வெள்ளி, 31 டிசம்பர், 2021

028-வீரமங்கை யூதித்-விவிலிய சித்திரக்கதைகள் வரிசை_ஜானி சின்னப்பன்

 இனிய வணக்கங்கள் பிரியமானவர்களே.. விவிலியம் பெண்களின் சரித்திரத்தையும் அவர்களின் வீரத்தையும் பதிவு செய்து வந்திருக்கிறது. சென்ற விவிலியக்கதையில் எஸ்தர் வாழ்க்கை வரலாற்றை இரசித்தோம். இதோ நம் முன்னே இஸ்ரேலிய மண்ணில் என்றோ நிகழ்ந்த ஒரு சம்பவம் யூதித்தின் வாழ்க்கை வரலாறு மிகவும் சிறப்பாக விவிலிய பார்வையில் விரிகிறது. அசீரிய மன்னன் நேபுகாத்நேச்சாரின் வளர்ச்சியும் அந்த காலக்கட்டத்தில் நிகழ்ந்த போர்களும், அதன் விளைவாக பொதுமக்கள் எவ்வாறு பாதிக்கப்பட்டனர் என்பதனை விவரித்து பின்னர் அதில் நிகழும் சம்பவமே இந்த யூதித். வாசித்து மகிழ வாருங்கள் அசீரியா செல்வோம்.. 














தரவிறக்க சுட்டி
வீரமங்கை யூதித்
என்றென்றும் அதேஅன்புடன்..

உங்கள் நண்பன் ஜானி

வியாழன், 30 டிசம்பர், 2021

மிரட்டலாய் ஒரு கார்_ஜானி சின்னப்பன்

ஹாய் ஆல்.. இனிய கிறிஸ்மஸ் மற்றும் புத்தாண்டு 2022  நல்வாழ்த்துக்கள்.. இன்றைக்கு நாம் சந்திக்கவிருப்பது கிரீப்பி கார். சர்வதேச சித்திரக்கதை உலகம் மாபெரும் சமுத்திரமாகும். அதில் மூழ்கி முத்துக்களை எடுத்து வந்து பகிர நினைத்த ஒரு தருணத்தில் இந்த மிரட்டலாய் ஒரு கார் முன்னே வந்து தன்னை தமிழுக்கு அறிமுகம் செய்து வைக்க அன்பு கோரிக்கை வைத்ததால் இந்த காரை இரசிக்கத்தயாராகுங்கள். 
எனக்கு நைட் ரைடர் மிகவும் பிடித்த ஒரு தொலைக்காட்சித் தொடர். நைட் ரைடர் என்கிற ஆரட்டிபிசியல் நுண்ணுணர்வினை வைத்து குற்றங்களைக் களைய காவல்துறைக்கு உதவிடும் அந்த கார். மைக்கேல் என்கிற ஹீரோவையும் அத்தனை சீக்கிரம் யாரும் மறந்து விட முடியாது.. யூ டியூபில் knight rider என்று தட்டித்தான் பாருங்களேன்.. 
இப்போது கிரீப்பி கார் ரெடி.. வாங்க ஒரு ஜாலி ரைடுக்கு.. 


  









தமிழில் வாசித்துப் பாருங்கள். முடிந்தால் உங்கள் மழலைகளுக்கும் கதை சொல்லுங்களேன்.. தரவிறக்கம் செய்ய: 

மிரட்டலாய் ஒரு கார்_ஜானி சின்னப்பன்

என்றும் அதே அன்புடன் உங்கள் இனிய நண்பன் ஜானி... 


ஞாயிறு, 26 டிசம்பர், 2021

வேங்கைப் பாண்டியன்_தமிழ் காமிக்ஸ் டைம்ஸ் டிஜிட்டல்

காமிக்ஸ் வாசக வாசகியருக்கு, வணக்கங்கள். வேங்கைப் பாண்டியன் என்னும் இந்த நூலை வழங்கி ஆவணப்படுத்திட உதவிய நண்பர் டெக்ஸ் சம்பத்துக்கு நன்றிகள். இணையம் முழுக்க சித்திரக்கதைகள் கொட்டிக்கிடந்தாலும் அழகுத்தமிழில் அந்த நாட்களில் வாசித்த நூல்கள் என்றுமே நீங்காத நினைவலைகளாக நம்மைக் கனவிலும் வந்து போவதையும் நாம் உணர்கிறோம். அதுபோன்று அந்த நாட்களில் வெளியான புத்தகங்கள் இன்றைக்குத் திரும்பி வாசித்தால் அத்தனை பெரியதாக கவர்வது இல்லைதான். ஆனால் அன்றைய நாட்களில் நமது மனம் விரிவடையவும், உலகத்தைப் பற்றிய நமது பார்வைகள் பெரிதடையவும் இந்த நூல்களே நமக்கு ஜன்னலாக இருந்தன என்பதில் மாற்றுக்கருத்தும் இருக்கமுடியுமா என்ன? இணையதளங்களும், செல் போன்களும் நம் மீது அதன் தாக்கத்தைக் காண்பிக்கா தருணங்களில் இவைதானே நமது சிறந்த பொழுது போக்காக இருந்திருக்க முடியும்? துள்ளித்திரிந்த நாட்களில் இவை நம்மை ஆக்ஷன், அதிரடிகள், உலகத்தில் உள்ள பல்வேறு இடங்கள் எனக்கு சுதந்திர தேவி சிலையும், ஐபெல் டவரும், மன்ஹாட்டனின் வானுயர்ந்த கட்டிடங்களும் அவற்றின் மூலமே வெகு பரிச்சயமாயிற்று. உங்களுக்கும் அப்படித்தானே இருந்திருக்கும்? அப்படிப்பட்ட கடந்து போன நாட்களின் சித்திரக்கதைகளை உயிர்ப்புடன் உங்கள் முன் நிறுத்தவே எனது வலைப்பூ எப்போதும் முயன்று வருகிறது. இடையிடையே எத்தனை புதிய மொழி மாற்றக்கதைகள் வெளிவந்தாலும்  அவற்றையெல்லாம் விட இந்த வேங்கைப் பாண்டியன் போன்ற அபூர்வ புத்தகங்களே எனக்குப் பிரியம். இன்றைய நாட்களின் மொபைல் ஸ்கான் எத்தனை எளிதாக இருப்பினும் தெளிவும் திருப்தியும் வருவது ஸ்கானர் இயந்திரங்களின் மூலமான ஒளி வருடலால் மாத்திரமே என்பது எனது கருத்து. நன்றி தோழமை கொண்ட உள்ளங்களே. இதோ வேங்கைப்பாண்டியன் உங்களுக்காகக் காத்திருக்கிறார். 

அட்டைப்படம் இல்லாமலேயே பதிவு பதிப்பிக்கப்பட்டதைக் கண்ட நமது அன்புக்கும் பெரு மதிப்புக்கும் உரிய திரு. முத்து விசிறி தனது மாபெரும் சேகரிப்பிலிருந்து வேங்கைப் பாண்டியனை மெருகூட்ட அட்டைப்படம், பின் அட்டைப்படம் கொடுத்து உதவி புரிந்திருக்கிறார். வலைப்பூ வாசகர்கள் சார்பில் அவருக்கு நன்றியை தெரிவித்துக் கொள்கிறேன். தாங்க்யூ சார்.. 


 










சிறியதொரு வண்ண முயற்சி.. 

அதிலேயே வேறு விதமாக முயற்சித்தால்.. 
குறிப்பு: இந்த நூலை டிஜிட்டல் வடிவில் மாற்றும் போது இந்த நூலின் முன் பின் அட்டைகள் எப்படி இருக்கும் என்பது எனக்கு தெரியாது. இந்த பக்கம் என்னை ஈர்த்ததால் இந்த வண்ணமிடும் முயற்சியை செய்து வைத்திருந்தேன்.. 
நம்ம அன்பு அண்ணன் முத்து விசிறி அவர்கள் முன் பின் அட்டைகளை வாட்ஸ் அப்பில் பி. எம். பி. வடிவில் சிங்கப்பூரில் இருந்து அனுப்பி வைத்ததால்தான் இந்த சர்க்கஸ் அரங்கமே பின் அட்டையாக வைக்கப்பட்டிருக்கிறது என்பதை அறிந்து மிகவும் மகிழ்ந்தேன். அது கீழே.. 















இந்த அட்டையின் கவர்ச்சி என்னை மட்டும் அல்ல.. உங்களையும் கவர்கிறதுதானே.. அதனால்தான் கதையின் இந்தப்பகுதியினை வண்ணத்தில் முயற்சித்துப் பார்த்தேன். இந்த ஒரிஜினல் அட்டைப்படத்தில் ஓவியர் எத்தனை வண்ணங்களை தூரிகை கொண்டு மிக சிறப்பாக சேர்த்திருக்கிறார் பாருங்களேன்.. 

ஒரு நிமிடம் பிளீஸ்:

            தரவிறக்க சுட்டி.. இந்த நூலை உங்களுக்கு விருப்பமான எந்த தளத்திலும் பகிர்ந்து கொள்ளலாம். முடிந்தால் எங்கிருந்து இதனை பெற்றுக் கொண்டீர்கள் என்பதை அறிவித்தால் மற்ற நண்பர்களும் தங்களது அபூர்வமான காமிக்ஸ்களை ஆவனப்படுத்த முன்வரலாம். அதுபோன்ற ஆர்வலர்களுக்கு தகுந்த வழிகாட்டுதல் இல்லாவிட்டால் அந்த புத்தகம் ஆவணப்படுத்திட காலதாமதமாகும் என்பதால் உங்கள் தரவிறக்கங்கள் அனைத்திலும் எங்கிருந்து பெறுகிறீர்களோ அந்த இணைய தளத்தையோ. வாட்ஸ் ஆப் குழுவையோ குறிப்பிட்டால் நல்லது என்பது எனது தாழ்மையான கருத்து.. 

வேங்கைப்பாண்டியன்_தமிழ் காமிக்ஸ் டிஜிட்டல்

இந்த கதைக்கு அட்டைப்படங்கள் திரு. முத்து விசிறி அவர்களது உதவியுடன் இணைக்கப்பட்டபின்னர் புதிய தரவிறக்க சுட்டி இணைத்திருக்கிறேன்.. அது கீழே:

வேங்கைப் பாண்டியன்-2.0

என்றென்றும் அதே அன்புடன்.. ஜானி சின்னப்பன் 

செங்களத்தில் சாகா ஆட்டம்_மெர்லினின் மந்திர டைரி_நிறைவுப்பகுதி

வணக்கங்கள் நண்பர்களே..  சில பல ஆண்டுகளாக காத்திருப்பில் இருந்த நண்பர்களுக்காக இந்த கதை முற்றிலும் வாசக இரசனைக்காக அன்பளிக்கப்படுகிறது. விருப...