பொங்குக! ஓங்குக! மலர்க!


கணநேரமும் கண்ணுறங்கா கதிரவனின்
கதிரொளியில் கதிரடிக்கும் களத்துமேட்டு
காதலர்கள் கண்விழித்து கானமழை
கீதமொழி கொஞ்சிப்பேசிக் குலவையிட்டுக்
கைதூக்கிக் கும்பிட்டுப் பொங்கல் பானை
பொங்கிவரும் வேளை சொல்வர்
பொங்கலோ பொங்கல்;
பொங்கிவரும் பொங்கலின் புத்துணர்வு
பொங்குகின்ற பெண்டிர்தம் மனம்போல
புன்னகையுள் பதித்து பிரவாகிக்கட்டும்;
பொங்கல் திருவிழா புத்தம்புதுசாக
வண்ணக் கோலங்கள் வரைந்திடும்
இல்லங்களின் முற்றங்களில் சங்கீதம்
தொனிக்கட்டும்! பொங்கலோ பொங்கல்;
கடித்திடும் கரும்பினில் வழிந்திடும்
சாறைப் போன்று; வெடித்திடும் வெல்லத்தின்
சுவையைப் போன்று; இடித்திடும் பச்சரிசியின்
வாசம் போன்று; இனிக்கட்டும் இனி
உதிக்கும் ஒவ்வொரு தினமும்!
பொங்கலோ பொங்கல்;

தை மகள் காலடி வலதினை
வைத்து விதைத்திடட்டும் வளங்களை!
அன்பினில்; கனிவினில்; சுவையினில்;
மகிழ்வினில்; நிறைவினில்; திருப்தியில்
நிறைக வாசகர்தம் உள்ளங்களும்;இல்லங்களும்
பொங்கலோ பொங்கல்;
என வாழ்த்துகிறேன்!  


Comments

Senthazal Ravi said…
என்னா ப்ரதர் எல்லாரும் ஏதோ கொலைவெறியா கேமராவ பாக்குறீங்க ?
King Viswa said…
உங்க கிட்ட இருந்து ஒரு கமெண்ட்டாவது வராதா? என்ற ஏக்கம்தான் இப்படி கொலைவெறியா மாறிடுச்சு ரவி சாரே.
பொங்கல் வாழ்த்துக்கள் ஜி. உங்கள் இளவயது போட்டோவா ஜி?
John Simon C said…
ஹா ஹா ஹா என் சகோதரனின் அன்புக்கு நன்றி! ஆனா விஸ்வா கிண்டலை நினைத்தால் ஹா ஹா ஹா
John Simon C said…
ஆமாம் டெக்ஸ் ஜி!
Pv Rajsekargj said…
அனைவருக்கும் என் இனிய பொங்கல் நல்வாழ்த்துக்கள்.

Popular posts from this blog

கிரைம் கதை மன்னன் ராஜேஷ் குமார்!!!!

அறிவுக்கு நூறு கேள்வி பதில்கள்!!!!

ருத்ராட்சம் - இலவசம்!!!