ஓநாய் தீவு புதையல் _ பொன்னி காமிக்ஸ்

 வாசகர்கள் அனைவருக்கும் வணக்கம். இனிய தமிழ் புத்தாண்டு நல்வாழ்த்துக்கள்.. 

சில அரிய சித்திரக்கதை புத்தகங்களை ஆவணப்படுத்த வேண்டும் என்கிற கனவும், எளிமையான வாசகர் வரை கொண்டு சேர்க்க வேண்டும் என்கிற அக்கறையும் நண்பர்கள் பலரை தேடலில் ஈடுபட வைக்கிறது. திரைகடலோடியும் திரவியம் தேடும் நமது நண்பர்களில் திருமலை முக்கியமானவர். அவரது நெடுங்காலத் தேடலில் இதோ 1977ஆம் வருடம் மே மாதம் வெளியாகிய பொன்னி காமிக்ஸின் ஓநாய் தீவு புதையல் சித்திரக்கதை நம் அனைவருக்கும் சென்று சேர வேண்டும் என்கிற நல்ல எண்ணத்துடன் வாங்கி அனுப்பி வைத்திருக்கிறார். 

      இதன் விடுபட்ட பக்கங்கள் அட்டை அனைத்தையும் நம்முடன் பகிர்ந்து கொண்ட நண்பர் திரு.பூபதி, ராசிபுரம் அவர்களுக்கும் அபூர்வமான புத்தகத்தை நம்முடன் பகிர்ந்து கொண்ட நண்பர் திருமலை அவர்களுக்கும் நன்றியுடன்... வாசக நட்ப்பூஸ் உங்களுடனும்  எனது மகிழ்ச்சியைப் பகிர்ந்து கொள்கிறேன். 

இந்த 2025 தமிழ் புத்தாண்டில் சுமார் நாற்பத்தைந்து ஆண்டுகளுக்கு முன்பு மதுரை மண்ணில் பதிப்பிக்கப்பட்டு நிறைய வாசகர்களை சென்றடைந்து கால வெள்ளத்தில் காணாமல் போய் விட்ட ஓநாய் தீவு புதையல் இதோ உங்கள் பார்வைக்கு..  

தாய் தந்தையை இழந்த நாயகிக்கு பொக்கிஷம் ஒன்றின் வரைபடத்துடன் வந்த அத்தை ஆனந்த அதிர்ச்சி கொடுக்கிறாள். அவளுடன் நாயகரை அழைத்துக் கொண்டு பொக்கிஷம் ஒளித்து வைத்திருக்கும் தீவினை சென்றடைகிறாள் நாயகி.. இவர்களுடன் அத்தையின் ஆட்கள் சிலர் வந்து சேர்ந்து கொள்கின்றனர். தீவினை அடைந்தவர்களுக்கு பொக்கிஷம் மீதும் அதன் சொந்தக்காரியான நாயகி மீதும் ஆவல். யார் பொக்கிஷம் கண்டடைகிறார்களோ அவர்களுக்கே அவள் சொந்தம் என்று உயில் இருப்பதாக அத்தை கூற  நாயகரும் போட்டியில் கலந்து கொள்கிறார். தீவை ஆளுக்கொரு பகுதியாக பிரித்துக் கொண்டு தேடலில் இறங்குகிறார்கள். அவர்கள் கண்டடைந்ததோ ஓர் அரக்கன்.. அடுத்தடுத்து நிகழும் சம்பவங்கள் என்ன? இறுதியில் பொக்கிஷம் கண்டெடுக்கப்பட்டதா? வாராது வந்த மாமணியான அத்தையின் திடுக்கிடும் இன்னொரு பக்கம் என்ன?  என்பதனை பரபரப்புடன் பகிர்கிறது இந்த பொன்னி காமிக்ஸ். பொன்னியில் வெளியான மற்ற கதைகளைத் தேடிப் படிக்க ஏதுவாக ஸ்டாக் லிஸ்ட் பின் அட்டையில் வெளியிடப்பட்டிருக்கிறது. 

தரவிறக்க:  
https://www.mediafire.com/file/74eunvrkl5pzzvn/Onay+Theevu+Puthaiyal_ponni+1974+May.pdf/file