கண்ணாடி மலை அழகிகள்_காமிக்ஸ்

 

காத்திருந்த கழுகுகள்_இராணுவக் கதை.

 வணக்கங்கள் அன்புள்ளங்களே.. தீபாவளி அருமையாக சென்றிருக்கும் என்று நம்புகின்றேன்.. எண்ணெய் குளியல் அதன் பிரதான அம்சம்.. உடலுக்கு உறுதி தரும் எண்ணெய் குளியல் மறக்காதீர்கள் என்று வருடாவருடம் கூறுவதைப் போன்றே இம்முறையும் கூறுகிறேன்.. அது நமது பாரம்பரியத்தில் சிறப்பான ஓர் அம்சம்.. தீபாவளிக்கு லயன் காமிக்ஸ், வகம் காமிக்ஸ் என்று ஒரு உத்வேகத்துடன் அனைத்து ஸ்பெஷல்களையும் வாசித்து முடித்திருப்பீர்கள்.. என்னால் முடிந்ததொரு சிறு கதையை உங்களுடன் பகிர்ந்து கொள்வதற்கு முயற்சிக்கிறேன்.. தொடர் சில தினங்கள் தொடரும்.. வாசித்து மகிழ அன்புடன் அழைக்கிறேன்.. எங்கோ ஒரு மூலையில் யுத்தம் இன்றும் நிகழ்ந்து கொண்டிருக்கிறது.. இராணுவம் இல்லையேல் நாட்டுப்பற்று மிகுந்த இராணுவ வீரர்கள் நமக்காக உயிர் கொடுக்கவில்லை என்றால் நாம் இங்கே நிம்மதி கொள்வதும் ஏது.. அப்படிப்பட்ட இராணுவத்தினரின் கதைகள் எந்த தேசமாயினும் இரசித்து வாசிக்க வைக்கக் கூடியவையே.. இந்த சிறு கதை உங்களுக்கு எப்படி என்று முடிந்தபின்னர் தெரிவிக்கலாம். நன்றி.. 

இதன் வண்ணப்பதிப்பை செயற்கை நுண்ணறிவின் துணைக் கொண்டு பதிவிடும் யோசனையை நமது நண்பர் திரு.ஸ்ரீராம் லட்சுமணன் அவர்கள் தெரிவிக்க அதனை செயல்படுத்தியபோது கிடைத்த ரிசல்ட்..

அல்டிமேட் இரகம்.. 

அவருக்கே இந்த பக்கத்தை டெடிகேட் செய்கிறேன்.. ஒவ்வொரு சிந்தனையும் அதை செயல்படுத்தும் யோசனையும் அவரிடமிருந்தே கிட்டி வருகிறது.. அவரை வாழ்த்தி இந்த பக்கத்தை உங்களுடன் பகிர்ந்து கொள்வதில் பெருமகிழ்ச்சி அடைகிறேன்.. 

மழைக்காலம்.. அனைவரும் போதிய பாதுகாப்பு ஏற்பாடுகளை செய்து கொள்ளுங்கள்.. கவனம்.. நம் எச்சரிக்கையே வரும் முன்பு காக்கும் நல்ல ஆயுதம் என்பதை உணர்ந்திருப்போம்.. 

என்றும் அதே அன்புடன் உங்கள் இனிய நண்பன் ஜானி.. 

டுராங்கோ - குறிப்புகள் -சுரேஷ் தனபால்

 வணக்கம் நண்பர்களே.. 

ஹாப்பி தீபாவளி 

கங்கா ஸ்னானம் ஆயிடுத்தா?

டுராங்கோ பற்றிய கேள்வி ஒன்றுக்கு நமது நண்பர் சுரேஷ் தனபால் திரட்டித் தந்த தகவல்கள் கீழே...

சத்தமின்றி யுத்தம் செய் - DURANGO 

1-13 அத்தியாயங்கள் 

கதை/ஓவியம்  - YVES SWOLFS 

மொழியாக்கம் - திரு.கருணையானந்தம் 

14-16 அத்தியாயங்கள் 

கதை-  YVES SWOLFS 

ஓவியம்  -THIERRY GIROD 

மொழியாக்கம் - திரு. விஜயன் 

யாரிந்த மௌனப் புயல்? இந்தக் கேள்வி தான் இந்த கதை தொகுப்புகளின் TAG LINE. நம்ம கதாநாயகனும் ஊர் ஊராக சுற்றுகிறாரே தவிர, இவரைப் பற்றி ஒரே ஒரு தகவல் கூட சொல்லப்படாமல் கதையை நகர்த்திக் கொண்டு சென்றுள்ளனர். முதல் அத்தியாயத்தில் வியோமிங் பணிப்பரப்பில் 1896 ஆம் ஆண்டு இந்தக் கதை  நிகழ ஆரம்பிப்பதாய் தொடங்குகிறார் கதாசிரியர். ஹாரி லாங் எனும் தன் சகோதரன் எழுதிய கடிதத்துக்கு மதிப்பளித்து, வெள்ளை பள்ளத்தாக்குக்கு வருகிறான் நம் கதாநாயகன்.

 கடவுளுக்கு பயந்து, சமூகத்தின் கட்டுத்திட்டங்களுக்கு ஒடுங்கி, அமைதியாய் வாழ்ந்த ஒரு குடும்பத்தை சார்ந்த நம் கதாநாயகன், துப்பாக்கியுடன் தன் காதலை வளர்த்துக் கொண்ட நாள் முதல், அவன் குடும்பத்தாரால் துவேஷிக்கப் பட்டவன் டுரங்கோ என்பது வெட்டவெளிச்சமாகிறது. ஆனால் விடை தெரியாத பதில், அவன் தந்தை என்ன ஆனார், தாய் என்ன ஆனார், ஏன் டுரங்கோ ஒரு தொழில்முறை துப்பாக்கியாளன் ஆகிறான் என்பதே.

டெட்வுட் நகரத்தின் முதியவர் ஒருவர் நம் கதாநாயகனுக்கு பல விஷயங்களை சொல்லிக் கொடுத்துள்ளார் என்பது தெளிவாகிறது.

மூன்றாவது கதையில் அவன் ஓய்வெடுக்கும் பொழுது அவனது கனவில் வரும் மரணதேவதை, டுரங்கோவின் இருள் சூழ்ந்த கடந்த காலத்தை கோடிட்டு காட்டுகிறது. அவனின் கடந்த காலம் எப்பேர்பட்டது எனும் கேள்விக்குறிக்கு மட்டும் பதிலளிக்காமல் கதையை நகர்த்திக் கொண்டே செல்கிறார் கதாசிரியர்.

13 ஆம் கதையில் லூயியை துரத்தி செல்லும் நம் கதாநாயகன், அவனிடம் இருக்கும் கொலை வேட்கைக்கு காரணியாக தன் நினைவுப் பேழைகளில் அமிழ்ந்து போன நினைவுகளை நினைத்து பார்க்கிறான். அந்தப் மூன்று பேனல்கள் சொல்லும் செய்திகள் ஏராளம். ஆனால் அதை பார்வையாளர்களின் புரிதலில் விட்டு செல்கிறார் கதாசிரியர் 

எண்ணற்ற கதாபாத்திரங்கள், சுற்றி சுழல, ஒவ்வொரு கதையிலும் பெண்கள் தங்கள் பங்குக்கு டுரங்கோவை காப்பாற்றுவதும், இக்கட்டில் மாட்டி விடுவதும் என்று கதையை வித்தியாசமாக நகர்த்திக் கொண்டு சென்றுள்ளார்கள். பெரும்பாலான பெண்கள் மரணத்தை தழுவ, மரணத்தின் உடனே வாழ்க்கை நடத்தும் கதாநாயகன் யாரை நேசிக்கிறான் எனும் குழப்பத்தை அந்த பெண்களிடமும், வாசிக்கும் நம்மையும் குழப்பியபடி பயணிக்கிறான். 

விவேகமும் பொறுமையும் உன் பிஸ்டலின் தோட்டாக்களைப் போலவே விலைமதிப்பற்றவை என்று தனக்கு கூறப்பட்ட அறிவுரையை அவன் நடைமுறைக்கு கொண்டு வர கிட்டத்தட்ட 15 அத்தியாயங்கள் தேவைப்பட்டுள்ளது. கதாநாயகன் ஒரு முன்னெச்செரிக்கையாளன் என்று காட்டப்பட்டாலும், பல தருணங்களில் தன் அலட்சியத்தால் மாட்டிக் கொள்கிறான். ஆனால் அப்படிப்பட்ட இக்கட்டான சூழ்நிலையிலும் மரணம் தழுவாதா என்று ஏங்கும்  ஒரு கேரக்டராகவே டுரங்கோவை பார்க்க நினைக்கிறது மனது. ஆனால் அவன் இறந்து விட்டால் கதை ஏது. மரணமும் அவனை காதலிக்கிறதோ என்னவோ, அவன் உயிர்வாழ எண்ணற்ற சந்தர்ப்பங்களை வாரி வழங்கிக் கொண்டே செல்கிறது. 

15 வது அத்தியாயத்தில் தான் டுரங்கோ குறித்து கதாசிரியர் கொஞ்சம் கொஞ்சமாக முடிச்சுகளை அவிழ்க்கிறார். மொத்தம் 

கதையை முடித்த பிறகும் இந்தக் கதையின் TAGLINE மனதில் நிழலாடிக் கொண்டே இருக்கிறது. யாரிந்த மௌனப் புயல்?

SPOILERS ALERT 

1. ரௌத்திரம் பழகு  Les Chiens Meurent En Hiver

தன் சகோதரனை கொன்ற கயவர்களை வெள்ளை பள்ளத்தாக்கில் பழிவாங்குவது.

2. மனதில் உறுதி வேண்டும் Les forces de la colère

வெள்ளை பள்ளத்தாக்கில் அடிபட்ட ரணத்தை குணப்படுத்த ஓய்வெடுத்துக் கொண்டிருந்த பீஸ்புல் சர்ச் என்ற பாவப்பட்ட நகரத்தை ரணகலாமாகிய கல்லஹ்ன் எனும் கொள்ளையனையும் அவன் கூட்டத்தையும் வேரோடு அறுப்பது. 

3. தடை பல தகர்த்தெழு Valstrik voor 'n "killer"

சில்வர் ப்ரிட்ஜில் தன்னை காப்பாற்றுமாறு வேலைக்கு அமர்த்திக் கொண்ட ஆலன், இறந்து போக, கொலைப்பழி டுரங்கோ மீது விழ, அதை ஆலனின் விதவையின் துணையுடன் சமாளித்து பயணத்தை தொடர்கிறான் டுரங்கோ. ஆனால் ஜென்கின்ஸ் எனும் சில்வர் ப்ரிட்ஜ் ஷெரிப் அவனை தேடப்படும் குற்றவாளி வரிசையில் சேர்க்கிறான்.

4. தீதும் நன்றும் பிறர் தர வாரா Amos

தேடப்படும் குற்றவாளி என்பதால் மெக்சிகோ எல்லைக்கு சென்று தப்பிக்க எத்தனிக்கும் நம் கதாநாயகன், அங்கு ஆமோஸ் ரொட்ரிகோஸ் உடன் நட்பை சம்பாதித்துக் கொள்கிறான். சில்வர் ப்ரிட்ஜில் நடந்த சொதப்பலுக்கு காரணமான கம்பெனி நிர்வாகம் அனுப்பிய வெகுமதி வேட்டையனாக லோகன் களமிறங்க, உடன் ஜென்கின்ஸ் கூட்டு சேர, பிங்கர்ட்டன் ஏஜென்சியின் சார்லி சிரிங்கோவும் சட்டத்தின் பக்கம் நிற்க டுரங்கோ என்ன ஆனான் என்பதே கதை.

5. மௌனமாயொரு இடிமுழக்கம் Sierra sauvage

நியூ மெக்சிகோ சிறையில் அடைபட்டிருந்த டுரங்கோவை, ஆமோஸ் ரொட்ரிகோசை பிடிக்க அனுப்புவது என்று முடிவெடுத்து டெக்சர்ஸ் கவர்னர் ஆணையிட, வழியில் ஆமோஸ் அவனது நண்பர்கள் ஒர்டேகா குழுவினரால் டுரங்கோ பெடரல் ஏஜெண்டுகளிடம் இருந்து தப்பிக்கிறான். ஆமோஸ் நடத்தும் புரட்சிப் படையின் தாக்குதலுக்கு துணை புரிந்து சாகசங்கள் செய்கிறான்.

6. நரகத்துக்கு நேர்பாதை Le destin d'un desperado

தடை பல தகர்த்தெழு எனும் மூன்றாவது அத்தியாயத்தின் இறுதி அத்தியாயம் இது. ஆமோஸ், லோகன் போன்றோர் இறந்து கதை முடிவடைகிறது. 

7. ஒரு ராஜகுமாரனின் கதை Loneville

லோன்வில் நகரில் நுழையும் டுரங்கோ, அங்கே அந்த கிராம மக்கள் எல்லோரையும் கொஞ்சம் கொஞ்சமாக கொன்று குவித்து வரும் ஒருவனை நிர்மூலமாக்குகிறான். அந்த கிராமத்தில் நடந்த கொடூரங்களுக்கு பின்னணியில் இருந்தவனையும் வீழ்த்துகிறான் நம் கதாநாயகன்.

8. வேட்டையாடு விளையாடு  Une raison pour mourir

 

ஹேய்ஸ் நகர் மேயரின் மனைவி லூசியின் பாதுகாவலனாக நியமிக்கப் படும் டுரங்கோ, தான் எந்த விதமான வில்லங்கத்தில் தலையிடுகிறோம் என்று தெரியாமலே சிக்கலில் சிக்குகிறான். அந்த வில்லங்கத்தில் இருந்து லூசியின் தந்தை டங்கனால் காப்பாற்றப் படுகிறான். 

9. ஒரு புதையலின் பாதையில் L'Or de duncan

லூசிக்கு டங்கன் விட்டு செல்லும் புதையலை தேடி டுரங்கோவும் லூசியும் ஷெரின் நகரத்துக்கு பயணிக்கிறார்கள். அங்கு டங்கனின் டெபுடி ரயனும் புதையலைத் தேடி வர, அந்த ஊர் தாதாவான வில்லியும் வேட்டையில் இறங்க டுரங்கோவின் அதகளம் தொடர்கிறது.

 

10. வதம் செய்ய விரும்பு La proie des chacals

ஹௌலாண்ட் நகருக்கு வரும் டுரங்கோ அங்கு பூர்வ குடி அமெரிக்க பெண்களை கடத்தி விற்கும் கும்பலை காலி செய்கிறான்.

11. அரக்கர் பூமி Colorado

நார்ட்டன் வில் நகரில் நடக்கும் அநியாயங்களை தடுக்க பணிக்கு அமர்த்தப்பட்ட நாயகன் சில பல சாகசங்களுடன் உயிருக்கு ஆபத்தான நிலையில் பதுங்குகிறான்.

12. பனியில் ஒரு புரட்சி L'héritière

நார்ட்டன் வில் நகரில் புரட்சி வெடிக்க டுரங்கோவின் அதிரடி கதைக்கு சுபம் போட வைக்கிறது.

13. ஆறாது சினம் Sans Pitié

நார்ட்டன் வில் நகரில் புரட்சி ஓய்ந்து, நிம்மதி தலை தூக்கியிருந்த நேரத்தில் லூயி ஹோல்டிக்கர் எனும் மிருகம் நடத்திய கொலைவெறி தாண்டவத்துக்கு பழி தீர்க்க நாயகர் அவனைத் தேடி புறப்படுகிறார் 

14. ரௌத்திரம் கைவிடேல்  Un pas vers l'enfer

ஹார்லான் என்பவனால் கொல்லப்பட்ட தன் காதலிக்காகவும், தன் குழந்தைக்காகவும், ரௌத்திரத்துடன் ஆனால் மதியூகத்துடன் களமிறங்குகிறான் டுரங்கோ 

15.எல் கோப்ரா  El Cobra

ஆதி முதல் அனைத்து பிரச்சினைகளுக்கும் மூல காரணமான மைனிங் கம்பெனிகளின் கூட்டமைப்பில் ஒன்றான லாரன்ஸ் மைனிங் கம்பெனி குறித்து தெரிந்துக் கொண்ட டுரங்கோ, அதை தேடி செல்கிறான். ஆனால் மைனிங் கம்பெனிகளின் கூட்டமைப்பின் சூத்திரதாரி ஸ்டெய்ன்னர் தன்னை ஏமாற்றிய லாரன்ஸை போட்டுத் தள்ள எல் கோப்ரா என்பவனை அனுப்புகிறான். இரண்டு தொழில்முறை துப்பாக்கி வீரர்கள் நேருக்கு நேர் சந்தித்துக் கொண்டார்களா? என்ன நடந்தது?

16.நரகத்திற்கு நெருக்கத்தில்  Le Crépuscule Du Vautour

லாரன்ஸ் மூலமாக ஸ்டெய்ன்னர் குறித்து அறிந்துக் கொண்ட டுரங்கோ, ஸ்டெய்ன்னர்ரை பழிவாங்க களமிறங்குகிறான். ஸ்டெய்ன்னர் வீழ்த்தப்பட்டானா? அடுத்த குறி யார்? எங்கு செல்லப் போகிறான் டுரங்கோ 

17. Jessie

18 L'Otage

19 Oro Maldito 

கடைசி மூன்று தொகுப்புகளை சீக்கிரமாக வெளியிட ஆவண செய்யுங்கள் எடிட்டர் சார். மௌனப்புயலின் புதிர் வரலாறை தெரிந்துக் கொள்ள ஆவலுடன் உள்ளோம்.

-கட்டுரையாளர் திரு. சுரேஷ் தனபால் அவர்களுக்கு நன்றி 

டெக்ஸ் வில்லர் கதைகள் பட்டியல்... _டெக்ஸ் விஜயராகவன்

 

தமிழில் வந்துள்ள டெக்ஸ் வில்லர் கதைகள்= 166

மறுபதிப்புகள் நீங்களாக..

தொடர் கதைகள் ஒரே கதையாக...

வெளியீடு எண் இல்லாதவையும் கதைகளே என்பதால் அவைகளும் கதைகள் கணக்கில் வரிசைபடுத்தப்பட்டுள்ளன..

தி லயன் 250, டைனமைட், சுப்ரீமோ ஸ்பெசலில் வந்துள்ள தனிதனி கதைகள் தனிதனியாக வரிசைப்படுத்தப்பட்டுள்ளன.

தமிழ் டெக்ஸ் கதைகள்.....

1.தலைவாங்கிக் குரங்கு-1985 

2.பவளசிலை மர்மம-1986 

3.பழிவாங்கும் பாவை-1987

4.பழிக்குப்பழி-1987 

5.ட்ராகன் நகரம்-1988 

6.இரத்த முத்திரை-1988 

7.வைக்கிங் தீவு மர்மம்-1989 

8.மாய எதிரி-1989(மாடஸ்தியின் நடுக்கடலில் அடிமைகள் இதழில் இணைந்து வந்தது) 

9.அதிரடிக் கணவாய்-1989 

10.எமனோடு ஒரு யுத்தம்-1990 

11.மரணத்தின் நிறம் பச்சை-1991 

12.சைத்தான் சாம்ராஜ்ஜியம்-திகில் கோடைமலர்1991 

13.பழிவாங்கும் புயல்-1991

14.கழுகு வேட்டை-1991  

15.இரத்த வெறியர்கள்-1993 

16.இரும்புக் குதிரையின் பாதையில்...!-1994(லயன் சென்சுரி ஸ்பெசல்) 

17.பாலைவனப் பரலோகம்-1995(லயன் டாப்10 ஸ்பெசல்) 

18.மரண முள்-1996 

19.நள்ளிரவு வேட்டை-1996 

20.மரண நடை-1997 

21.கார்சனின் கடந்தகாலம்-1997 

22.பாங்க் கொள்ளை-1997 

23.எரிந்த கடிதம்-1998 

24.மந்திர மண்டலம்-1999 

25.இரத்த நகரம்-1999

26.எல்லையில் ஒரு யுத்தம்-2000 

27.மரண தூதர்கள்-2000 

28.மெக்ஸிகோ படலம்-2001

29.தனியே  ஒரு வேங்கை, கொடூர வனத்தில் டெக்ஸ்& துரோகியின் முகம்(3பாக தொடர் கதை)-2002 

30.பயங்கரப் பயணிகள் & துயிலெழுந்த பிசாசுகள்(இருபாக தொடர்)-2002 

31.பறக்கும் பலூனில் டெக்ஸ்-2003 

32.ஓநாய் வேட்டை& இரத்த தாகம்(இருபாக தொடர்)-2003 

33.இருளின் மைந்தர்கள்-2003 

34.சாத்தான் வேட்டை-2003 

35.கபால முத்திரை& சதுப்பில் ஒரு சதிகார கும்பல்(இருபாக தொடர்)-2004 

36. சிவப்பாய் ஒரு சிலுவை-2004

37.இரத்த ஒப்பந்தம், தனியாத தணல் & காலன் தீர்த்த கணக்கு(3பாக தொடர்)-2005

38.கானகக் கோட்டை-2006 

39.பனிக்கடல் படலம்-2007 

40.மரணத்தின் முன்னோடி, காற்றில் கரைந்த கழுகு& எமனின் எல்லையில் (3பாக தொடர்)-2008 

41.சிவப்பாய் ஒரு சொப்பனம்-2013

42.பூத வேட்டை-2013

43.நிலவொளியில் ஒரு நரபலி(டெக்ஸ் வில்லரின் முதல் தமிழ் வண்ண இதழ்)-2013  

44.நீதியின் நிழலில்-தீபாவளிமலர்2013 

45.மரண தேசம் மெக்ஸிகோ -தீபாவளிமலர்2013 

46.நில் கவனி சுடு-2014 

47.காவல் கழுகு-2014 

48.சட்டம் அறிந்திரா சமவெளி-2014  

49.வல்லவர்கள் வீழ்வதில்லை-2014 

50.ஒக்லஹோமா-தி லயன் 250-2015

51.முகமில்லா மரண தூதன்-தி லயன் 250-2015 

52.பிரம்மன் மறந்த பிரதேசம்-தி லயன் 250-2015 

53.டைனோசரின் பாதையில்...!-தீபாவளி வித் டெக்ஸ்-2015 

54.எமனின் வாசலில்...!-தீபாவளி வித் டெக்ஸ்-2015 

55.சட்டத்திற்கொரு சவக்குழி-2016 

56.திகில் நகரில் டெக்ஸ்-2016 

57.விதி போட்ட விடுகதை-2016 

58.தலையில்லாப் போராளி-2016 

59.டாக்டர் டெக்ஸ்-2016 

60.குற்றம் பார்க்கின்!-2016 

61.ஒரு கணவாயின் கதை-"ஈரோட்டில் இத்தாலி"- இதழ்-2016 

62.துரோகத்திற்கு முகமில்லை-2016 

63.தற்செயலாய் ஒரு ஹீரோ-2016 

64.சர்வமும் நானே!-தீபாவளி மலர்-2016 

65.நீதிக்கு நிறமேது?-2016 

66.ஆவியின் ஆடுகளம்-2017

67.அராஜகம் அன்லிமிடெட்-2017 

68.இரும்புக் குதிரையில் ஒரு தங்கப் புதையல்-2017 

69.ஒரு வெறியனின் தடத்தில்-2017 

70.கவரி மான்களின் கதை-2017 

71.கியூபா படலம்-"லயன்300"-2017 

72.கடற்குதிரையின் முத்திரை-2017

73.ஒரு தலைவன் ஒரு சகாப்தம்-தீபாவளிமலர்-2017 

74.அழகாய் ஒரு அராஜகம்-தீபாவளிமலர்-2017 

75.ஒரு கணவாய் யுத்தம்-2018

76.விரட்டும் விதி-2018

77.வெண்பனியில் செங்குருதி-2018

78.பாலைவனத்தில் புலனாய்வு-2018

79.கடைசிப்பலி-2018

80.நடமாடும் நரகம்-2018

81.இரவுக்கழுகின் நிழலில்-2018

82.காற்றுக்கு ஏது வேலி-2018

83.மண்ணில் துயிலும் நட்சத்திரம்-2018

84.புயலுக்கொரு பிரளயம்-டைனமைட் ஸ்பெசல்-2018                                                              

85.தெற்கே ஒரு தங்கத்தேட்டை-டைனமைட் ஸ்பெசல்-2018

86.காதலும் கடந்து போகும்-தீபாவளி மலர்-2018

87.புனிதப் பள்ளத்தாக்கு-2018

88.காலனின் கானகம்-2018

89.யார் அந்த மரண தூதன்?-2018

90.சாத்தானின் சீடர்கள்-2019

91.பாலைவனத்தில் ஒரு கப்பல்-2019

92.பச்சோந்திப் பகைவன்-2019

93.வெளிச்சத்துக்கு வந்த நிழல்-2019

94.சிங்கத்தின் சிறுவயதில்-2019

95.நட்புக்கு நாட்களேது-2019

96.தகிக்கும் நியூ மெக்சிகோ-2019 

97.ஒரு ரெளத்திர ரேஞ்சர்-2019          

98.புதைந்து போன புதையல்-2019

99.சர்க்கஸ் சாகசம்-தீபாவளி மலர்-2019 

100.சூது கொல்லும்-2019

101.ரெளத்திரம் மற-2019

102.ஒரு துளி துரோகம்-பிப்ரவரி2020

103.இருளோடு யுத்தம்-மார்ச்2020

104.வானவில்லுக்கு நிறமேது!-மே2020

105.கைதியாய் டெக்ஸ்-ஜூன்2020

106.எதிரிகள் ஓராயிரம்-ஜூலை2020-யங் டெக்ஸ் 1-4

107.பந்தம் தேடிய பயணம்-செப்டம்பர்2020

108.யுத்த களத்தில் டெக்ஸ்-தீபாவளி மலர்-நவம்பர்2020

109.பனிவனப் படலம்-தீபாவளி மலர்-நவம்பர்2020

110.விண்டர் ஸ்பெசல்-நவம்பர்2020

111.ஒரு கசையின் கதை-டிசம்பர்2020

112.தங்கத்தின் பாதையில்-பிப்ரவரி2021

113.மின்னும் சொர்க்கம்-பிப்ரவரி2021

114.நெஞ்சே எழு-மே2021

115.ஒரு பிரளயப் பயணம்-ஜூலை2021

116.புத்தம் புது பூமி வேண்டும்-லயன்400-ஆகஸ்ட்2021

117.பனியில் ஒரு புதுநேசம்-ஆகஸ்ட்2021

118.கண்ணே கொலைமானே-அக்டோபர்2021

119.பொக்கிஷம் தேடிய பயணம்...தீபாவளி மலர்-நவம்பர்2021

120.ஓநாய் ஜாக்கிரதை-தீபாவளி மலர்-நவம்பர்2021

121.பருந்துக்கொரு பரலோகம்-தீபாவளி மலர்-நவம்பர்2021

122.திக்கெட்டும் பகைவர்கள்-டிசம்பர்2021-யங் டெக்ஸ்-5-9

123.பாலைவனத்தில் பிணம் தின்னிகள்-மார்ச்2022

124.சிகாகோவின் சாம்ராட்-ஏப்ரல்2022

125.விடாது வஞ்சம்-மே2022

126.ஒரு காதல் யுத்தம்-ஜூன்2022

127.புயலில் ஒரு புதையல் வேட்டை-ஜூலை2022

128.மெளன நகரம்-ஆகஸ்ட்2022

129.சொர்கத்தில் சாத்தான்கள்-செப்டம்பர்2022-யங் டெக்ஸ் 14&15

130.ஒரு மாயனோடு மோதல்-தீபாவளி மலர்-அக்டோபர்2022-யங் டெக்ஸ் 9-13

131.பருவத்தே கொலை செய்-தீபாவளி மலர்- அக்டோபர்2022

132.நிழல்களின் ராஜ்யத்தில்-டிசம்பர்2022

133.பகை பல தகர்த்திடு-ஜனவரி2023

134.பறக்க மறந்த பறவைகள்-பிப்ரவரி 2023

135.ஓநாய் வனத்தில் டெக்ஸ்-மார்ச்2023-யங் டெக்ஸ்-16&17

136.கலவர பூமியில் கனவைத் தேடி-ஏப்ரல்2023

137.ஒரு கெளபாய் காதலி-மே2023

138.கரையெல்லாம் குருதி-ஜூன்2023

139.கைதியாய் கார்சன்-ஜூலை2023

140.மீண்டு(ம்) வந்த மாயன்- ஆகஸ்ட் 2023

141.திக்கெட்டும் திகில்-The Supremo Special-Tex75-அக்டோபர்2023

142.சர்ப்பத்தின் சின்னம்-The Supremo Special-Tex75-அக்டோபர்2023

143.வந்தார் வென்றார்-The Supremo Special-Tex75-அக்டோபர்2023

144.பூதம் காத்த புதையல்-The Supremo Special-Tex75-அக்டோபர்2023

145.சகோதரனின் சகாப்தம்-V10-அக்டோபர்2023

146.The Tex சிக்ஸர் ஸ்பெசல்-தீபாவளி மலர்-நவம்பர்2023-யங் டெக்ஸ்-18-23

147.குற்றத்தின் குரல்- சந்தா இலவச இணைப்பு -நவம்பர்2023

148.உங்களைக் கொன்றதில் மகிழ்ச்சி-டிசம்பர்2023

149.பருந்துக்கொரு பொறி-சந்தா இலவச இணைப்பு-டிசம்பர் 2023

150.கண்ணீருக்கு நேரமில்லை-ஜனவரி2024-யங் டெக்ஸ்-24&25; பகைவருக்குப் பஞ்சமேது?.-ஏப்ரல்2024-யங் டெக்ஸ்-26&27; டெக்ஸாஸ் ரேஞ்சர்ஸ்-டிசம்பர்2024-யங் டெக்ஸ்-28---(5பாக கதை.)

151.காட்டேரியின் சாம்ராஜ்யத்தில்-பிப்ரவரி2024

152.புயலுக்குப் பின்னே பிரளயம்!-மார்ச்2024

153.சிறைப் பறவையின் நிழலில்-ஜூன்2024

154.சூறாவளியின் தடத்தில்-சந்தா ஃப்ரீ-ஆகஸ்ட்2024

155..சினம் கொண்ட சின்ன கழுகு-செப்டம்பர்2024

156.இறுதி ஆட்டம்-V22-அக்டோபர்2024

157.பனிமண்டலப் போராளிகள்-தீபாவளி மலர் நவம்பர்2024

158.The Magic Moment Special- (MMS1-டிசம்பர்2024&MMS2-மே2025)

159.இளமை எனும் பூங்காற்று-ஜனவரி2025

160.தலைநகரில் தலைமகன்-பிப்ரவரி2025

161.சாபம் வாங்கிய சுரங்கம்-மார்ச்2025

162.சாபங்கள் சாய்வதில்லை-ஏப்ரல்2025

163.சட்டத்தோடு சடுகுடு-ஜூன்2025

164.உதிரம் பொழியும் நிலவு-ஆகஸ்ட்2025

165.எட்டும் தூரத்தில் யுத்தம-செப்டம்பர்2025

166.மெக்ஸிகோவில் ஓரு மாய ரயில்-தீபாவளி மலர்-அக்டோபர்2025

தொடர்கிறது ஒரு சாதனைப் பயணம்.. 

நன்றிகள் தோழர் டெக்ஸ் விஜி...

சிங்கப் பையன் லென்னி.._அறிமுகம்..

 வணக்கங்கள் அன்புள்ளங்களே.. 

அவ்வப்போது தமிழில் வெளிவந்திராத ஏதாவது ஒரு கதையை முடிந்தவரை அவ்வப்போது பகிர்ந்து வந்திருக்கிறேன்.. உங்கள் அனைவருக்கும் தீபாவளி திருநாள் இனிமையாக அமைய அட்வான்ஸ் வாழ்த்துக்களுடன் இந்த நகைச்சுவை நாயகனையும் அறிமுகப்படுத்துகிறேன். என்ஜாய்.. 

என்றும் அதே அன்புடன்.. உங்கள் நண்பன் ஜானி..

அப்புறம் வகம் காமிக்ஸ் தீபாவளி மலர் வந்திருக்கிறது.. வகம் காமிக்ஸ் பற்றி செய்திகள் அறிந்து கொள்ள.. 

https://mudhalaipattalam.blogspot.com/2023/11/vagam-comics-list.html

பில் டைனமைட்_அறிமுகம்_தீபாவளி ஸ்பெஷல் - 2025

வணக்கங்கள் வலைப்பூ வாசகவாசகியரே.. 

தீபாவளி நல்வாழ்த்துக்கள்.. நரகாசுரவதம் முடித்த திருநாளைக் கொண்டாடும் வேளையில் உங்கள் உற்சாகம் பொங்கிட என்னால் ஆன சிறு அன்பளிப்பு.. இந்த சிறுகதை கடுகு சிறுத்தாலும் காரம் குறையாத இரகம்தான். 

வாசித்து பில் டைனமைட்டை அறிமுகம் செய்து கொள்ளுங்கள்.. இந்த கதை ஆப்ரிக்கன்ஸ் மொழியில் இருந்து கிடைத்த சிறுகதை.. மொழிபெயர்ப்புக்கு கூகிளுக்கு நன்றி கூறி விடுகிறேன்.. 

ஹேப்பி தீபாவளி அகெய்ன் பிரண்ட்ஸ்....

அவசியம் என்றால் மட்டும் இந்த தரவிறக்க சுட்டியைப் பயன்படுத்திக் கொள்ளலாம்.. 

https://www.mediafire.com/file/mk0lns856i5vdqj/vazhiyil+oru+vibareetham_jscjohny.pdf/file

 

வினோத கொலையாளி_இன்ஸ்பெக்டர் கருடா_தொடர்..004

வணக்கங்கள் அன்புள்ளங்களே.. விநோதக் கொலையாளியின் இறுதி பாகங்களை பகிர்கிறேன்.. சிறப்பான ஒரு கதையை எடுத்து அதற்கொரு உருவம் கொடுத்து சித்திரக்கதையில் நாயகர்களைப் புகுத்தி அவர்களுடைய பின்னணிகளையும் எதிர்நாயகர்களின் பின்னணிகளையும் அழகாகப் புகுத்தி...சித்திரக்கதை வடிவமைப்பது அத்தனை எளிதான சிறு பிள்ளை விளையாட்டு அல்ல.. ஆனால் வாசிப்புப் பழக்கம் குறைந்து வரும் இந்தத் தலைமுறையில் தங்களால் இயன்ற நேரமெல்லாம் வந்து வாசிக்கவும், தரவிறக்கவும் கமெண்ட் இடவும் முயற்சித்து வரும் உங்கள் அனைவர்க்கும் நன்றிகள்.. காவல் ஆய்வாளர் கருடன், கான்ஸ்டபிள் பீர்பால் இருவரும் பறவைகளின் அச்சுறுத்தலுக்கு  ஆளாகும் மருத்துவரின் பின்புலம் ஆராயப் புகுகின்றனர். அவரின் மனைவி கடத்தப்படுகிறாள்.. அதனை புலனாய்வு செய்கையில் பறவைகளை வைத்து தாக்குதல் நிகழ்த்தும் கொடியவன் ஒருவனின் கரங்களில் சிக்குண்டு சிறைப்படுகிறார்கள்.. 

இந்த ஆபத்தான நிலையிலும் உணவு வரவில்லையா என்று கேட்டு சிரிப்பு மூட்ட முயற்சிக்கிறார் பீர்பால்.. லீலாவும் டாக்டரும் சந்தித்துக் கொள்கிறார்கள்.. வில்லன் வழக்கம்போல சிறிது நேர நல்லவனாக மாறுகிறான். 

இன்டர்போல் தேடும் கொலைகாரன் பரூக்தான் இங்கே பதுங்கி இருந்து தனது தாக்குதலை மேற்கொள்ள உத்தேசித்திருக்கிறான் என்பதை இன்ஸ்பெக்டர் கருடாவின் மூளை கணித்து விடுகிறது.. டாக்டர் லீலாவைப் பிரித்து வைத்ததுபோன்றே பறவைகளையும் பிரித்து வைத்திருக்கும் குரூரகுணம் இந்த வில்லனின் தனிக்குணம்.. அவனது இலட்சியம் இப்போது விடுபடும் புதிராகிறது.. 

தென் அமெரிக்க நாடுகளில் ஒன்றின் தலைவருக்கு வைக்கப்பட்ட குறிதான் வில்லன் அனுப்பும் பறவை வடிவில் செல்கிறது.. இது இன்ஸ்பெக்டர் கருடன் நேரம்.. 

விமானம் காப்பாற்றப்பட்டு விடுகிறது.. கொடியவன் கைதாகிறான். அனைத்தும் நலமே.. அதிமேதை அப்பு கேள்வி பதில்கள் சுவாரசியத்துடன் வெளியாகி இருக்கின்றன.. வாசித்து மகிழ்ந்த அனைவருக்கும் அட்வான்ஸ் தீபாவளி நல்வாழ்த்துக்கள்..  

                            என்றும் அதே அன்புடன் உங்கள் நண்பன் ஜானி.. 

முந்தைய பகுதிகளை வாசிக்க..

https://johny-johnsimon.blogspot.com/2025/09/blog-post_26.html

https://johny-johnsimon.blogspot.com/2025/09/002.html

https://johny-johnsimon.blogspot.com/2025/10/003.html

V 24-எழுந்து வந்த எதிரி _ராபின் சாகசம்

வணக்கம் நண்பர்களே.. இது வி காமிக்ஸின் இருபத்து நான்காவது சாகசம். ரூபாய் நூறு விலையில் நூறு பக்கங்களில் தீபாவளி மாதமான இந்த அக்டோபர் 2025ல் வெளியாகி இருக்கும் மூன்று பாக சாகசத்தின் முதல் பாகம் இந்த எழுந்து வந்த எதிரி..

உங்கள் பிரதியை தவறவிடாதீர்கள்..

பாக்கெட் நாவல் தீபாவளி வெளியீடுகள்

 புரட்டாசிய நேசி,

பரோட்டா குருமாவ யோசி...

இந்த அரைவை இயந்திரம்(கிரைண்டர் ) இருக்கு பாருங்க... அதில் என்னை மாதிரி மாவாட்டிய, மாவாட்டிக் கொண்டிருப்பவர்களுக்கு

தெரியும்.

அரைக்கறப்பே கொஞ்சம் கொஞ்சமா போடணும், ஒரேடியா போட்டா அப்படியே நின்னுடும்.

நம்ம வயிறும் ஒரு கிரைண்டர் தான். 

தொறுங்க திண்ணா நூறு வயசு என்பார்கள்.

நம்மாளு அத தப்பா எடுத்துக்கொண்டு நொறுக்கு தீணிகளான முறுக்கு, வடை,சிப்ஸ்களை ஃபுல் கட்டு கட்டுகிறார்கள்.

நொறுங்க தின்பது நன்றாக வாயில மென்று சாப்பிடுவது.

நாம எத சொன்னாலும் திருந்தமாட்டோம் என்பதால் தான் சில விசயங்களை சமய மதங்களில் சேர்த்து வாழ்வியலாக்கிட்டாங்க.

இந்த புரட்டாசியில் அசைவம் சாப்பிடக்கூடாது என்பதும் அப்படித்தான்.

வருடம் முழுக்க ஊர்வன, பறப்பன, நீந்துவன என உண்ணும் நாம் வயிறு என்ற அரவை இயந்திரத்திற்கு கொஞ்சம் மென்மையான உணவுகளை உண்ணுவதால் குடல்,வயிறு எல்லாம் விட்டாச்சு லீவு,லீவு என கொண்ட்டாட்டம் போடும்.

அடுத்து பரோட்டா குருமா...  இத நினைத்தாலே சாப்பிடணும் என்ற ஆசை வருவது உண்மை தான்.

பரோட்டா மாதிரியான பலன் குறைவு பாதிப்பு அதிகம் என்ற உணவு  உலகில் வேற இல்லை. அடிக்கடி சாப்பிடாதீங்க, மாசத்திற்கு ஒரு தடவ இரண்டு தடவ என இருக்கட்டும்.  எப்பவுமே சாப்பிடாம இருந்தா உத்தமம்.

நானும் புரட்டாசியில் குடும்பநாவல்ல இரண்டு, கும்கில இரண்டு என நான்கு பெண்களை கொழு வச்ச மாதிரி அனுப்பலாம் என முடிவு செய்து முதல் தேதிக்கு அனுப்பிட்டேன்.

ஆனா நம்ம க்ரைம்நாவல் வகையறாக்கள் 

அலோ அசோகரே நாங்க ஆடில அதிரடியா இருப்போம் புரட்டாசியில் புயலா இருப்போம்.

நாலு பெண்கள் போலவே நாலு ஆண்கள் கண்டிப்பா வேண்டும் என கொடி பிடிக்காத குறையா  சவுண்டு விட்டதால், போர்க்கால நடவடிக்கையா நாலு பசங்களை ரெடி பண்ணிட்டேன்.

நாலு புள்ளைங்களும் 14 ஆம் தேதி உங்க பொற்கரங்களில் தவழுவாங்க.

வெரிக்குட், வெரிக்குட்...

அது யாறு வாரிக்கொட்டு மன்னிக்கவும் வெரிக்குட் என்பது.

தலைவரே, நான் தான் டெல்லி ஹரிஹரன் விஸ்வநாதன் ...

தலைவரே, மகிழ்ச்சி, நன்றி...ஆமா டெல்லிக்கு நம்ம புத்தகங்களை எப்ப வாங்கப் போறீங்க.

விரைவில் வாங்கிடறேன் தலைவரே... திபாவளிய சிறப்பா கொண்டாட வெச்சுட்டீங்க, அப்படியே இந்த எட்டு புத்தகங்களை வாங்க எவ்வளவு என்று சொல்லிட்டா... பணத்தை அனுப்பி வைக்கிறேன் .

தலைவரே உங்களுக்கில்லாததா, எட்டு புத்தகங்களும் தேவை என்போர் 

ரூ.300/= யை 9443868121 என்ற எண்ணிற்கு அனுப்பி வைக்கவும். தமிழ்நாடு தவிர வெளி மாநிலங்களுக்கு ரூ.30;= சேர்ந்து ரூ.330/=ஆக அனுப்பவும்

-அசோகன் அண்ணன் 

#14- களவு போன கிரீடம்

 

Kvg சாரின் மொழிபெயர்ப்பில் இந்த ஜி காமிக்ஸ் வெளியிடப்பட்டுள்ளது வீரபாண்டியன் அவர்கள் டைட் செட் உதவி செய்துள்ளார் இந்த புத்தகத்தில் களவு போன கிரீடம் என்கிற தலைப்பில் ஒற்றை கதை வெளியிடப்பட்டுள்ளது கதையின் இளவரசர் ஒருவர் அவரது நாடான தாரத்தோர் என்ற நாட்டில் தன்னுடைய பாரம்பரியமான அரிய பொக்கிஷமாம் தன்னுடைய கிரீடத்தை களவு கொடுத்து விடுகிறார் அதனை மீட்கும் மாபெரும் பொறுப்பு துப்பறிவாளர் லெஸ்லி ஷேன் அம்மணிக்கு வழங்கப்படுகிறது லெஸ்லி எப்படி களவு போன கிரீடத்தை கண்டுபிடித்தார் என்பது கதையின் மைய புள்ளி. ஜுடோ கற்ற  நமது நாயகியின் துப்பாரியும் திறனுக்கும் அதிரடிக்கும் பரபரப்புக்கும் பஞ்சமில்லாத கதை.. கருப்பு வெள்ளையில் தடக் தடக் என காட்சிகள் மாறுகின்றன நம்மை ஓவியங்கள் கட்டிப்போட்டு விடுகின்றன கண்டிப்பாக தவற விட கூடாத கதை இது நன்றி 

Gemini ai உதவியுடன் கொஞ்சம் டெவலப் செய்து பார்த்து மகிழ்ச்சி அடைந்த சில அட்டைகள் இதோ.. 

என்றும் அதே அன்புடன் உங்கள் இனிய நண்பன் ஜானி சின்னப்பன்