நிலையாமை..

ஒருவரையும் விடுவதில்லை விதி.. புரியாதவரே ஆட்டம் போடுகிறார்..புரிந்தவர் வாழ்வை கொண்டாட்டத்தோடு கடக்கிறார்..ஒரு தும்பியின் மரணமும் இழப்பே இந்த பிரபஞ்சத்தில்..#வாழ்வதிகாரம்..

அத்திவரதரைத் தவிரவும் வேறுண்டு காஞ்சியிலே..

வணக்கம் தோழமை உள்ளங்களே..
அத்திவரதர் பற்றி ஆயிரக்கணக்காக தகவல் வந்து குவிந்திருக்கும் உங்கள் இன்பாக்ஸில்.. காஞ்சிபுரம் கோவில் நகரம்..இங்கே பல்வேறு மன்னர்களில் பாதம்பட்டிருக்கிறது.. எத்தனையோ சம்வங்களைதத் தாங்கி நிற்கும் நகரம். இந்த நகரத்தின் இன்னொரு முகத்தைக் காட்டும் பதிவுதான் இது.
ஒற்றை சிலையை தண்ணீரில் வைத்து நாற்பதாண்டுகள் பாதுகாத்து தரிசனத்துக்கு வைக்கும் பாங்குள்ள மனிதர்கள் நிறைந்திருக்கும் காஞ்சியிலே இதுபோன்று அனாதரவாய் விடப்பட்டுள்ள வரலாறு பேசும் கல்வெட்டுகளை மீட்டெடுத்து அருங்காட்சியகங்களில் பாதுகாப்பாக வைத்து அல்லது இங்கேயே ஒரு அருங்காட்சியகம் அமைத்தால் எத்தனை நன்றாக இருக்கும்?!? சம்பந்தப்பட்ட மாநகருக்கான வருமானத்தையும் அது சம்பாதித்து தருமென்பதில் சந்தேகமேது?!
அந்த வருவாயை இழத்தல் தகுமோ?!?

கல்வெட்டு ஆய்வாளர்கள் எவரேனும் தங்கள் நண்பராக இருப்பின் தயவு செய்து இந்த கல்வெட்டின் அர்த்தத்தை கேட்டு சொல்லுங்கள்..

காஞ்சி புரம், மடம்தெருவில் உள்ள இது முக்கியத்துவம் வாய்ந்த ஒன்றாகத்தானிருக்க வேண்டும். இத்தகைய அபூர்வங்களை நகர நாகரிகத்துக்கு பலியாக புதைபட விடுதல் தகுமா?! ஆய்வாளர்கள் தயவுசெய்து மீட்டெடுங்கள். ஒரு தமிழனாக எனது இந்தப் பதிவை செய்துள்ளேன். நீங்களும் இதனை உரியவர்கள், தகுந்தவர்கள் கண்ணில் தென்படும்வரை ஷேர் செய்யுங்கள்...
நன்றி..

புதுமைப்பித்தனின் கபாடபுரம் காமிக் வடிவில் http://aroo.space/2019/07/17/%e0%ae%aa%e0%af%81%e0%ae%a4%e0%af%81%e0%ae%ae%e0%af%88%e0%ae%aa%e0%af%8d%e0%ae%aa%e0%ae%bf%e0%ae%a4%e0%af%8d%e0%ae%a4%e0%ae%a9%e0%ae%bf%e0%ae%a9%e0%af%8d-%e0%ae%95%e0%ae%aa%e0%ae%be%e0%ae%9f%e0%ae%aa/
நன்றி ஒரிஜினல் அப்லோடருக்கே..

ஆசிரியர் என்பார்யார்?!?

நானெல்லாம் இன்றைக்கு ஒரு நிலைக்கு வந்து வாழ்க்கையை சிறப்புற வாழ்கிறேனென்றால் என் ஆசிரியப் பெருந்தகைகளே அதற்கு முழுமையான காரணம்.. ஹாஸ்டல் வார்டன்களாக அண்ணனாக செயல்பட்டும் பள்ளி ஆசானாக வாய்ப்புகளை தந்தும் என்னை இயக்கிய உயர வைத்த அந்த நல்ல உள்ளங்களை எப்போதும் நன்றியோடு நினைத்து பார்ப்பேன்.. திரு மற்றும் திருமதி சிம்சோன் தம்பதியினர் திரு.தேவாசீர்வாதம்,  திரு.சவரிமுத்து, திரு.அந்தோணிசாமி, திரு.ஏகாம்பரம், திரு.சம்பத், திரு.ஏழுமலை, திரு.தங்கவேலு இன்னும் எக்கச்சக்க ஆசிரியர்களின் வழிகாட்டுதலும் அன்பும் மட்டுமல்ல கண்டிப்பும் பிரம்படியும், காது திருகலும் அதிலும் ஒரு சார் தோள்பட்டை கை ஜாயிண்ட் தசையை பிடித்து இழுப்பார் தவளை போல ஒரு நரம்பு எழுந்து அடங்கும்... முட்டி போடுதல், சேர் இல்லாமலேயே அப்படியே அமரும் நிலையிலிருத்தல், ஏகப்பட்ட கொட்டுக்கள்... அவையெல்லாம்தான் இன்றைக்கு நான் வாழும் கவலையற்ற வாழ்வின் அடிப்படையை உறுதியாக கட்டமைத்தவை.. அன்பார்ந்த மாணவமணிகளே..ஆசிரியரை அவமதித்தென்ன லாபம்.. அவரது அறிவுரையே உங்களுக்கான நல்வேதம்..அலட்சியப்படுத்தாதீர்..ப்ளீஸ்..ஜானி சின்னப்பன்..

அங்கிங்கெனாதபடி.. வினாடி கதைகள்-ஜானி சின்னப்பன்..

அவனின் இஷ்டதெய்வத்தினை தரிசிப்பதற்காக கைக்குழந்தை, பச்சை உடம்பு மனைவி, வயதான அம்மா எல்லோரையும் அழைத்துக் கொண்டான். திமிலோகப்பட்டுக் கொண்டிருந்தது அந்த ஊர்..அடித்துப் பிடித்து, நாலு பேரை மிதித்து, தானும் குடும்பத்தாரும் மிதிபட்டு நசுங்கி சாமியை தரிசித்து ஊர் திரும்பும்போது..அந்த கூட்டத்துல நாலு பேரு நசுங்கி செத்துட்டாங்களாமே..ஐயோ பாவம்  என கதைத்துக் கொண்டே வீடு சேர்ந்தான்.. பூஜை அறையிலிருந்த அவனின் இஷ்ட தெய்வம் அதே அருள்நிறைந்த புன்முறுவலுடன்...

(Disclaimer: இவை அனைத்தும் என் சொந்த கற்பனைக் கதைகளே...யார் மனதையும் புண்படுத்துவதோ யாருக்கும் சங்கடம் ஏற்படுத்துவதோ என் எண்ணமில்லை.. நீண்டகால வாசகர் எனும் நிலையிலிருந்து எழுத்துலகில் சிறு காலடி வைத்திருக்கிறேன்.. பிழைகளிருப்பின் பொறுத்தருள்க..)

காஞ்சிபுர சிற்பங்கள்..

செய்தி.. வினாடி கதைகள்..ஜானி சின்னப்பன்..

டிங்.. டிங்.. டிங்..கென வந்து விழுந்த செய்திகளால் எரிச்சலானான் தமயந்தன்.. வேகமாக கமெண்டில் ஆங்ரி சிம்பலை தேடிப்பிடித்து பதிலுக்கு அனுப்பி வைத்தான்.. பதிலாக சிரிப்பு சிம்பலே வந்து கொண்டிருக்க..வேறு வழியில்லாமல் சிரிப்பு சிம்பலைத் தானும் தட்டினான்..புத்தர் புன்னகைத்தார் அருகிலிருந்த ஷெல்பொன்றில் சிலையாக..

(Disclaimer: இவை அனைத்தும் என் சொந்த கற்பனைக் கதைகளே...யார் மனதையும் புண்படுத்துவதோ யாருக்கும் சங்கடம் ஏற்படுத்துவதோ என் எண்ணமில்லை.. நீண்டகால வாசகர் எனும் நிலையிலிருந்து எழுத்துலகில் சிறு காலடி வைத்திருக்கிறேன்.. பிழைகளிருப்பின் பொறுத்தருள்க..)

இக்கணமே கொன்றுவிடுக..வினாடி கதைகள்..ஜானி சின்னப்பன்

அந்த க்ரைம் எழுத்தாளர் "இக்கணமே கொன்றுவிடுக" என புதிதாக தலைப்பிட்ட கதையை  கவர் மேலே குறிப்புடன் அனுப்பி வைத்தார். அந்த தபால் தப்பான முகவரியில் கவனக்குறைவாக டெலிவரி செய்யப்பட்டது.. அதை கொண்டுபோய் கொடுத்த கூரியர் பாயின் கையில்
கைநிறைய டிப்ஸ் பணத்தோடு
டைம்பாம் அடங்கிய பார்சல் ஒன்றினை  திணித்தான் முகவரியிலிருந்த ஆசாமி.  "உள்ளே வாட்ச் ஒன்று பிறந்தநாள் பரிசாக வைத்திருக்கிறேன். போகிற வழியில் இதனை சேர்ப்பித்து விடேன்.." டிக்.டிக்..டிக்..

சதிவலை...வினாடி கதைகள்..ஜானி சின்னப்பன்

நீங்க சொன்ன மாதிரியே லாரியை ஏத்தி அவனைக் கொன்னுட்டேன் எஜமான்..மீதிப் பணத்தை வந்து வாங்கிக்க இப்ப வரட்டுங்களா என்றவனின் லாரி டயர் படீரென வெடித்ததில் நிலைதடுமாறிய வாகனம் அதலபாதாள மலைச்சரிவில் குட்டிக்கரணமடிக்கத் தொடங்கியது..டமார்ர்..எதிரில் பேசிக் கொண்டிருந்த எஜமானின் செல்போனும் சூடேறி வெடித்தது..படீர்ர்..

விடாது விதி.. வினாடி கதைகள்..ஜானி சின்னப்பன்..

கிரகம் எக்ஸ்.. கிரகத்தின் ஒட்டுமொத்த ஏலியன்களையும் லேசர் துப்பாக்கிகளால் சுட்டுப் பொசுக்கி வெற்றியோடு திரும்பியவனை காதலோடு எதிர் கொண்டாள் சமீபத்தில் பிரசவித்த மனைவி..கையிலிருந்த குழந்தை நான் ஒரு மியூட்டன்ட்டாக்கும்(திடீர் மாற்றமடைந்த ஜீவன்) என அவனைப் பார்த்து புன்னகைத்தது..