சனி, 31 ஜூலை, 2021

திகில் கிராமம்_லோன் வுல்ஃப் பப்ளிகேஷன்_அறிமுகம்

 

வணக்கங்கள் அன்புமிகு தோழமைகளே...
காமிக்ஸ் வானில் சிறகடிக்கும் கனவுகளின் அணிவரிசையில் அழகுக்கு அழகுசேர்க்கப் பாய்ந்தோடி வருகிறது ரூனி காமிக்ஸ்.. லோன்வுல்ஃப் பப்ளிகேஷன் வெளியிடும் புத்தம்புது வரவான திகில் கிராமம்.. 
யாளி ட்ரீம்ஸ் கிரியேஷன் ஆங்கிலத்தில் வெளியிட்ட தி வில்லேஜ் கிராபிக் நாவல் இப்போது முதன்முறையாக தமிழில் வெளியாகவிருக்கும் ஒரு மகிழ்ச்சியான தருணம் இது.. 
மேலும் அதிக விவரங்களுக்கு: 

வியாழன், 22 ஜூலை, 2021

"உசிருக்குள்ளே உன்னை வெச்சேன்.."_ஜானி சின்னப்பன்

கையைப் பிடிச்சுக் கூட்டிப்போகும் 
உன்னைக் கண்கள் தேடுதே அப்பா.. தோழமையா சிரிச்சுப் பழகி பலகதைகளை சேர்ந்து பேசிய அந்த நாளும் திரும்ப வருமா அப்பா.. கண்டிச்சாலும் தண்டிச்சாலும் நான் சாப்பிட்டேனான்னு ரகசியமா விசாரிச்சாலும் எதிலும் உன்கிட்ட அன்புதானே பாக்க முடியும்?

இந்த உலகமே எதிர்த்தாலும் எங்கப்பா கூட இருந்தா வர்ர பலமே வேறதான் அப்பா..

நீயில்லாம தனியா ஒவ்வொரு நொடியும் நானே முடிவெடுக்கையில ஒரு ஓரமா உசுருக்குள்ள ஒன் ஞாபகமும் ஒக்காந்துக்குதே அப்பா.. நீ இருந்தா நானே ஏன் தலையைப் பிச்சிக்கப்போறேன்னு நெனப்பு வந்து உன் நினைவைக் கிண்டிவிட்டுப் பறக்குதப்பா.. திரும்ப ஒரு நா உன்னை சந்திப்பேனா தெரியலை.. ஆனா சந்திச்சா கட்டிப் புடிச்சிக்கிட்டு என்னோட ஒலகத்தையே சமர்ப்பிச்சிட ஆசை அப்பா..

கிடைக்குமா ஒரு வாய்ப்பு

திரும்ப நான் ஒன்னைப் பாக்க..

_ஜானி சின்னப்பன்..


ஞாயிறு, 11 ஜூலை, 2021

சோகம் ஏன் சித்திரப்பெண்ணே?_ஜானி சின்னப்பன்

 


உன் சோகப் பார்வையில் 
ஒரு நூறு அர்த்தங்கள்.. 
தீராத அலையாய் 
உன்னுள் எழும் சிந்தனை 
நீர்த்திவலைகள் பட்டுத் 
தெறிக்கின்றன 
என் மீதும் கொஞ்சம்.. 
கொஞ்சுமொழிப் 
பேசிப் போனவன் 
வரவையெண்ணி ஏக்கமா? 
உன் கண்ணில் 
சமுத்திரத்து ஆழம் 
கண்டேன்..
 உன்னவனை 
ஊருக்கனுப்புகையில் 
உன் கண்ணிலுறைந்த 
துக்கமா 
அறியேன் நான்.. 
காற்றுகூட உன்னைக் 
கடந்து போகையில் 
சோகராகம் இசைத்துப் 
போவது என் காதில் 
கேட்கிறது.. 
நுட்பமாய்ப் பார்த்தால் 
நீயும் ஒரு தவமியற்றும் 
யோகியே.. 
காத்திருத்தல்..
கண்களில் நீர் கோர்த்தல்..
இடைவிடா மோனநிலை.. 
தீரட்டும் உன் மௌனம்.. 

அதோ உன்னவனின் 
வருகையை மோப்பம் 
பிடிக்கிறது என் நாசி..  
மகிழ்ச்சி கொள்கிறேன் 
நானும் வாலாட்டியபடி..
_ஜானி சின்னப்பன்...

புதன், 7 ஜூலை, 2021

நினைவுகளின் ஸ்பரிசம்..._ஜானி சின்னப்பன்

 

உன் நினைவுகளின் 

ஸ்பரிசத்தில் மான்குட்டியாய் 

தத்தித் தாவும் மனதுன்னை

நினைத்து 

எப்போதுமிருக்கும் 

தவத்துடன்

தனித்ததொரு தீவாய்...

_ஜானி சின்னப்பன்

மரணத்துடன் ஒரு திருமணம்_ரங்லீ காமிக்ஸ் வெளியீடு..

  ரங்லீ காமிக்ஸின் நான்காவது வெளியீடாக வந்திருக்கும் மரணத்துடன் ஒரு திருமணம்.. அட்டைப் படமே கவனம் ஈர்க்கிறது.. தனித்த பல படைப்புகளை மூன்று ந...