடர் அங்கிள்.. வாங்க உங்க ஹெலிகாரில் ஒரு இடத்துக்குப் போகணும்.. புதிரா எதோ இரகசியம் ஒளிஞ்சிருக்கு ஓர் இடத்தில்.. சுஸ்கி விஸ்கி யின் அன்புக்குக் கட்டுப்பட்டான் ஸ்பைடர் புறப்பட்டது ஹெலிகார்.
அதன் கட்டுப்பாடுகளை உற்றுக் கண்காணித்தவாறே வழியை சொல்ல ஏரியொன்றின் அருகில் இறங்கியது ஹெலிகார்..
ஆர்டினி..ஐயோ நீரென்றால் பயம்..உயரமென்றாலும் பயம்.. பயபுள்ளையை விட்டுத் தப்பி எங்காவது ஓடிப்பிடலாம்னா விடவே மாட்டேங்கிறான் தம்பி.. புலம்பலுக்குப் புன்னகையை உதிர்த்தனர் சுஸ்கி விஸ்கி..
இந்த ஏரிக்கடியில் ஏதோ மர்மம் ஒளிஞ்சிருக்கு.. சுற்றியும் பாருங்கள் என்று கூற ஸ்பைடரின் கூர்விழிகளுக்குக் கதிரியக்கம் பாதித்த சூழல் புரிந்தது.. தனது நுட்பமான கருவிகளின் துணையுடன் பெல்ஹாமின் மூளையுடன் ஆர்டினியின் அலறலோடு ஏரியை இம்மிவிடாது அலசி எப்போதோ கடத்தப்பட்டு அங்கே கைவிடப்பட்டிருந்த அணு உமிழ் ஆயுதம் கண்டெடுக்கப்பட்டு பாதுகாப்பாக அங்கிருந்து அகற்றப்பட உள்ளூர் ஆட்கள் ஒன்று கூடி அவர்களை ஆரவாரத்தோடு வழியனுப்ப..சுபம்🙏🏻💐😄💓
All in one வாட்ஸ் அப் குழுவுக்காக..
மேலதிகக் கதைகளுக்கு:
கருத்துகள் இல்லை:
கருத்துரையிடுக