jsc johny

திங்கள், 23 ஏப்ரல், 2018

021_இறைவாக்கினர் எசேக்கியேல்_விவிலிய சித்திரக்கதைகள் வரிசை

பிரியமான நட்பூக்களுக்கு இனிய வணக்கங்கள். இம்முறை நாம் தரிசிக்கப் போவது செக்கரியா என்கிற இறைவாக்கினரின் தரிசனங்களையும் அவர் வாழ்ந்த காலக்கட்டத்தையும்.. இது விவிலிய சித்திரக்கதைகள் வரிசையில் இருபத்தோராம் புத்தகமாக வெளியாயிற்று.. வெளியிட்டோருக்கு நன்றியும் அன்பும்..

இதனை வாசிக்க ஏதுவாக ஸ்கான் செய்வதற்கு வழங்கி உதவிய திரு.அலெக்சாண்டர் வாஸ் அவர்களுக்கு நன்றிகள்.

பிடிஎப் ஆக இந்த வரலாற்றைத் தரவிறக்கம் செய்ய விழைபவர்களுக்கு:

செக்கரியா

என்றும் அதே அன்புடன் உங்கள் இனிய நண்பன் ஜானி சின்னப்பன்.

ஞாயிறு, 22 ஏப்ரல், 2018

ஏப்ரல் பூல் - செந்தில் ராஜன்_வாசக முயற்சி..

வணக்கங்கள் தோழமை உள்ளங்களே..
கதைகள் மனதில் பிறந்து விட்டாலே அதற்கு இறக்கை கட்டிக் காற்றில் மிதக்கவிட்டு வேடிக்கை பார்ப்பது நமது கற்பனைக் குதிரைகளுக்கான பாதை.. இதோ ஒரு சித்திரக்கதை இரசிகரின் முயற்சி.. முழுமையான நகைச்சுவை கதையினை தனக்குப் பிடித்த நாயகர்களுடன் இணைத்து நமக்கும் வாசிக்கக் கொடுத்துள்ளார். வாசித்து எப்படி இருக்கிறது என்று தெரிவியுங்கள்.. அவரை உற்சாகப்படுத்துவோம்... என்ஜாய்...

இந்த கதையை சிபிஆர் வடிவில் வாசிக்க..

ஏப்ரல் பூல்

என்றும் அதே அன்புடன் உங்கள் இனிய நண்பன் ஜானி சின்னப்பன்.

திங்கள், 9 ஏப்ரல், 2018

ஜானி ஹசார்ட்

வெற்றிகரமாக ஆத்திச்சூடியின் நூறாவது அறிவுரையை உங்களிடம் கொண்டு வந்து சேர்த்து விட்டேன். நல்லதை எடுத்துக் கொள்ளலாமே.. வாழ்த்துக்களும் அன்பும்...

ஜானி ஹசார்ட்--ஓவியர் பிரான்க் ராபின்ஸ் கைவண்ணத்தில் 1944-1977 வரை காமிக் ஸ்ட்ரிப்களாக தினசரிகளிலும் ஞாயிறு மலர்களிலும் தொடர்ந்து வந்த கதை வரிசையாகும். இதனை கிங் ப்யூச்சர் சிண்டிகேட் வெளியிட்டது. உண்மையில் பிரான்க் ராபின்சினை ஏஜென்ட் எக்ஸ் 9 தொடர்களை வரைவதற்காகவே கிங் பியூச்சர் சிண்டிகேட் அணுகியது.. அவர் அதற்கு பதிலாக உருவாக்கியதே இந்த ஜானி ஹசார்ட். ஒரு பைலட்டின் கதை இது. 1944ல் ஒரு திங்கள் கிழமை மாதம் ஜூன் -5 ல் துவங்கிய இந்தக் கதையின் நாயகன் நமது ஜானி ஹசார்ட் இரண்டாம் உலகப்போரில் அமெரிக்க இராணுவ வான் வீரராக இருந்து பின்னர் பனி யுத்தத்தில் பங்கேற்கிறார். அதன் பின்னர் உலகம் முழுக்க சுற்றி வரும் ப்ரீலான்ஸ் பைலட்டாக இயங்குகிறார். எனவே சர்வதேச அளவில் இந்தக் கதை இறக்கை கட்டிப் பறக்கிறது. ஜானி தனது வாழ்வில் விதவிதமான நபர்களை சந்திக்கிறார். அழகான பெண்கள், கடத்தல்காரர்கள், விஞ்ஞானிகள் என மாறுபட்ட கதைகளுடன் சாகசப்பயணத்தை நாமும் மேற்கொள்ள ஏதுவாக கதைக்களம் அமைக்கப்பட்டிருக்கிறது. ஸ்டாண்டர்ட் காமிக்ஸ் நிறுவனத்தார் ஆகஸ்ட் 1948-1949 வரை காமிக்ஸாக இந்தக் கதை வரிசைகளைக் கொண்டு வந்தனர். பின்னர் பசிபிக் காமிக்ஸ் க்ளப் சண்டே தொடர்களை மட்டும் வண்ணத்தில் புத்தகமாக கொண்டு வந்தனர்.

Karate Doctor Justice கராத்தே டாக்டர் ஜஸ்டிஸ்..

கராத்தே டாக்டர் ஜஸ்டிஸ்... இந்தக் கதையின் ஆசிரியர் ஜீன் ஒலிவியர் உலக சுகாதார அமைப்பின் (WHO-World Health Organisation) பிரதிநிதியாக பணியாற்றிக் கொண்டிருந்த ஒரு டாக்டரை சந்திக்க நேரிட அவரது ஆளுமையே கராத்தே டாக்டர் ஜஸ்டிசாக உருமாற்றம் பெற்று பின்னர் காமிக்ஸ் ரூபமெடுத்தது. டாக்டர் பெஞ்சமின் ஜஸ்டிஸ்.. உலக சுகாதார அமைப்பில் பணியாற்றிக் கொண்டு ஏழை எளியோரின் நோய்க் கொடுமைகளோடு யுத்தம் நடத்தி ஆரோக்கியமான உலகை உருவாக்க நினைக்கும் எண்ணத்தில் சேவை செய்து வருபவர். பல்வேறு நாடுகளுக்கும் கண்டங்களுக்கும் சுற்றிப் பறந்து திரிபவர். இவரது பணிக்கு நடுவில் சதிகாரர்களையும், அழிவை ஏற்படுத்துபவர்களையும் தான் அறிந்த கராத்தே கலையின் மூலம் வீழ்த்துவதில் வல்லவர். முதன் முதலில் Pif Gadjet என்கிற பிரெஞ்சு மொழியில் வெளியான வாராந்திர பத்திரிகையில் அதன் 69வது வெளியீட்டில் ஜூன் மாதம், 1970 அறிமுகமாகிறார் நமது கராத்தே டாக்டர். அதிலிருந்து 1990வரை தொடர்ச்சியாக வெளிவந்திருக்கிறார். 1975இல் ஸ்பானிஷ் பிரெஞ்சு கூட்டணியில் கிறிஸ்டியன் ஜாக் திரை இயக்கத்தில் ஜான் பிலிப் லா நடிப்பில்
திரைப்பட அவதாரமெடுத்தும் வாசகர்களையும் இரசிகர்களையும் மகிழ செய்திருக்கிறார். தமிழ் காமிக்ஸ் டைம்ஸ்க்காக உங்கள் இனிய நண்பன் ஜானி சின்னப்பன்.