லார்கோ ஒரு வெற்றி வீரன்!

     

     வணக்கம் வலையுலக வாசக செல்வங்களே! மகளிர் தின நல்வாழ்த்துக்கள்! தாயாக, தங்கையாக, இல்லத்தரசியாக, மகளாக, பெண்கள் வகிக்கும் பங்குக்கு ஒரு சல்யூட்! வாழ்க பெண்கள்! 
   நண்பர்களே! லார்கோ இந்த முறை தனது அதிரடியை விரிக்கும் களம் போதை பொருள் கடத்தல்! மிக கொடுமையான ஒரு வஸ்து போதை பொருளாகும்! போதை பொருளை கடத்தும் ஒரு சிலரை வாழ வைக்கும் அதே வஸ்து, புதிய தலைமுறை வீழ காரணமாக அமைகிறது. கஞ்சா, அபின், ஹெராயின் என்று எந்த பெயரிட்டு அழைத்தாலும் மிக மோசமான விஷமாகிய  அதனை அழித்து இளைய சமுதாயத்தினை காத்திட வேண்டிய மிகப் பெரிய பொறுப்பு நமக்கு இருக்கிறது!

லார்கோ கதையில் போதை பொருளை லார்கோ தனது குழுவினரின் உதவியுடன் அழிப்பதும் ஆணி வேரினை பிடுங்கி எறிவதுமே காட்சிப் படுத்தப்பட்டுள்ளது. முதலில் ஒரு நபர் (லார்சன்) பலியாவதாக காட்டப்பட்டு பின்னர் அவரது கதை விவரிக்கப்பட்டுள்ளது. லார்கோ தனது வாழ்வின் பாதையில் போகிற போக்கில் செய்த உதவிகளில் ஒரு போதை பொருள் நிபுணனின் வாழ்வின் பாதையை மாற்றி நல் வாழ்வு அமைத்து கொடுக்கிறார். ஆனால் உயிருக்கும், உள்ளத்துக்கும் கேடு விளைவிக்கும் போதைப் பொருளின் பாதை எவ்வளவு கொடுமையானது என்பது பரோனஸ் என்னும் பெண்ணின் வழியாக அவளது வலியாக பதிவு செய்யப்பட்டுள்ளது. போதையில் சிக்கிய நபர் பின்பு பலவிதங்களில் அடிமையாக கிடக்கும் அவல நிலை மிக அழகாக ஆழமாக தகுந்த கதை கருத்தாக்கத்துடன் பதிவு செய்யப்பட்டுள்ளது. தவற விடக் கூடாத அருமையான படைப்பு ஆங்கிலத்தில் “Dutch Connection” & “H” துரத்தும் தலைவிதி & விதியோடு விளையாடுவேன் என்கிற தலைப்புகளுடன் தமிழில் வெளியாகி பட்டையை கிளப்பி கொண்டு இருக்கிறது! நட்பின் மகத்துவம் இலைமறை காயாக அவ்வப்போது வெளிப்பட்டுக் கொண்டே இருக்கிறது. இறுதியில் போதையின் பாதையில் தடம் மாறினாலும் நல்ல நட்புக்கு போதையை வெல்லும் வல்லமை உண்டு என்பதை மிக அழுத்தமாக இந்த கதை பதிவு செய்த வகையில் மிக சிறப்பான கதையாகும். லார்கோ மரணத்தின் நுனியில் நிற்கிறார். போதைக்கு அடிமையான பெண்ணின் நண்பர் அவர். அவரை காக்கும் பொருட்டு தனக்கு போதையின் பாதை காட்டியவனையே வீழ்த்துகிறாள் அந்த வீர மங்கை. மகளிர் தின நன்னாளில் வெளியாகி இருக்கும் இந்த கதை மிக அருமையான ஒரு கதையாக அமைந்துள்ளது! சைமன் தனது சிறப்பான அதிரடிகளால் கலக்குகிறார். தன்னை தாக்கிய பெண்ணை தூக்கி கடலில் சுறா மீன்களின் மத்தியில் வீசுவதாகட்டும். மீண்டும் அவள்மீது இரக்கம் கொண்டு மீட்பதாகட்டும். கடைசிவரை அவளை காக்க போராடுவதாகட்டும். அவரது பகுதி மிக சிறப்பான முறையில் அமைந்துள்ளது. தலைவெட்டி தாண்டவராயனை நெருப்பில் ஆகுதியாக செய்யும்போது லார்கோவினை தூக்கி சாப்பிட்டு விடுகிறார். அதிரடிகளின் இறுதியில் இவ்வளவு கொடுமைகள் இழைத்து தப்பி செல்லும் வில்லனை கோட்டை விட்டு விட்டார்களே என நினைக்கும் தருணத்தில் லார்கோவின் அதிரடி கதாநாயகன் அவரே என்பதை உறுதி செய்யும் விதத்தில் செம்மையாய் அமைந்து சிறப்பிக்கிறது. தவற விடக் கூடாத இதழ் இது. மீண்டும் சந்திக்கும் வரை வாழ்த்துக்கள்! பை!    

இது http://senthilvayal.files.wordpress.com/2009/04/tamil-grammer-in-easy-english.pdfமிக சிறப்பான ஒரு தளம். மிக முக்கியமான புத்தம் புது தகவல்களை பகிரும் அருமையான தளம். இது  http://www.tamilagaasiriyar.com/p/tamil-e-books.html
பயனுள்ள ஒரு தளம். ஒரு விசிட் அடிங்க நண்பர்களே!

விண்வெளி விசித்திரங்கள்! நடமாடும் சரித்திரங்கள்!

அன்பு மிகு காமிக்ஸ் ஆர்வலர்களே! வணக்கம். தங்களின்  தணியாத காமிக்ஸ் பேரன்புக்கு மேலும் மேலும் வண்ணம் சேர்த்திடும் விதமாக லார்கோ  ஆக்சன் ஸ்பெஷல் புத்தகம் நூறு ரூபாய் விலையில் வெளியாகி விற்பனையில் பட்டையை கிளப்பிக் கொண்டு இருக்கிறது! துரத்தும் தலைவிதி, விதியோடு விளையாடுவேன் என இரு தலைப்புகளும் அந்தாதி தொடைக்கு அழகான இடம் ஒதுக்கி வைக்கப்பட்டு உள்ளது! தமிழுக்கு அணி சேர்க்கும் விதமாக மற்றுமோர் மகுடமான இந்த நூலை கட்டாயம் தவறவிட வேண்டாம் தோழர்களே! நண்பர்கள்  பாண்டி D.செந்தில் குமார், கார்த்திக் சோமலிங்கா, பொடியன் ஆகியோருக்கு எந்தன் வாழ்த்துக்கள்!  

முத்தான முத்து காமிக்ஸ் தனது பொற்கால கட்டத்தில் வெளியிட்ட ஒரு அருமையான புத்தகம்தான்கொலைகார கபாலம்!

அதில் வெளியாகிய சிறப்பான கதைதான் இந்த நடமாடும் விசித்திர மரங்கள்! இவையெல்லாம் பூமியை ஆட்சி செய்ய எண்ணி வந்து வாங்கி கட்டிக்கொண்ட வஸ்துக்கள்! கதை நாயகர்கள் சாதாரண மனிதர்களே! அசாதாரணமான இந்த வஸ்துக்கள் அழிந்து போவது மிக சாதாரணமான பொருளால்! படிக்க சுவாரஸ்யம் மிகுந்த கதை! படிக்க பாதுகாக்க வசதியாக வாசகர்களின் அன்பை பெற்ற லயன் முத்து காமிக்ஸ் விற்பனைக்கு புத்தம் புது புதுமை, நவீனம் மிகு நூல்களை நேரடி சந்தா முறையில் கொண்டு வந்துள்ளார்கள். Please subscribe!  

மாயமான் கோட்டை!!!

காலை வணக்கம் நண்பர்களே! தினமலர் நாளிதழுடன் வெளியாகும் கம்ப்யூட்டர் மலர் நமக்கு நிறைய விதத்தில் உதவியாக உள்ளது! பயன்படுத்தி பழக நிறைய இணைய தளங்களை அறிமுகம் செய்கிறது! 

           கதை மாந்தர்களைச் சித்திரங்களாக வைத்து, சிறுவர்களுக்குக் கதைகள் வந்தது ஒரு காலம். பின்னர், அனைத்து வகைக் கதைகளுமே சித்திரங்களுடன் வந்தன. அவை பேசுவதை கட்டங்கள், நீர்க்குமிழிகள் என அமைத்து அவற்றில் காட்டப்பட்டன. இவற்றைப் பார்க்கையில், படிக்கையில், நாமும், நம் போட்டோக்களில், நாம் விரும்பும் வாசகத்தை இதே போல நீர்க்குமிழிகளில் அமைத்தால் எவ்வளவு நன்றாக இருக்கும் என எண்ணலாம். இந்த எண்ணத்தை நிறைவேற்றும் வகையில் நமக்கு ஓர் இணைய தளம் உள்ளது. இதன் பெயர் Phrase It!. இதற்கு "வாசகமிடு' என்று பொருள். இந்த இணைய தளத்தின் முகவரி http://phrase.it/. இந்த தளத்தில் நுழைந்தவுடனேயே, நீங்கள் செயலில் இறங்கலாம். முதலில் எந்த போட்டோக்கள், படங்களுக்கு வாசகங்களை நீர்க்குமிழ்களில் அமைக்க வேண்டுமோ, அவற்றைத் தேர்ந்தெடுக்க வேண்டும். ஹார்ட் ட்ரைவ், யு.எஸ்.பி. ட்ரைவ், பேஸ்புக் தளம் என எதிலிருந்து வேண்டுமானாலும் தேர்ந்தெடுத்து இந்த தளத்திற்கு அப்லோட் செய்திடலாம். அதனுடைய ரெசல்யூசன் 640 x 480 பிக்ஸெல் ஆக இருக்க வேண்டும். பின்னர், இந்த படங்களில் நீர்க்குமிழிகளை உண்டாக்கலாம். அவற்றில் உங்கள் வாசகங்களையும் இணைக்கலாம். உங்கள் கற்பனைப்படி அமைத்த பின்னர், இந்த தோற்றம் எப்படி இருக்கும் என்பதை முன்னோட்டமாகக் காணலாம். உங்களுக்கு திருப்தியாக இருந்தால், அப்படியே சேவ் செய்து விடலாம். அல்லது மேலும் சில மாற்றங்கள் தேவைப்பட்டால், அவற்றை அமைக்கலாம். பின்னர் சேவ் செய்திடலாம். அல்லது அப்படியே யாருக்கேனும் மின்னஞ்சலில் லிங்க் அமைத்து, உங்கள் முகவரிக்கு அனுப்பச் செய்யலாம். அந்த லிங்க்கினை மற்றவர்களுக்கும் தெரிவிக்கலாம். அவற்றைப் பின்னர், அந்த வாசகங்களுடன் பிரிண்ட் எடுத்து, நண்பர்களுக்கு போட்டோவினை அனுப்பலாம். வீட்டில் மாட்டி வைக்கலாம். ஒருமுறை செய்து பார்த்து, உங்கள் குழந்தைகளின் படங்களை அமைத்து அவர்களை குஷிப்படுத்துங்கள்.