இந்திய தண்டனை சட்டம் பிரிவுகள் 076-106 வரையிலான குறிப்புகள்!

வணக்கம் தோழமை உள்ளங்களே!

இந்திய தண்டனை சட்டத்தின் அத்தியாயம் நான்கின் குறிப்பு பகுதியினை உங்களுடன் இந்த பதிவில் பகிர்ந்து கொள்கிறேன். என்ஜாய்!

இது இந்திய சட்டத்தினை தேர்வுகளில் பங்கேற்பவர்களுக்கு உதவிடும் விதத்தில் சிறு குறிப்பாக மட்டும் பகிரப்படுகிறது என்பதையும் மறுபடியும் நினைவூட்டுகிறேன்.

அத்தியாயம் _ நான்கு_விதி விலக்குகள்

இ.த.ச. பிரிவு – 76

சட்டப்படி கடமையாற்றும் பொது ஊழியர் செயலில் தீங்கு ஏற்பட்டாலும் குற்றமாகாது.

இ.த.ச. பிரிவு – 77

சட்டப்படி நீதிபதி தண்டிப்பதால் அவர் செயல் குற்றமாகாது.

இ.த.ச. பிரிவு – 78

உத்தரவு (அ) தீர்ப்புப்படி காரியம் செய்பவர் மீது குற்றமாகாது. அம்மன்றத்துக்கு உத்தரவிட அதிகாரமில்லை என்றாலும் குற்றமாகாது.

இ.த.ச. பிரிவு – 79

சட்டப்படி கடமையாற்றுகிறவர் நல்லெண்ணத்துடன் சரியானதென நம்பி செய்வதில் எதிர்பாராமல் தவறு நேர்ந்தாலும் குற்றமாகாது.

இ.த.ச. பிரிவு – 80

சட்டப்படியும், கருத்துடனும், கவனத்துடனும் குற்றக் கருத்தின்றி செய்யும் செயலால் துன்பம் (அ ) விபத்தானால் குற்றமாகாது.

இ.த.ச. பிரிவு – 81

குற்றக் கருத்தின்றி நல்லெண்ணத்துடன் பெரிய தீங்கு நேர்வதைத் தடுக்க செய்யும் சிறு காரியம் மூலம் சிறு தீங்கு நடந்தால் குற்றமாகாது.

இ.த.ச. பிரிவு – 82

ஏழு வயதுக்குட்பட்டவர் செயல் குற்றமாகாது.

இ.த.ச. பிரிவு – 83

ஏழு முதல் பன்னிரண்டு வயதுக்குட்பட்ட அறிவு முதிர்ச்சி பெறாதவர் செயல் குற்றமாகாது.

இ.த.ச. பிரிவு – 84

சித்த சுவாதீனம் இல்லாதவர் செயல் குற்றமாகாது.

இ.த.ச. பிரிவு – 85

போதை நபர் செயல் குற்றமாகாது. ஆனால் போதை அவர் விரும்பி ஏற்றிருக்கக் கூடாது. அறியாமல் வந்திருக்கவேண்டும்.

இ.த.ச. பிரிவு – 86

சில சட்டப்பூர்வமான செயல்கள் கருத்தோடும் தெளிவோடும் செய்தால்தான் குற்றமாகும். அவை கூட 85 இ.த.ச. படி பொருந்தும்.

இ.த.ச. பிரிவு – 87

18 வயதுக்கு மேற்பட்ட நபர் சம்மதப்படியான செயலில் துன்பம் நேர்ந்தால் குற்றமாகாது. ஆனால் செயலில் குற்ற நோக்கு கூடாது.

இ.த.ச. பிரிவு – 88

ஒருவர் இசைவுடன் அவரது நலனுக்காக நல்லெண்ணத்துடன் செய்யும் செயலில் துன்பம் ஏற்பட்டால் குற்றமாகாது.

இ.த.ச. பிரிவு – 89

12 வயதுக்குட்பட்டவர், மன நலம் குன்றியவர் ஆகியோரின் பாதுகாவலரின் சம்மதம் பெற்று அவரது நலனுக்கு செய்யும் காரியம் குற்றமாகாது.

இ.த.ச. பிரிவு – 90

தனக்குத் தீங்கு நேரும் அச்சத்தால் சம்மதம் கொடுக்கப்பட்டாலும், விஷயம் புரியாமல் சம்மதம் தந்தாலும் அது சம்மதம் ஆகாது.

இ.த.ச. பிரிவு – 91

சில காரியத்தால் தீங்கு நேர்ந்தாலும், நேராவிட்டாலும் அச்செயல் குற்றமாகும். அது சம்மதத்துடன் புரிந்தாலும் குற்றமே. (எ.கா.- கருச்சிதைவு)

இ.த.ச. பிரிவு – 92

ஒருவரின் சம்மதம் இல்லாமலே சூழ்நிலை அனுசரித்து அவர் நலனுக்கு நல்லெண்ணத்துடன் செய்யும் காரியம் குற்றமாகாது.

இ.த.ச. பிரிவு – 93

நல்லெண்ணத்துடன் ஒரு செய்தியை பிறரிடம் தெரிவிக்கும் செயலால் அந்த நபருக்குத் துன்பம் ஏற்பட்டால் குற்றமாகாது.

இ.த.ச. பிரிவு – 94

மிரட்டலுக்கு அடங்கி ஒருவர் செய்யும் காரியம் குற்றமாகாது. ஆனால் தானே மிரட்டல் விடுப்பவரிடம் சிக்கிக் கொள்ளக் கூடாது.

இ.த.ச. பிரிவு – 95

மிகச் சிறிய குற்றச் செயலால் மிகச் சிறிய தீங்கு ஏற்பட்டால் அது குற்றமாகாது.

தற்காப்புரிமை:-

இ.த.ச. பிரிவு – 96

தற்காப்புரிமை பயன்படுத்தும்போது எதிரிக்கு ஏற்படும் துன்பம் குற்றமாகாது. ஆனால் தற்காப்புரிமை அத்துமீறக்கூடாது.

இ.த.ச. பிரிவு – 97

தனது, அதேபோல், பிறரது உடல், உடைமை, காத்துக்கொள்ள தற்காப்புரிமை உள்ளது. இதில் 99 இதச பிரிவின்படி நிபந்தனை உள்ளது.

இ.த.ச. பிரிவு – 98

இளமை, குடிபோதை, அறிவு தெளிவின்மை, பைத்தியக்காரன், போதைக்காரன், இவர்களிடமும் தற்காப்புரிமை பயன்படுத்தலாம்.

இ.த.ச. பிரிவு – 99

பொது ஊழியர் நல்லெண்ணத்துடன் செய்யும் காரியத்தை எதிர்த்து தற்காப்புரிமை பயன்படுத்தக் கூடாது.

இ.த.ச. பிரிவு – 100

-எதிராளி நம்மைத் தாக்கிக் கொலை செய்யக்கூடும் என்ற அச்சம் ஏற்படும்போது

-நம் உடலுக்கு எதிரியின் செயலால் கொடுங்காயம் ஏதாவது ஏற்படலாம் என்ற எண்ணம் தோன்றும்போது

-எதிராளி கற்பழிக்க வேண்டும் என்ற நோக்கத்துடன் தாக்கும்போது

-இயற்கைக்கு மாறான முறையில் தன்னுடைய காம இச்சையை எதிரி தீர்த்துக் கொள்ளவேண்டும் என்ற வெறியுடன் நெருங்கும்போது

-கடத்திச் செல்ல வேண்டும் என்ற கருத்துடன் நம்மை அண்டியுள்ள ஒருவரை எதிரி தாக்க முனையும்போது

-சட்டவிரோதமாக ஒருவரை எதிரி காவலில் வைப்பதற்கென முயற்சி செய்து அதனினின்றும் சட்டப்பூர்வமான அலுவலர்களை அணுகி விடுதலை பெற முடியாத நிலை ஏற்படும்போது

ஆகிய ஆறுவித சந்தர்ப்பங்களில் எதிரிக்கு மரணம் ஏற்பட்டாலும் தற்காப்புரிமை படி குற்றமல்ல.

இ.த.ச. பிரிவு – 101

இ.த.ச. பிரிவு – 100-ல் உள்ளபடிதான் எதிரிக்கு மரணம் ஏற்படலாம். இதச 99ன் படி மரணம் குற்றமாகும். மற்றது குற்றமில்லை.

இ.த.ச. பிரிவு – 102

நமது உடலுக்கு ஆபத்து என்ற அச்சம் தோன்றியதுமே நமக்குத் தற்காப்புரிமை கிடைக்கின்றது.

இ இ.த.ச. பிரிவு – 103

ரவில் வீடு இடித்துக் கொள்ளை, தீ, அத்துமீறுதல், திருடுதலால் மரண பயமெனில் தற்காப்புரிமையில் எதிரிக்கு மரணம் குற்றமாகாது.

இ.த.ச. பிரிவு – 104

பிரிவு 103ல் உள்ளது தவிர திருடு, தொல்லை, வரம்பு மீறல், செயலில் தற்காப்புரிமையில் எதிரிக்கு மரணம் தவிர மற்றது குற்றமாகாது.

இ.த.ச. பிரிவு – 105

நம் சொத்துக்கு ஆபத்து வரும்போது தற்காப்புரிமை கிடைக்கிறது. ஆபத்து நீங்கியதும் தற்காப்புரிமை இல்லை.

இ.த.ச. பிரிவு – 106

மரண தாக்குதலின்போது தற்காப்புரிமையில் நிரபராதிக்குத் தீங்கு ஏற்பட்டால் குற்றமில்லை.

வருகைக்கும், வாசிப்புக்கும் நன்றிகள்_என்றும் அதே அன்புடன் உங்கள் இனிய நண்பன் _ஜானி!

வாழ்ந்தது போதுமா? _016_1972_veera kesari Magazine from Sri Lanka

வணக்கங்கள் தோழமை உள்ளங்களே! 

ஈழத்துத்தமிழ் மணக்க எழுத்தப்பட்ட இந்த சந்ரா அவர்களது சித்திரக்கதை மிக அபூர்வமான ஒன்று. இதனை தமிழ் மண்ணில் இத்தனை காலம் பாதுகாத்து வைத்திருந்து இன்று நம்முடன் பகிர்ந்து கொண்ட தமிழ் காமிக்ஸ் ரசிகர் திரு. அலெக்ஸ்சாண்டர் வாஸ் அவர்கள் போலவே இன்னும் அரிய சித்திரக்கதைகளை பாதுகாத்து புதையலாக எண்ணி வைத்து வரும் அரிய நபர்களை இந்த வலைப்பூதான் எனக்கு அறிமுகம் செய்து வைத்தது. இன்று வாழ்ந்தது போதுமா? தனது பதினாறாவது அத்தியாயத்தினை எட்டிப் பிடிக்கும் வேளைதனில் உங்களுக்கு ஒரு கேள்வி. உங்களில் எத்தனை பேர் இது போன்ற அரிய தொடர்களைப் பாதுகாப்பாக வைத்துள்ளீர்கள்? 

நிற்க. இந்த வாழ்ந்து போதுமா கதையமைப்பு உங்களுக்குப் பிடித்தமானதாக இருக்கிறதா? இல்லை....நீங்கள் இரசித்துப் படித்து விட்டு கருத்தேதும் பதியாமல் செல்லும் எண்ணம் கொண்டவரா? ஏன் என்று கேட்டால் இடையே சிறிது தினங்கள் தொடர்ச்சி விட்டு விட்டு காத்திருந்தேன். எவருமே இந்த தொடரினைக் குறித்து இங்கு கதைக்கலை. என்ன நண்பர்களே? சரிதானா? அது குறித்து விவாதிக்கப் போவதுமில்லை இங்கே. எனக்கு நேரம் இருக்கும்போது, இதன் அத்தனைப் பாகங்களும் அரங்கேறும் என்பதை அழுத்தம் திருத்தமாக சொல்லிக் கொள்கிறேன்.

இதுவரை_கடத்தல் தொழிலுக்கு சிறையில் உள்ள கைதியாகத் தேர்ந்தெடுத்து அவர்களைத் தப்ப வைத்து பயன்படுத்தும் கும்பலின் பிடியில் சிக்கும் சிங்காரம் சிங்காரமாக மாறி கடத்தல் தொழிலைத் தொடர்கிறான். அவனுக்கு உத்தரவிடும் அம்மணி ஜெயஸ்ரீ. உடன் கடத்தல் தோழன் தாஸ் எனப் பயணம் தொடர்கிறது. தாஸ் கொஞ்சம் அதிகமாக ஜெயஸ்ரீயை நெருங்கிட எண்ணுகிறான். அவளது சுய ரூபம் தெரிந்து அதிர்கிறான். பின்னர்....  

அப்புறம், வேளச்சேரி உதவி ஆய்வாளர் ஒருவரை சந்திக்க நேரிட்டது. அவரது ஒரு கருத்து மிக முக்கியமெனப் பட்டதால் இங்கு பகிர்கிறேன். வேலை நிமித்தம் வெளியே செல்லுமிடங்களில் சிற்றுண்டிகளுடன் வைக்கப்படும் சட்னிகளை எடுத்துக் கொள்ளாதீர்கள். அதே சமயம் அவற்றுடன் பரிமாறப்படும் சாம்பார் எடுத்துக் கொள்ளுங்கள். என்றார். ஏன் என்று கேட்டதற்கு சாம்பார் சுடவைக்கப்பட்டு பரிமாறப்படும் ஒரு சங்கதி என்பதால் அதில் கிருமிகள் இருப்பதற்கான வாய்ப்புகள் குறைவே. ஆனால் சட்னி வகைகள் அப்படி இல்லை. அரைத்து கெட்டியாக வைத்துக் கொண்டு தேவைப்படும்போது சாதாரணமாக என்ன நீர் என்று நாம் கண்டுகொள்ள முடியாத பகுதியில் பக்கெட்டில் இருக்கும் நீரை எடுத்து ஊற்றுகிறார்கள். அதுவும் சூடான பொருளல்லாததால் நம்மைத் தற்காப்பு செய்து கொள்ள நாம்தான் கவனமாக இருக்க வேண்டும். எனவே சட்னி வகைகளைத் தவிர்ப்பது நமது வயிற்றில் பன்ச்சர் ஆகாமல் நம்மைத் தற்காத்துக் கொள்ள உதவும் என்றார். கவனித்துக் குறித்துக் கொள்ள வேண்டிய சங்கதியாகப் பட்டதால் பகிர்ந்து கொண்டேன். கவனம் மக்கா!
மிகப் பெரும் உணவகம் அது. அதன் பணியாளர் பயன்படுத்தும் கழிப்பறையை எட்டிப் பார்த்தால் ....அய்யகோ! இவர்களா நமக்குப் பரிமாறுகிறவர்கள் என்கிற அதிர்ச்சிக்குள்ளானவன் என்கிற வகையில் அதனையும் இங்கு பதிவு செய்கிறேன்.
என்றும் அதே அன்புடன்_நட்புடன்_பாசமுடன்_ஜானி_உங்கள் இனிய நண்பன்...
டொக்!    

வாழ்ந்தது போதுமா? _015_1972_veera kesari Magazine from Sri Lanka

இந்த தொடரை பாதுகாத்து வழங்கி உதவிய திரு.அலெக்ஸ்சாண்டர் வாஸ் அவர்களுக்கு நன்றிகள். தொடரின் மற்ற பாகங்களையும் வாசித்து விட்டு தொடருமாறு கேட்டுக் கொள்கிறேன். என்றும் அதே அன்புடன் ஜானி!

மனிதர்கள்....

வணக்கம் நண்பர்களே!

உலகில் எத்தனை மனிதர்கள் உள்ளனரோ அத்தனை தனிப்பட்ட உலகங்கள் உண்டு என்று எங்கோ ஒரு சிந்தனையாளர் தனது சிந்தனையை செதுக்கிச் சென்றார். எனக்கு ஒரு பெரியவரைத் தெரியும். அவர் ஆயுதப்படையில் காவல் துணை ஆணையாளர் அலுவலகத்தில் முகாம் எழுத்தராகப் பணிபுரிகிறார். அவரது விசேஷமான செய்கை என்னவெனில் ஒவ்வொரு புத்தாண்டு மலரும் வேளையிலும் தன் வட்டாரத்தில் தனக்கு உதவியாளராகப் பணியிலுள்ள அனைவரையும் அழைத்து தன் கையொப்பமிட்ட பத்து ரூபாய் நோட்டுகளை அன்பளிப்பாகக் கொடுத்து இந்தப் புத்தாண்டு உங்கள் வாழ்வில் எல்லா செல்வ வளங்களையும் வாரி வழங்கட்டும். எனது ஆசீர்கள் என்பார்.  அது அவரது சிந்தனை. அவரின் எண்ணம் உயர்வானது என்பதால் ரூபாய் நோட்டில் செய்த இனிசியலை பெரிதாக்காமல் அந்த ரூபாய் நோட்டினை வீட்டில் பத்திரப்படுத்தி வைக்கும் நண்பர்கள்தான் அதிகம். வருடத் துவக்கம் இது போன்று கிடைக்கும் அபூர்வப் பரிசுகள் மனதுக்கு நெகிழ்ச்சியை கொடுக்க வல்லவைதானே!

 தான் ஆடாவிட்டாலும் தன் தசை  ஆடும் என்பது முதுமொழி. முன்தினம் இரவு சுமார் இரண்டுக்கு மேல் நெஞ்சைப் ஒரு இம்சை வந்து பிசைவதாகவே தோன்றியது. அது வலியுமல்ல. ஏதோ ஒன்று தப்பாக நடக்கிறது என்று மட்டும் புரிந்தது. ஆனால் அது என்ன என்பது மட்டும் பிடிபடவில்லை. சுமார் மூன்றரைக்கு என் கைபேசி அலறிற்று. என்னமோ ஏதோவென்று பயந்து கொண்டே போனை எடுத்தேன். எனக்குப் பிரியமான என் தாத்தாவின் சகோதரர் திரு.சாமிநாதன் அவர்கள் காலமாகிவிட்டார் என்கிற செய்திதான் அது. நாங்கள் பழகியது வெகு சில சந்தர்ப்பங்களில்தான் என்றபோதிலும், அந்த இடைவெளியில் என்னை அவருக்கு மிகப் பிடிக்கும் என்பது ஒரு புறம் இருக்க, அவரை சந்தித்தே பல வருடங்கள் உருண்டோடி விட்ட நிலையில் இன்று நேர்ந்த இந்த விசித்திரமான இனம்புரியாத அனுபவம் குறித்து உங்களுடன் பகிர்வதில் ஒரு ஆறுதல். 

என் சகோதரர் செந்தழல்ரவி தனது வலைப்பூவில் எங்கள் தாத்தா குறித்து எழுதியுள்ள பதிவு....http://tvpravi.blogspot.in/2014/05/blog-post_9.html
இடையே இங்கேயே வசித்து நான் காண விரும்பி வந்த இனியவர்கள் எழுத்தாளர் ஜெயகாந்தன் அவர்களும், செவியில் இறைவனை நனைத்துக் கொண்டே இருந்த அன்பு அய்யா நாகூர் ஹனீபா அவர்களும் மீளாச் சொர்க்கம் எய்தி வருத்தத்தின் சதவீதத்தை அதிகரித்து விட்டனர். அன்னார்களது ஆன்மா இனிய இறைவனின் ஜோதியில் கலந்து சாந்தியும் சமாதானமும் அடைய வேண்டிக் கொள்கிறேன். 

அப்புறம்....அப்புறமே!!

என்றும் அதே அன்புடன் உங்கள் இனிய நண்பர் ஸ்பைடர்மேனின் தோழன் ஜானி!

  

ஒரு குசும்பு பிடித்த வாசகரின் கைவண்ணம்!!!

வணக்கம் நண்பர்களே! காமிக்ஸ் வாசித்து ரசித்த குழந்தைத்தனமான பருவத்தில் நம் கைகளில் காமிக்ஸ்கள் என்ன பாடு பட்டிருக்கின்றன பாருங்கள். இப்படி ஒரு அட்டகாசமான அமர்க்களமான பருவத்தைத்தான் நாம் காலப்போக்கில் இழந்து விட்டிருக்கிறோம்.  

நன்றிகள்: நண்பர் சரவணாrsk...... 

வேறென்னங்க! வண்டி ஓட்டும்போது பார்த்து ஓட்டுங்க. வெயிலை நினைத்து தலைக்கவசம் (ஹெல்மட்) அணிவதைத் தவிர்க்காதீங்க! யாராவது நடந்து போறவங்க தெரியாத்தனமா குறுக்கே வந்துட்டா வண்டி ஆக்சிலரேட்டரை முறுக்காதீங்க. போனா போவட்டும்னு கொஞ்சம் விட்டுக் கொடுங்க. ஜாலியா இருங்க. இன்னிக்கு சேதி அவ்ளோதாங்க. என்றும் அதே அன்புடன் உங்கள் தோழன் ஜானி! 

ஈஸ்டர் திருவிழா நல்வாழ்த்துக்களுடன்....ஜானி!

         இறைமகன் இயேசுவின் இனிய நாமத்தில் உங்கள் அனைவரையும் வாழ்த்துகிறேன். இயேசுவின் உயிர்த்தெழுதலின் நினைவாகக் கொண்டாடப்படும் தினம்தான் ஈஸ்டர். மக்களுக்காகவே மரித்தார். மக்களுக்காகவே உயிர்த்தார். மக்களுக்காகவே மீண்டும் வருவார். இறுதித் தீர்ப்புதினம் அவர் கரங்களில் உள்ளது. இதுவே கிறிஸ்துவைப் பின்பற்றும் எங்களது நம்பிக்கை. நண்பர்களுக்கு இம்முறை ஒரு கிறிஸ்துவின் வாழ்க்கை வரலாறு அடங்கிய சித்திரக்கதையினை வழங்குவதில் மகிழ்ச்சியடைகிறேன். உங்கள் அனைவருக்கும் என் இனிய ஈஸ்டர் தின நல்வாழ்த்துக்கள். இந்த சித்திரக்கதையினை அன்பளித்து உதவிய அன்பு நண்பர் தமிழ் காமிக்ஸ் உலகம் பதிப்பாசிரியர் திரு.கிங் விஸ்வா அவர்களுக்கும், புத்தகத்தினை அருமையாக வலைப்பூவுக்கு ஏற்றவிதத்தில் மேம்படுத்த ஆலோசனைகள் கொடுத்து உதவிய தமிழ் காமிக்ஸ் டைம்ஸின் நிர்வாகியுமான நண்பர் திரு சொக்கலிங்கம் அவர்களுக்கும் எனது இனிய நன்றிகளைத் தெரிவித்துக் கொள்ளுகிறேன்.

வரலாறு என்பது நடந்த ஒன்றின் பதிவே. விவிலியம் உணர்த்தும் வரலாற்றில் இறைமகன் இயேசு விண்ணிலிருந்து மானிடராகப் பிறந்து மரியாளின் அன்பிலும், யோசேப்பின் அரவணைப்பிலும் உலகில் உலவி அநேகம் மானிடரை ஆசீர்வதித்தும், நோயாளிகளைக் குணமாக்கி, பேய் பிடித்தோரை சொஸ்தமாக்கி, தொழுநோயாளிகளிடம் பரிவு காட்டி மனிதருக்கோர் உதாரணமாகத் திகழ்ந்து தனது அன்பின் பூரணமாக தன்னையே மக்களுக்கு அர்ப்பணித்து, தீயோரின் சதியால் சிலுவையில் அறையப்படுகிறார். மரித்தோரிலிருந்து மூன்றாம் நாள் உயிர்த்தெழுகிறார். மானிடரின் கண்கள் நோக்க விண்ணிற்கு ஏறி இறைவனின் வலது பக்கம் அமர்கிறார். மீண்டும் வருவார். புதிய வானம், புதிய பூமி மலரும். நல்லோர் அவரது அரசில் வளம் பெறுவர். தீயோர் ஒதுக்கப்படுவர். அவரது ஆட்சிக்கு முடிவிராது. ஆமென்.

வாசித்த அனைத்து இதயங்களுக்கும் நன்றிகள் பல. இனி சித்திரக்கதைக்குள் புகலாமே.

அப்புறம் புத்தகத் திருவிழாவுக்கு உங்கள் அனைவரையும் வருக வருக என்று வரவேற்கிறேன். புத்தகங்கள் கையில் பிடித்து வாசிப்பதில்தான் அழகிருக்கிறது என்று தீவிரமாக நம்பும் நண்பர்களுள் நானும் ஒருவன். அதன் வாசமே நம்மை ஆழ்ந்த வாசிப்புக்குள் வழிநடத்தும் என்பது அனுபவபூர்வமான உண்மை. ஆகவே வாருங்கள், நிறைய புத்தகங்களை வாங்குங்கள். வாங்கி வாசித்து மகிழுங்கள் என அன்புடன் கேட்டுக் கொள்கிறேன். ஈஸ்டர் விழா முடிந்து இந்தப் பரிசினை உங்களுடன் பகிர்ந்து கொள்ள நேரிட்டதற்கு பணிகளும் காலமும் இடம்தரவில்லை எனினும் சாரி தோழமை உள்ளங்களே! 

என்றும் அதே அன்புடன் உங்கள் இனிய நண்பன் ஜானி! 

தவிர்க்கலாமே?

இந்திய தண்டனை சட்டம் - குறிப்புகள் பகுதி இரண்டு!

அன்பு நண்பர்களே!

உதவி ஆய்வாளர் தேர்வுக்குத் தயாராகும் நண்பர்களுக்கு உதவும் விதமாக குறிப்புகள் சிறிது நம்ம வலைப்பூவிலும் கொடுத்தால் உதவிடுமே என்கிற எண்ணத்தில் சிறு குறிப்புகளாக, நினைவை புதுப்பித்துக் கொள்ளும் வகையில் கொடுத்துள்ளேன். ஒரு சின்ன  ஆலோசனை. நீங்க விளக்கமான இந்திய தண்டனை சட்டத்தினை வாசித்த பின் இதனை வாசித்தால் விளக்கமாகப் புரியும். 

தேர்வில் வென்று வாழ்வில் வளம் பெற என் வாழ்த்துக்கள்

அத்தியாயம் -௨ இன் தொடர்ச்சி

26 - நம்பத்தகுந்த காரணம்

27 – மனைவி, எழுத்தர், வேலையாட்களிடம் உள்ள சொத்து

28 – கள்ளத் தயாரிப்பு

29 – பத்திரம் – ஆவணம்

29 A – மின்னணுப் பதிவுரு

30 – மதிப்பாவணம்

31 – உயில்

32 – செய்கைகளைக் குறிக்கின்ற சொல் சட்டத்திற்கு மாறாக விடுகைகளை உள்ளடக்கும்.

33 – செய்கை அல்லது விடுகை

34 – பொதுவான உட்கருத்தை மேல்நடத்தும் வகையில் பல்வேறு ஆட்களால் செய்யப்பட்ட செய்கை

35 – அத்தகைய செய்கை குற்றமுறு அறிவுடன் அல்லது உட்கருத்துடன் செய்யப்படுகின்ற காரணத்தால் அது குற்ற செய்கையாக இருக்கும்போது

36 – பகுதி செய்கையாலும் பகுதி விடுகையாலும் உண்டாக்கப்பட்ட விளைவு

37 – பல்வேறு செய்கைகளில் ஒன்றை செய்வதன்மூலம் ஒத்துழைத்தலானது ஒரு குற்றமாக அமைகிறது.

38 – குற்ற செய்கையில் சம்பந்தப்பட்டுள்ளவர்கள் வெவ்வேறு குற்றங்களை செய்தவர்களாகலாம்.

39 – தன்னிச்சையாக - என்பதன் விளக்கம்

 40 – குற்றம் - என்பதன் விளக்கம்

41 – சிறப்பு சட்டம் - என்பதன் விளக்கம்

42 – வட்டார சட்டம் - என்பதன் விளக்கம்

43 – சட்டத்திற்கு மாறாக செய்ய சட்டப்படி கடமைப்பட்டவர்

44 – கேடு (அ) ஊறு (அ) துன்பம்

 45 – உயிர் என்பது மனித உயிரையே குறிக்கும். வேறு பொருள் கொள்ள வேண்டிய இடங்களில் அதற்கான விளக்கம் தனியே தரப்பட்டிருக்கிறது.

46 – மரணம் என்பது இந்த சட்டப்படி மனிதருடைய மரணத்தையே குறிக்கிறது. வேறு பொருள் கொள்ள வேண்டிய இடங்களில் அதற்கான விளக்கம் தனியே தரப்பட்டிருக்கிறது.

47 – மிருகம் என்பது மனித உயிர் தவிர மற்ற உயிர் வாழும் ஜந்துக்களைக் குறிக்கிறது.

48 – கப்பல்

49 – ஆண்டு, மாதம் என்பது ஆங்கில ஆண்டு மற்றும் ஆங்கில மாதத்தினைக் குறிக்கும்.

50 – பிரிவு – எண்களிட்டு காட்டப்பட்டிருக்கும் இந்த சட்டத் தொகுப்பின் பகுதியைக் குறிக்கும்.

51 – பிரமாணம்

52 – நல்லெண்ணம்

52 A – புகலிடம் தருதல்  

அத்தியாயம் – 03 – தண்டனைகள்

53 -  குற்றம் புரிந்தோருக்கு என்னென்ன தண்டனைகள் வழங்கப்படலாம்?

முதலாவது – மரண தண்டனை

இரண்டாவது – ஆயுள்தண்டனை

மூன்றாவது – நீக்கப்பட்டது

நான்காவது – இரண்டு வகைப்பட்ட சிறைக்காவல்

(1)    கடுங்காவல் (2) வெறுங்காவல்

ஐந்தாவது – சொத்துக்களைப் பறிமுதல் செய்தல்

ஆறாவது – அபராதம்

53 A – தீவாந்தரத்துக்கு அனுப்புதலின் குறிப்பினைப் பற்றிய பொருள்

54 – மரண தண்டனையை வேறு தண்டனையாக மாற்ற அரசுக்கு உள்ள அதிகாரம்

55 – ஆயுள்தண்டனையை வேறு குறைவான தண்டனையாக மாற்ற அரசுக்கு உள்ள அதிகாரம்

55A – அரசு என்பது மத்திய-மாநில சம்பந்தப்பட்ட குற்றங்களுக்காக வழங்கப்பட்ட தண்டனை எதன்பொருட்டு என்பதைப் பொறுத்து மாறுபடும். உரிய அரசு என்பதன் இலக்கணம்.

56 -  நீக்கப்பட்டது.

57 – தண்டனைக் கால அளவுகளின் பின்னங்கள்.

58 & 59 – நீக்கப்பட்டது

60 – தீர்ப்புத் தண்டனையை எந்த விதமாகவும் மாற்றி அமைக்கும் அதிகாரம் நீதி மன்றத்துக்கு உண்டு.

 61 & 62 – நீக்கப்பட்டது

63 – அபராதத் தொகை – தண்டத் தொகை

64 – அபராதம் செலுத்தாமைக்கு சிறை தண்டனை

65 – சிறைவாசமும், அபராதமும் விதிக்கக்கூடியதாக இருக்கும்போது அபராதம் செலுத்தாமைக்கான சிறைவாசத்துக்கு வரம்பு.

66 – அபராதம் செலுத்தாமைக்கான சிறைவாசத் தண்டனையின் வகை

67 – அபராதம் மட்டும் விதித்து தண்டிக்கப்பட வேண்டிய குற்றமாக இருக்கும்போது அபராதம் செலுத்தாமைக்கு சிறைவாசம்

68 – அபராதம் செலுத்தியதும் சிறைவாசம் முடிவுறுதல்

69 – அபராதத் தொகையின் வீதப்பகுதி கட்டப்பட்டதும் சிறைவாசம் முடிவுறுதல்

70 – அபராதம் ஆறு ஆண்டுகளுக்குள் அல்லது சிறைவாசத்தின்போது வசூலிக்கலாகும் என்பது மரணம் ஏற்படுவதால் சொத்து கடப்பாட்டில் இருந்து விடுபடாது.

71 – பல்வேறு குற்றங்கள் சேர்த்த ஒரு குற்றத்துக்குரிய தண்டனையின் வரம்பு

72 – பல்வேறு குற்றங்களில் ஒன்றை செய்தவருக்கு அவற்றில் எந்தக் குற்றத்திற்கு என்பதுபற்றி ஐயமிருப்பதாக தீர்ப்பில் சொல்கிறபோது தண்டனை

73 – சிறையில் தனித்து அடைத்து வைத்தல்

(தனிமை சிறை _ நினைவிருக்கிறதா, பட்டாம்பூச்சி என்கிற தனி மானுட சாசனம்? இதுகாறும்  வாசிக்காதவர்கள் தயவு செய்து வாசியுங்கள் ரா. கி.ரங்கராஜன் அவர்களது மொழி பெயர்ப்பில் ஹென்றி ஷாரியர் என்பவரின்  சுய சரிதை நூல் வெளியாகி தமிழுக்கு அணி செய்துள்ளது. அதில் தனிமை சிறை குறித்து மிக நீண்ட அனுபவப் பக்கங்கள் காட்சிப்படுத்தப்பட்டுள்ளன)

74 – தனிமை சிறைவாசத்துக்கான கால வரம்பு

75  - இந்திய தண்டனை சட்டத்தின் பன்னிரெண்டாவது அல்லது பதினேழாவது அத்தியாயங்களில் சொல்லப்பட்டுள்ள குற்றத்துக்காக ஒருவர் மூன்றாண்டுகள் அல்லது அதற்கும் மேலாக தண்டனை விதிக்கப்பட்டிருந்து மீண்டும் அதே வகையான குற்றங்களைப் புரிந்தால் அவருக்கு ஒவ்வொரு முறையும் ஆயுள் தண்டனை, அல்லது பத்தாண்டுக் காலம் வரை வெறுங்காவல் அல்லது கடுங்காவல் தண்டனை விதிக்கப்படவேண்டும்.

-அத்தியாயம் இரண்டு நிறைவுற்றது-

 அப்புறம் நண்பர் கணபதி இமயம் ஸ்டடி சென்ட்டர் என்கிற வலைப்பூ வைத்துள்ளார். அதில் உதவி ஆய்வாளர் சிலபஸ் கொடுத்துள்ளார். புதுப்பேட்டையில் போட்டித் தேர்வுகளுக்குப் பயிற்சி அளித்து வருகிறார். தேவை உள்ளோர் அவரை அணுகலாம். http://hansha875.blogspot.in/2015/02/tamilnadu-police-si-2015-syllabus.html 

அப்புறம் நண்பர் மாயாவி சிவா லயன் காமிக்ஸ் ஆசிரியர் திரு விஜயன் அவர்களின் பிறந்த நாள் வாழ்த்துக்களுக்காக உருவாக்கிய வாசகர் வாழ்த்து அட்டை. முடிந்தவரை அனைத்து நண்பர்களையும் புகைப்படமாக்கி தான் ஒரு சிறந்த இரசிகன் என நிரூபித்து உள்ளார். நன்றிகள் சிவா ஜி! வாழ்த்துக்கள் விஜயன் ஜி! இன்னும் பல சாதனை புரிந்து காமிக்ஸ் மழை பொழிந்து தமிழ் கூறும் நல்லுலகுக்கு சிறப்பு சேர்த்திட எங்கள் அனைவரது வாழ்த்துக்கள் தலைவரே! 

அப்புறம் அபாய கண்டம் ஆப்பிரிக்காவில் நிகழும் ஒரு ஒட்டுமொத்தப் படுகொலையை களமாகக் கொண்டு உருவாக்கப்பட்ட ஹெர்மான் அவர்களின் அட்டகாசமான ஒன் ஷாட் கதை இந்த ஆப்பிரிக்கா. அதில் வரும் மாந்தர்களும் நிகழ்வுகளின் களமும் நிரம்பவே ஈர்க்கின்ற விதத்தில் அமைந்துள்ளது. கதைக்கான சூழலை மிக அழகாக நேர்த்தியாக வனைந்துள்ளார் ஹெர்மான்! HATS OFF HERMANN!

Got Scan and little modified for tamil comics fans! must read story! dont miss it!!!

பின்னர் வரேன் தோழமை உள்ளங்களே! என்றும் அதே அன்புடன் உங்கள் இனிய நண்பன் ஜானி!

  

இந்திய தண்டனை சட்டம் 1860 (Indian Penal Code - Important Sections from 01-25)

இந்திய தண்டனை சட்டம் 1860 (Indian Penal Code - Important Sections from 01-25)

அத்தியாயம் – I

அறிமுகம்

முன்னுரை: இந்திய தண்டனை சட்டம் இந்திய சட்ட ஆணையத்தின் தலைவர் லார்டு மெக்காலே மற்றும் ஆணையர்கள் மாக்ளியாட், ஆண்டர்சன், மில்லட் ஆகியோரால் 06.10.1860 ஆம் ஆண்டு உருவாக்கப்பட்டு  01.01.1862 ஆம் ஆண்டு முதல் அமலுக்குக் கொண்டுவரப்பட்டது. இதில் மொத்தம்  511 பிரிவுகள் அடங்கியுள்ளன.

பிரிவு – 01 பெயரும், எல்லையும்

இந்திய தண்டனை சட்டம் ஜம்மு காஷ்மீர் மாநிலங்கள் தவிர இந்தியாவிலுள்ள அனைத்து மாநிலங்களுக்கும் பொருந்தும்.

பிரிவு – 02 இந்திய எல்லைக்குள் புரியும் குற்றங்களுக்குத் தண்டனைகள்

இந்த சட்டப்பிரிவுகளில் கூறப்பட்டுள்ளபடி இந்தியாவில் குற்றம் புரிகின்ற குற்றவாளிகள் ஒவ்வொருவரும் தாங்கள் புரியும் குற்றத்திற்கு ஏற்ப தண்டனை பெறுவார்கள் மற்றும் சட்டப்படி செய்ய வேண்டியவற்றை செய்யாமல் விடுபவர்களும் இச்சட்டத்தின் கீழ் தண்டிக்கப் பெறுவார்கள்.

பிரிவு – 03 வெளிநாடுகளில் செய்யப்படும் குற்றங்களுக்குத் தண்டனைகள்

இந்தயாவில் உருவாக்கப்பட்ட சட்டங்களுக்கு உள்ளடங்கிய இந்திய குடிமகன் ஒருவர் இந்தியாவிற்கு வெளியே இச்சட்டத்தில் குறிப்பிடப்பட்ட குற்றங்கள் ஏதேனும் புரிவாரானால் அத்தகைய குற்றம் இந்தியாவிலேயே செய்யப்பட்டதாகக் கருதி அவ்வாறாகவே நடவடிக்கை எடுக்கப்பட்டு தண்டிக்கப்படுவார்.

பிரிவு – 04

(1)          இந்தப் பிரிவின்படி இந்தியக் குடிமக்கள் இந்தியாவிற்கு உள்ளும், வெளியிலும் புரியும் குற்றங்களுக்கும்,

(2)          இந்தியாவில் பதிவு செய்யப்பட்ட கப்பல் அல்லது விமானத்தில் செய்யப்படும் குற்றங்களுக்கும் இப்பிரிவின்கீழ் தண்டனை வழங்கப்படும்.

விளக்கம் இந்தியாவிற்குள் தண்டனை பெறத்தக்க குற்றத்தினை ஏதேனும் இந்தியாவுக்கு வெளியே செய்தாலும் இப்பிரிவின் கீழ் தண்டிக்கப்படுவர்.

உதாரணம்:- இந்தியக் குடிமகன் ஒருவன் உகாண்டா நாட்டில் (தென் ஆப்பிரிக்கா) ஒரு கொலைக் குற்றம் புரிகிறான். அந்த குற்றத்திற்காக அந்த இந்தியக் குடிமகன் இந்தியாவில் எந்த இடத்தில் இருந்தாலும் அதே இடத்தில் அந்த குற்றம் பற்றி நீதி விசாரணை செய்யப்பட்டு தண்டிக்கப்படலாம்.

பிரிவு – 05  

இந்திய அரசின் கீழ் பணியிலுள்ள தரைப்படை, கப்பல் படை, விமானப்படை ஆகியவற்றின் வீரர்கள் மற்றும் அலுவலர்கள் செய்யும் கலகம் மற்றும் பணியை விட்டு தன்னிச்சையாக சென்றவர் (விட்டோடி) ஆகியோர்களை தண்டிப்பதற்கு இயற்றப்பட்ட எந்த  தனி அல்லது உள்ளூர் சட்டத்தையும் இந்த சட்டப் பிரச்சனை அல்லது வேறு விவகாரங்களைப் பரிசீலித்தல், அறிக்கை கொடுத்தல், ஆவணத்தை வைத்திருத்தல், உண்டாக்குதல், அதிகாரப்பூர்வமாக்குதல், சொத்துக்களின் பொறுப்பேற்றல், நீதிபூர்வமான வேலைகளை செய்தல் போன்றவற்றை இந்த சட்டம் பாதிக்காது.

அத்தியாயம் – II

பொது விளக்கங்கள் (General Explanations)

பிரிவு – 21 பொது ஊழியர்:

பொது ஊழியர் என்ற சொல் கீழே குறிப்பிடப்பட்டுள்ள ஒவ்வொருவரையும் குறிக்கும்.

முதலாவது:- நீக்கப்பட்டுள்ளது.

இரண்டாவது:- இந்திய தரைப்படை, விமானப்படை, கடற்படை ஆகிய முப்படைகளிலுள்ள அலுவலர்கள்.

மூன்றாவது:- ஒவ்வொரு நீதிபதியும், (நீதிமன்ற ஊழியர்களும்) சட்டத்தை முன்வைத்து நீதிமுறையாக அலுவல்கள் ஆற்றுவதற்கு சட்டத்தால் அதிகாரம் பெற்றவர்களும்.

நான்காவது:- சட்டப்பிரச்சினை மற்றும் வேறு விவகாரங்களைப் பற்றி பரிசீலித்தல், புலனாய்வு செய்தல், ஆவணங்களை வைத்திருத்தல் அவற்றை உறுதிப்படுத்துதல், எந்த சொத்தையாவது பொறுப்பில் எடுத்துக் கொள்ளுதல் அல்லது அதைப் பற்றி முடிவு செய்தல், நீதிமுறைக் கட்டளைகளை அல்லது பிரமாணத்தைப் புகுத்துதல் அல்லது மொழி பெயர்த்தல் அல்லது நீதி மன்ற உத்தரவுகளை நிலைநாட்டுதல், நீதிமன்றத்தால் தனியாக இதற்கென்றே நியமிக்கப்பட்ட அலுவலர்.

ஐந்தாவது:- நீதிமன்றத்திற்கும் பொது ஊழியருக்கும் உதவுகின்ற பஞ்சாயத்துதாரர் (jury ) அல்லது மதிப்பீட்டாளர்(Assessor) அல்லது முறைகாண் ஆயத்தின் உறுப்பினர்(jury man). 

ஆறாவது:- நீதிமன்றம் அல்லது தகுதி பெற்ற பொது அலுவலர் என்று கூறப் படுபவரால் வழக்கு முடிவு செய்வதற்காக அல்லது மத்தியஸ்தர் என்று நியமிக்கப்பட்டவர் அல்லது வேறு எந்த ஒரு நபராக இருந்தாலும்.

ஏழாவது:- ஒரு நபரை வைத்திருக்கவோ அல்லது அடைத்து வைத்திருக்கவோ அதிகாரம் அளிக்கப்பட்டு பதவியில் அமர்த்தப்பட்ட நபர் (உ.ம்.காவல்துறை)

எட்டாவது:- குற்றங்களைத் தடுப்பதற்கும், குற்றங்களைப்பற்றி தகவல் கொடுப்பதற்கும் குற்றவாளிகளை நீதிமன்றத்திற்குமுன் கொண்டு வந்து நிறுத்துவதற்கும், பொது சுகாதாரத்தை பாதுகாப்பதற்கும், பாதுகாப்பு அல்லது வசதியைக் காப்பதற்காகவும் அரசாங்கத்தால் நியமிக்கப்பட்ட அலுவலர் (உ.ம்.காவல்துறை)

ஒன்பதாவது:- அரசின் சார்பில் எந்தச் சொத்தையும் எடுத்துக் கொள்ளவும், வைத்துக் கொள்ளவும் பெற்றுக்கொள்ளவும் அல்லது அரசின் சார்பாக நிலங்களை அளக்கவும், மதிப்பிடவும், ஒப்பந்தம் செய்துகொள்ளவும், வருவாய்த்துறை கட்டளைகளை நிறைவேற்றுவதையும், அரசின் நலனைப் பாதிக்கின்ற விஷயம் எதைப்பற்றியும் பரிசீலனை செய்வதையும் அரசின் நிதி சம்மந்தமாக பத்திரம் எதுவும் தயார் செய்வதை உறுதி செய்வதையும் அல்லது அவற்றை வைத்து வருவதையும் அரசாங்கத்தின் நிதி நலன்களை பாதுகாக்கின்ற சட்டம் எதனையும் மீறுவதைத் தடுப்பதைத்  தன் கடமை என கருதும் அலுவலர்.(i.e. revenue dept.)

பத்தாவது:- சொத்து எதையும் எடுப்பது, பெற்றுக்கொள்வது, வைத்துக் கொள்வது அல்லது செலவிடுவது அல்லது அரசாங்கத்தின் சார்பாக நிலங்களை அளக்கவும் மதிப்பிடவும் அல்லது தீர்வை அல்லது வரி எதையும் விதிப்பதை கிராமம், நகரம், மாவட்டம் இவற்றில் மக்களுடைய உரிமைகளை உறுதியாகத் தெரிந்து கொள்வதற்காக பத்திரம் தயார் செய்வதை அல்லது வைத்து வருவதைக் கடமையாகக் கொண்ட அலுவலர்.

பதினொன்றாவது:-

வாக்காளர் பட்டியல் தயாரிக்க, வெளியிட, திருத்தம் செய்தல், வைத்திருத்தல் அல்லது தேர்தலை நடத்தவோ தேர்தலின் ஒரு பகுதியை நடத்தவோ அதிகாரமளிக்கப்பட்டு பதவி வகிக்கின்றவர்.(உ.ம். தேர்தல் ஆணைய ஊழியர், தேர்தலுக்கென பணியமர்த்தப்படுபவர்)

பன்னிரண்டாவது:- அரசின் ஊழியத்திலுள்ள அல்லது அரசிடம் ஊதியம் பெறுகின்ற அல்லது பொதுவான கடமைகள் எதையும் செய்வதற்காக அரசாங்கத்திடம் கட்டணங்கள் அல்லது தரகு என்கிற பெயரில் ஊதியம் பெறுகிறவர்.

     ஒரு தல நிர்வாகத்தின் அல்லது மத்திய அல்லது மாநிலச் சட்டத்தின் கீழ் அல்லது அதன் கீழ் நிறுவப்பட்ட ஒரு கூட்டு நிறுவனத்தின் அல்லது 1956ம் ஆண்டு வணிக நிறுவன சட்டப்பிரிவு  617ல் கூறப்பட்டுள்ளபடியான ஓர் அரசு வணிக நிறுவனத்தின் ஊழியத்தில் உள்ளவர் அல்லது அதனிடம் சம்பளம் வாங்குகிறவர். (உ.ம். ஒரு நகராட்சி ஆணையாளர் ஒரு பொது ஊழியரே)

விளக்கம்-1:- மேற்கூறிய ஊழியர்கள் அனைவரும் அரசாங்கத்தால் நியமிக்கப்பட்டிருந்தாலும், நியமிக்கப்படவில்லை என்றாலும் பொது ஊழியர்களே ஆவர்.

விளக்கம்-2:- சட்டமன்ற உறுப்பினர்கள்; நகர சபை உறுப்பினர்கள் அல்லது வேறு ஏதாவது பொது அமைப்பின் உறுப்பினர்களைத் தேர்தல் ஆணையம் மூலம் தேர்ந்தெடுக்க வேண்டும் என்றுள்ள சட்டத்தின்படி நடைபெறும் தேர்தலையும் இங்குள்ள தேர்தல் என்ற சொல் குறிக்கும்.

பிரிவு – 22 அசையும் பொருட்கள்

     அசையும் பொருட்கள் என்பது நிலமும், பூமியுடன் இணைக்கப்பட்டுள்ள பொருட்களும் நிரந்தரமாக பூமியுடன் பிணைக்கப்பட்டுள்ள பொருட்களைத் தவிர உலகில் உள்ள மற்ற பொருட்கள் அசையும் பொருட்கள் ஆகும். (உ.ம். நீரில் இருந்து வெளியே எடுக்கப்படும் மீன்)

பிரிவு – 23 அநியாய இலாபம்

     சட்டபூர்வமான உரிமையில்லாத சொத்தைச் சட்டவிரோதமான முறையில் இலாபம் சம்பாதித்தல் தவறான முறையில் அபகரித்தல் ஆகும்.

     இலாபம் அடைகின்ற ஒருவர், சட்டவிரோதமாக, உரிமை இல்லாத சொத்தில் அடைவது தவறான முறையில் இலாபம் சம்பாதித்தல் என்பதாகும்.

அநியாய நட்டம் :

                சட்டப்பூர்வமான உரிமையுள்ள சொத்தைச் சட்ட விரோதமான முறைகளால் இழத்தல் அநியாயமான நட்டம் எனப்படும்.

-அநியாயமான லாபமும் அநியாயமான நட்டமும் அநியாயமாகப் பெறுவது மட்டுமல்ல அநியாயமாக வைத்திருப்பதும் அநியாய லாபத்தின்பாற்படும்.

- அநியாயமாக ஒரு சொத்தை இழப்பது மட்டுமல்ல, ஒரு சொத்தை ஒருவரை அடையவிடாமல் அநியாயமாகத் தடுக்கப்படும்போது கூட அநியாய நட்டம் உண்டாவதாகக் கொள்ள வேண்டும்.

பிரிவு – 24 நேர்மையின்மை:-

     ஒருவர் மற்றொருவருக்கு லாபம் அல்லது அநியாய இழப்பு ஏற்படுத்தும் காரியத்தை புரியும்போது ஒருவர் நேர்மையற்ற முறையில் செயல்படுவதாகக் கருதப்படுவார்.

விளக்கம்:- போலியினை உற்பத்தி செய்யும்போது அப்படியே அசலைப்போல ஒரே அச்சாக இருக்க வேண்டும் என்ற அவசியம் இல்லை.

பிரிவு – 25  மோசடி:- ஒருவர் மற்றொருவரை ஏமாற்றும் உள்நோக்கத்துடன் காரியத்தை செய்வாரேயானால் அந்த நபர் மோசடி செய்வதாகக் கருதப்படும்.

விளக்கம்:- ஒருவன் ஒன்றைப் போலவே மற்றொன்றைப் போலியாக்குவதன் மூலம் அந்தப் போலி மற்றவரை ஏமாற்றக் கூடியதாக இருக்கும்போது அந்த நபர் பிறரை அத்தகைய ஒற்றுமையின்மூலம் ஏமாற்றுவதற்காக அல்லது அப்படி ஏமாற்றுவதற்காக பயன்படுத்தப்படும் என்று அறிந்தே அத்தகைய போலித் தயாரிப்பில் இறங்கியிருக்கிறார் என்று அனுமானிக்கலாம்.