வணக்கம் வாசகர்களே..
ஜனவரியில் வெளியாகியிருக்கும் லயன் காமிக்ஸின் 442 வது வெளியீடு இந்த கண்ணீருக்கு நேரமில்லை..
விலை ரூ.100
கருப்பு வெள்ளை
132 பக்கங்கள்
கதை: போசெல்லி
சித்திரங்கள்: பிரிந்திசி
சித்திரங்கள்: பிரிந்திசி
கதை சுருக்கம்: சாம் வில்லர் மற்றும் டெக்ஸ் வில்லரின் சிறு பிராயத்து கதைகளை ஆர்வத்துடன் வாசித்து வரும் நமது இளம் டெக்ஸ் வில்லர் தொடர் இந்த கதையிலும் தனது பங்கினை செம்மையாக நிறைவேற்றுகிறது.
1854 டெக்சாசில் வசித்து வரும் சாம் மற்றும் டெக்ஸ் அவர்களது தந்தையுடன் வசித்து வருகின்றனர். ஆட்டம் பாட்டம் கொண்டாட்டம் என்கிற சிறு வயதின் மகிழ்வுகளும் அவர்களுக்கு வாய்த்திருந்தது.
அங்கே ஒரு நடன நிகழ்ச்சியும் தொடர்ந்து கைகலப்பும் எழ டெக்ஸ் தந்தை கென் வில்லர் வந்த பின்னரே சமாதானம் ஆகிறது.
கால்நடைகளைத் திருடி மெக்சிகோவில் விற்கும் கொள்ளைக் கும்பல் ஒன்று தந்த தொல்லையை சமாளிக்கும் முயற்சியில் கென் வில்லர் இறந்து விட பழிக்குப் பழி வாங்க பாய்ந்து புறப்படுகிறார் டெக்ஸ். ஆனால் சாம் பண்ணையைப் பார்த்துக் கொள்ள இருந்து விடுகிறார்.
அவரது இலக்கான எதிரிகளை மெக்ஸிக மண்ணில் கண்டுபிடித்து போட்டுத் தள்ளுகிறார்கள் இருவரும். அவர்களை விரட்டி வரும் மெக்ஸிக ரோந்துப் படையை தவிர்த்துக் கொள்ளும் முயற்சியில் கன்னீ தன் இன்னுயிரைப் பறி கொடுக்கிறார். தனது சகோதரனுக்கே பண்ணை உரிமையை விட்டுத்தந்து புறப்படுகிறார் டெக்ஸ். அவரைத் துரத்தும் கேள்வி கால்நடைகள் உண்மையில் மெக்சிகோ சென்றடையவில்லை என்பதுதான். அதன் பின்னணியில் இருந்தவர்கள் யார் என்று கண்டறியும் முயற்சியிலும் டெக்ஸ் இறங்குகிறார்.
அவரது பாதையில் அப்போது வருவதுதான் டைனமைட்.
அந்த குதிரையின் உதவியுடன் ரோடியோ ஆட்டக்களத்தில் புகுந்து பிரபல்யமாகிறார் டெக்ஸ்.
ஆனால் சாம்? அவனது பண்ணையை பிடுங்க முயற்சிக்கும் பெரு முதலாளி ரீபோவிடம் மோதி உயிரைப் பறிகொடுக்கிறார் சாம் வில்லர்.
டெக்ஸ் அதே பண்ணையை கைப்பற்றி தீக்கிரையாக்குவதுடன் ரீபோவின் மொத்த கும்பலையும் ஒழித்துக் கட்டுகிறார். அதற்கு டெக்ஸ் என்னென்ன செய்தார்? அவர் வாழ்வில் அடுத்தடுத்த சம்பவங்கள் என்ன நிகழ்ந்தன? திக் திக் பக்கங்கள் உங்களுக்கான பதிலினைத் தரும்..
132 பக்கங்களில் பக்காவான ஆக்ஷன் சித்திரக்கதையாக மலர்ந்திருக்கிறது இந்த கண்ணீருக்கு நேரமில்லை.. கண்டிப்பாக உங்கள் நூலகத்தில் இருக்க வேண்டிய ஒன்று என்பேன்.. விலை விவரங்களுக்கும், ஆன்லைன் ஆர்டருக்கும்
கருத்துகள் இல்லை:
கருத்துரையிடுக