041_மரண தேவதைகள்_நிக் ரைடர் சாகசம்_Vagam Comics

 வணக்கங்கள் வாசக வாசகியரே.. 

                 மார்ச்சினை சிறப்பிக்க வகம் கொண்டு வந்துள்ள மரண தேவதைகள்.. நியூயார்க் நகரம் ஒரு பரபரப்பில் இருக்கிறது. எங்கோ ஒரு மெடிக்கலில் திருட்டு நடந்துள்ளது. அதில் ஈடுபட்டவர்களைப் பற்றி விசாரித்ததில் ஏற்கனவே ஒரு சில கொள்ளைகளில் ஈடுபட்ட பெண்கள் கும்பலை ஒத்திருக்கிறது. விசாரணை தொடர மன்ஹாட்டனின் வணிக வங்கி ஒன்று அதே கும்பலால் கொள்ளையடிக்கப்படுகிறது. நிக் ரைடர் டீம் களமாடி இதில் சம்மந்தப்பட்டிருப்பது யார்? எந்தப் பின்னணியில் இருந்து வந்தவர்கள்? ஏன் இந்த குழுவில் பெண்களே இத்தனை ஈவிரக்கமில்லாமல் கொல்லும் தேவதைகளாக இருக்கிறார்கள் என்பதை அவர்கள் பாணியில் துப்பறிந்து தெளிவாக அறிந்து கொள்கிறார்கள். தங்கள் கடமைக்கு எல்லைகள் ஒரு தடை என்றாலும் அதையும் மீறிக் கொண்டு தங்கள் உயிரைப் பணயம் வைத்தாலும் அது தங்களுக்குப் புகழ் சேர்க்காது என்று நன்கு அறிந்திருந்தும் காலத்தின் அருமையையும் வாய்ப்பினைத் தவற விடாமல் அதிரடியாகத் தாக்கி மரண தேவதைகள் வேர் வரை அறுத் தெறிகிறார்கள்   நிக் ரைடர் குழு. இந்த பெரும் கொள்ளை மற்றும் கொலைகள் கொஞ்சமும் தயக்கமின்றி நடைபெற்றாலும் நிகழ்த்தும் பெண்களுக்கு கிடுக்கிப் பிடியாக பல சிக்கல்கள். அதனை வைத்து அவர்களை அச்சுறுத்தி தன் எண்ணம் போல் திசை திருப்பி லாபம் ஈட்டுகிறாள் கொடிய பெண் ஒருத்தி. அவளுக்குத் துணையாக அவளது கணவன். இருவரும் எப்படி வளர்ச்சி அடைந்தனர்? இப்படி ஒரு தேவதைகளின் படையை எப்படித் திரட்டினர்? அவர்கள் வீழ்ந்தது எவ்வாறு என்பதனை நாமும் சேர்ந்து துப்பறிந்து அறிந்து கொள்ள இம்மாதத்தின் மரண தேவதைகள் வகம் காமிக்ஸில் வந்திருக்கிறது. வாங்கி வாசித்து மகிழுங்கள்.. 

ஹைலைட்ஸ்:

ஒரு அபார்ட்மெண்ட்டில் தம்பதியர் மிரட்டப்படுகிறார்கள். ஹாலிவுட் திரைப்படங்களை ஒத்த காட்சி அமைப்பு. 

தான் வீழும் நிலை வந்தாலும் கடமை வீரரான காவலர் ஒருவர் மரண தேவதைகளில்  ஒருத்தியை வீழ்த்துவது. 

நிக் ரைடர் அதிரடியாக சிங்கத்தின் குகைக்குள் நுழைவது. 

இறுதியாக ஹா ஹா ஹா தொப்பி தொப்பி தொப்பி.. என்று ஒரு தொப்பி கொண்டு வரும் துரதிருஷ்டத்தை வைத்தே காமெடி ஏரியாவை டச் அப் செய்த விதம்.. 

போட்டி பொறாமை நிறைந்த உலகம் இது என்கிற கடுமையான மனநிலையை ஊட்டி ஊட்டி விஷமாக்கி வைத்திருக்கும் மம்மா. அதனால் பறக்கும் ஹெலிகாப்டரில் இருந்து சுட்டு தன் சக கொள்ளைக்காரிகளை வீழ்த்துவது தவறு என்று கூட எண்ணாத கடும் மனப்பான்மை.. 

 நண்பர் புகழேந்தியின் மொழி பெயர்ப்பு கதையோட்டத்துக்கு பலம். சென்ற இதழான ஆடம் வைல்ட் சாகசத்துக்கும் புகழ்தான் மொழிபெயர்ப்பாளர். அவருக்கு வாழ்த்துக்கள்.. 

140 ரூபாய்க்கு நல்ல வாசிப்புக்கு ஏற்ற கதையாக அமைந்திருக்கிறது இந்த மரண தேவதைகள். 

ஆடம் வைல்டின் மார்ச் மாத சாகசத்தில் ஓரளவுக்கு காட்டப்பட்ட அசுரனுடன் ஒரு மல்லுக்கட்டு இருக்கிறது என்று இந்த விரைவில் வருகிறது விளம்பரம் நமக்குக் காண்பிக்கிறது.. 

 

மனிதனுக்கும் மிருகத்துக்குமான இணைப்பு மிஸ்ஸிங் லிங்க் என்று அறிமுகபடுத்தப்பட்டிருப்பதால் அடிமையாகிப் போன அசுரனை மீட்டு வரும் வைல்ட் கதையாக இது இருக்க வாய்ப்பிருக்கிறது.. 

என்றும் அதே அன்புடன் ஜானி.. 

In The Tiger's Lair_Phantom_FREW_002 இதழ்_கதைச்சுருக்கம்

 வணக்கங்கள் தோழமை உள்ளங்களே.. இந்த பதிவில் நாம் காணப் போவது வேதாளரின் FREW_002 இதழ் புலியின் உறைவிடத்தில் எனப் பொருள்படும் இன் தி டைகர்ஸ் லெயர்... 

கதைக்குள் புகுமுன்பு ஒரு தகவல்.. வெள்ளை இளவரசி ராணி காமிக்ஸில் வந்த மிகவும் சிறந்த கதை. வனக்காவல் படையினரின் உருவாக்கம் மற்றும் வெள்ளை இளவரசி எப்படி வேதாளருக்கு உரியவராகிறாள் என்பதை மையப்படுத்தி வந்த கதை இது. கடந்த நான்கு ஆண்டுகளாக "வெள்ளை இளவரசி"க்கென தனித்தடம் அமைத்து தனி வாட்ஸ் அப் குழு உருவாக்கி அதில் போட்டிகளும் பரிசுகளும் வாரி இறைத்து ஒவ்வொரு மார்ச் மாதமும் முதல் தேதியில் இருந்து பதினாறு வரை குழுவினை இயக்க நிலைக்குக் கொண்டு வந்து அமர்க்களமாகக் கொண்டாடி மகிழ்வோம் ஆசிரியர் திரு.சரவணன், தோழர் திருப்பூர் குமார் இருவருடன் வாசகர்கள் அனைவரும். கவிதை, விமர்சனம், வசனங்களைக் கண்டு பிடித்தல், ஓவியம் வரைதல் என்று விதவிதமாக போட்டிகள் நிகழ்த்தி அதில் பங்கு பெற்ற அனைவருக்குமே பரிசுகளை அள்ளித்தந்து அபூர்வமான கதைகளையும் அற்புதமான பரிசுகளையும் மாதாந்திர காலண்டர்களையும் வழங்கி இந்த ஆண்டிலும் மிகப்பெரிய கொண்டாட்டமாகிப் போனது வாசகர்களுக்கு. நமது வாழ்த்துக்களையும் அன்பினையும் தெரிவித்துக் கொள்வோம்.. அதில் எனது விமர்சனம் பரிசினை வென்று எனக்கு அபூர்வமான எத்தனை விலை கொடுத்தாலும் எளிதில் கிட்டாத "ஆழ்கடல் அதிரடி" முத்து காமிக்ஸ் பரிசாக வழங்கி டெக்ஸ் வில்லரின் பனி மண்டலப் போராளிகள், ஜவஹர்லால் நேரு வாழ்க்கை சித்திரக்கதை என்று மூன்று முத்தான பரிசுகளையும் வழங்கி கூடவே நிறைய சிறப்பான ஓவியங்களை அனுப்பி வைத்துள்ளனர் நண்பர்கள். அனைவருக்கும் என் அன்பின் நெகிழ்வுகளுடன் பதிவினைத் துவக்குகிறேன்.. 

இணையத்தில் கிடைத்த ஓவியம் இந்த அழகி கான்னி மூரின் ஓவியம்.. 

வேதாளரின் கதையான புலியின் உறைவிடத்தில் என்று பொருள்படும் இந்த இரண்டாவது FREW பதிப்பானது இந்த அழகி அமெரிக்காவில் இருந்து பெங்காலி வந்திறங்குவதில் தொடங்குகிறது.. 

கேப்டன் மைக் ஸ்ட்ராங்க் என்பவர் இந்த அழகியின் பால்ய வயது தோழர். அவரை நேசித்து மணமுடிக்க வரும் இப்பெண்ணுக்கோ தன் கணவரோடு மகிழ்ச்சியாக வாழவேண்டும் என்கிற பேரவா.. இதே ஆசை வேறு ஒருவருக்கும் இருக்கிறது.. அது இப் பெண்ணை கானகத்தில் காணாமல் போன தன் அன்புக் காதலனைப் பரிதவிப்புடன் தேடித்தேடி ஆபத்துகளில் சிக்கிக் கொள்ள வகை செய்கிறது.. உதவிக்கரம் நீட்டிட வருகிறார் வேதாள மாயாத்மா. வேதாளரின் பந்தார் படையினர் அப்பெண் ஆபத்துகளில் சிக்கிக் கொள்ளாமல் மறைந்தே பின்தொடர்ந்து பாதுகாப்பு நல்குகின்றனர். 

ஒருவழியாக வேதாளரின் மண்டைஓட்டுக் குகையில் அவரைத் தரிசித்து மயக்கமாகி நிலைக்குத் திரும்புகிறாள் கான்னி மூர். தன் காதலர் யாரால் காணாமல் போனார்? என்றறிய உதவி கேட்கிறாள். கேப்டன் மைக்குக்கு நேர்ந்த கதி என்ன என்பதனை கண்டறிய முயற்சிக்கிறார் வேதாளர். 

இந்த இடத்தில் கட் செய்து மைக் என்னவானார் என்று பார்த்தால்  ஒரு நாட்டின் ராணி ஆஸ்டா. தலைவன் மைக் ஏற்கனவே அவளைத் திருமணம் செய்திருக்கிறான். அடப்பாவி என்று நாம் நினைப்பதற்குள் அடுத்த குண்டு.. ராணிக்கு ஒன்பது திருமணங்கள் நிகழ்ந்து ஒவ்வொருவரின் தலையுமே கொய்யப்பட்டிருக்கின்றன. ஆனால் நீ வேறு டிசைன் என்கிறாள் அவள். ஆனால் உன்னை நான் எங்கே திருமணம் செய்து கொண்டேன் என்கிறான் மைக். நான் உன்னை காந்தர்வ மணம் (கண்டதும் காதல் மாதிரி) செய்து கொண்டேன் வா என் ராஜாவாக என்கிறாள்.    அவன் ஏற்கனவே இவளின் கைதியாக இருந்து தப்பியோடிய நபர். மீண்டும் சிறையிலேயே தள்ளி தண்ணீரும் பிரட்டும் உன்னை வழிக்குக் கொண்டு வரும் என்கிறாள்.. சிறைப் பறவையை மீட்பாரா வேதாளர்? 

கான்னியை நட்டாத்துல விட்டுட்டு வந்தாச்சு திரும்பிப் போனா கத்தியை எடுத்து சொருகிருவா.. இந்த ராணியா சரியான காட்டுவாசி.. முடியலைப்பா என்கிறான் மைக்.. 

திருமண ஆடையுடன் "வனத்துக்குள் பிரவேசித்த வனிதை" (தலைப்புக்குப்  பொருந்துதே?) வேதாளர் குகையில் ஆடை மாற்றிக் கொண்டு துணியைத் துவைத்து எடுத்துக் கொண்டு ட்ரோன்டலே நாட்டை நோக்கிப் பயணிக்கிறாள் வேதாளர் துணையுடன்.. 

 ஆஸ்டா ராணிக்கு வேட்டை, வதை, விளையாட்டு எல்லாம் இருந்தும் போர் அடிக்கிறதென்கிறாள். எத்தனை சொத்து சுகம் இருந்தாலும் ஒரு கட்டத்தில் வாழ்க்கை போர் அடித்து விடும் என்பதற்கான சிறந்த எடுத்துக் காட்டு இவள். 

கான்னி பற்றி அவள் கேள்விப்படும் நேரம் வேதாளருடன் கான்னியே அவளது ராஜாங்கத்தில் புகுகிறாள். பெர்பக்ட் டைமிங்..  

வேதாளர் அவளை மட்டும் தனியே அரசியிடம் அனுப்பி என்ன நடக்கிறது என்பதை கவனிக்கிறார். அவளோ காதலனைத் தேடி வந்த காரிகையை சாட்டையடி கொடுக்கத் தயாராகிறாள். சூறாவளியாக அங்கே வந்து சாட்டையைப் பிடுங்கி வீரர்களை தாக்கி கான்னியை மீட்டுப் போகிறார் வேதாளர். 

மைக் தன்னைக் கைவிட்டு விட்டு ஓடிப் போகவில்லை என்றும் அவர் ராணியால் கடத்தப்பட்டார் என்பதையும் உணர்ந்து கொள்கிறாள் கான்னி. 

தலைப்பு "கடத்தல் ராணி" பரவாயில்லை அல்லவா? 

மைக்கை மீட்க மீண்டும் வருகிறார் வேதாளர். மைக் சிறைப்பட்டுக் கிடக்கும் இடத்துக்கு செல்கிறார். ராணியிடம் தனக்கு என்ன தொடர்பு என்பது பிளாஷ்பேக்காக திரையில் விரிகிறது.. சரி காமிக்ஸ் பக்கங்களாக.. 

பண்டைய முறைகளில் தீவிரமானவர் அரசர் டுராண்ட். அவருடைய  மகளான ஆஸ்டா தங்களுடன் சமாதானம் பேச வந்த ஆங்கில கேப்டனை தன் தந்தை காட்டுக் குதிரைகள் இரண்டில் இரு வேறு திசையில் கட்டி இழுபடவைத்துக் கொல்வதற்கு முயற்சிப்பதைத் தடுத்து தன்னை மணக்குமாறு கேட்டு அதற்கு மைக்கும் ஒப்புக் கொள்வதால் தலை தப்புகிறது. திருமணத்துக்கு முன் கோட்டைக்கு வெளியே நதியொன்றில் குளித்து வர வேண்டிய மைக் அங்கிருந்து தப்பி விடுகிறார். பின்னர் இரண்டு ஆண்டுகள் கழித்து சரியாக அவருக்குத் திருமணமாகும் நிலையில் தங்க மயில் சிறகு வந்து அச்சுறுத்துகிறது.. கடத்தவும் செய்கின்றனர் டுராண்டலே படையினர். இதுதான் நடந்தது என்று கூறிய மைக்கை மாறுவேடத்தில் கோட்டையை விட்டு வெளியேற்றி விட்டு அவருக்குப் பதிலாக கைதியாகிப் போகிறார் வேதாளர். அவரை சந்திக்க வந்த ராணியை மடக்குகிறார். அவளோ என்னை முத்தமிடு என்கிறாள்.. சளித் தொற்றுக்கு சிறந்த வழி இது என்று காமெடி செய்கிறார் வேதாளர். 

உன்னைக் கைது செய்து கொண்டு போகிறேன் என்கிறார் வேதாளர். நான் உன்னை ஏன் பிரியப் போகிறேன் என்கிறாள் காதல் வசப்பட்டு விட்ட ராணி ஆஸ்டா.. என்ன பொண்ணுடா இவ என்கிறார் வேதாளர். 

அவரை மீட்க வரும் கேப்டனும், கான்னியும் மீண்டும் சிக்கிக் கொள்ள "குதிரை வைத்தியம்" செய்ய முயற்சிக்கும் ராணியின் காட்டுக் குதிரைகளை தடுத்து வேதாளர் ராணியைக் கடத்த முயல வாயிற் கதவு அடைத்து அவளைக் காக்கிறார்கள் கோட்டைக் காவலர்கள்.. பின்னர் புலிகளோடு மோதுகிறார் மாயாவி. ராணிக்கு தான் செய்த தவறுகள் புரியவர, மயங்கிக் கிடக்கும்  வேதாளரைக் காக்க புலிகளால் கடுமையாக தாக்குதலுக்குள்ளாகிறாள்  ராணி. முன்னர் மாயாவியார் சுட்டிக் காட்டிய தான் ஒரு வரைமுறையற்று வளர்ந்த குழந்தை என்பதனை நினைத்துப் பார்த்ததாகவும் தன் மனதை மாற்றிக் கொண்டு விட்டதாகவும் தன் கால்கள், முகங்கள் கடுமையாக பாதிக்கப் பட்டு விட்டதாகவும் மூவரையும் விடுதலை செய்து உத்தரவிடுகிறாள் மனம் திருந்திய ராணி.. ஒரு காட்டு விலங்கு போன்று வளர்ந்தவள் காட்டு விலங்குகளால் அடிபட்டுத் திருந்தியதுதான் விதி.. மைக்-கான்னி தம்பதிக்கும், ராணிக்கும் விடை தருவதுடன் இந்த இரண்டாவது சாகசம் நிறைவடைகிறது. நன்றி வணக்கம்.. 

 

ரேகா காமிக்ஸ் பட்டியல்

 வணக்கம் நண்பர்களே.. 

திருப்பூர் குமார் தொகுத்துள்ள 

ரேகா காமிக்ஸ் பட்டியல் இதோ.. கிடைக்கும் அட்டைகளை பின்னர் இணைக்கிறேன். 

1. கொள்ளைகாரன் ஜிங்கோ 

2. காமெட் மாயாவி 

3. புதையல் விமானம் 

4. ரகசிய உளவளி 000

5. புயல் வீரன் 

6. டாப் சீக்ரெட்

7. இரவு கழுகுகள் 

8. பழிக்குப் பழி 

9. கொலைகார விஞ்ஞானி

10. ரெட் சிக்னல் 

11. வைரத்தீவு 

12. சிகப்பு ராணுவம்

13. மரண போராட்டம் 

14. மர்ம தலைவன் 

15. ஒற்றன் தேடிய ரகசியம்

16. விந்தியன் 

17. வெடிகுண்டு எக்ஸ்பிரஸ் 

18. நிச்சயிக்கப்பட்ட மரணம் 

19. ராணுவ ரகசியம்

20. விஷ ஊசி டாக்டர்

042_மரணப் பாதையில்_ஆடம் வைல்ட்_வகம் காமிக்ஸ்

 வணக்கங்கள் அன்பு நெஞ்சங்களே..இது வகம் காமிக்ஸ் "மரணப் பாதையில்" விமர்சனம்.

அடிமை வர்த்தகம் என்பது மனித இனத்தை பிடித்த சாபக்கேடு. மனிதனை மனிதன் சாப்பிடுறாண்டா தம்பிப் பயலே என்ற பாடலுக்கு அர்த்தமாக அடிமை வர்த்தகம் நடக்கும் தேசத்திலே அதனை எதிர்த்து நடக்கும் யுத்தத்தை முன்னெடுத்து செல்கிறார் நாயகன். முந்தைய பாகத்தின் தொடர்ச்சியாக ஆரம்பித்து அடுத்த பாகத்தின் எதிர்பார்ப்பை தூண்டிவிட்டு இடையே ஓர் ஆராய்ச்சியாளனின் பார்வையில் இனப்படுகொலை ஒன்றை காண்பித்துக் கொண்டே அடிமை வர்த்தகம் ஓரிடத்தில் அழிக்கப்பட்டதால் மற்றொரு இடத்தை அதுவும் ஏற்கனவே புழங்கிய இடத்தையே மீண்டும் புதுப்பித்து மனித வர்த்தக சந்தையை திடமாக நடத்தலாம் என்று எண்ணி ஆக்கிரமிக்க நினைக்கும் எதிரிகளை பந்தாடுகிறார் ஆடம் வைல்ட். இழப்புகள் இருபக்கமும் இருந்தாலும் இறுதி வெற்றினை ஈட்டுகிறது ஆட்டம் வைல்டின் அணி.. இதற்கிடையே மிருக வேட்டையில் ஜோடியாகிப் போன இருவர் மனித வேட்டைக்கு களம் காண அடுத்த பாகத்தில் ஆடம் வைல்டை வேட்டையாட கங்கணம் கட்டிக்கொண்டு கிளம்புகிறது. இனி என்ன நடக்கும்?!? மரணப் பாதையில் பல மரணங்களை உதிர்த்தாலும் நீதியின் பக்கம் நின்று வெல்ல நினைக்கும் நாயகனின் பயணம் தான் என்னவோ? தொடர்கிறது இந்த மரணப் பாதை.. முதல் புத்தகத்தில் இருந்து இரண்டாவது புத்தகத்தை தனியாக படிக்க இயலும். இருப்பினும் ஆடம் வைல்டு ஒரு சிறந்த நாயகர். ஆகவே அவரை தொடர்ந்து ஆதரிக்க வலுவான கதை அமைக்கப்பட்டிருக்கிறது. அதுவும் போனல்லி குரூப் கொண்டு வந்த கதை அல்லவா..  அதனால் ஆட்டத்தில் அனல் பறக்கிறது.. வகம் காமிக்ஸ் 42 வது வெளியிடான மரணப் பாதையில் விலை ரூபாய் 140 இல் அட்டகாசமாக அமைந்து இருக்கிறது. கருப்பு வெள்ளை ஓவியங்கள் நல்ல மஞ்சள் நிற காகிதம் அழகான எழுத்துருக்கள் அம்சமான மொழிபெயர்ப்பு சிறப்பான வடிவமைப்பு என ஒரு தரமான நூலை வாசித்த அனுபவம் கிட்டுகிறது..

அறிமுகம்.. டிக்சி டூகன்

 வணக்கம் வாசக வாசகியரே.. குறும்புப் பெண் டிக்சி டூகன் சித்திரக்கதைகள் நம்மை நகைக்க வைக்கக் கூடியவை.. அதன் அட்டையிலேயே காமெடி துவங்கி விடுகிறது.. 

LGN 28 மூன்றாவது தினம் கிராபிக் நாவல்_IL TERZO GIORNO_Graphic Novel

வணக்கங்கள் தோழமை உள்ளங்களே.. இது மூன்றாம் தினம் கிராபிக் நாவல்.. ஆளரவமற்ற இடங்கள் அதிலே தொடரும் மர்மங்கள் ஆபத்தில் சிக்கும் அப்பாவிகள் என்ற ரீதியில் இதுவும் ஒரு தனிஇடத்தைப் பெறும் ஒன் ஷாட் கதை. 

புத்தகக் கண்காட்சியில் விலை ரூ.90/-ல் வெளியிடப்பட்டுள்ள (10% தள்ளுபடியுடன் 80/- ரூபாய் மட்டுமே/-) லயன் கிராபிக்ஸ் நவல் வரிசையின் 28ஆவது வெளியீடு இந்த மூன்றாம் தினம்.. 

ஒரு சுவாரஸ்யமான கேள்வி பதில்

கேள்வி: படிச்சுட்டு இதயத்தை இழந்தவங்க எப்படி மறுபடியும் உயிரோட வந்தாங்கன்னு சொல்லுங்க பார்ப்போம்?

பதில்: Chaos மகன் Erebos மனதை குளிர்வித்தால் இறவா நிலை அடையலாம் அல்லது இறப்பை வெல்லலாம் என்பது போன்ற Egyptian mythology ஒட்டி இந்த கதை வடிவமைக்கப்பட்டுள்ளது._திரு.சுரேஸ் தனபால்

ஆக எகிப்திய புராணத்தைப் போன்றதொரு கதைதான் இந்த திகில் திரில் நிறைந்த கதை.. ஓவியங்கள் உங்களை ஒன்றுக்கு இரண்டு முறை அலசிப் பார்க்க வைக்கும்.. வித்தியாசமான பயணம் இந்தக் கதை. 

போன்நெலி குழுமம் வெளியிட்டுள்ள இந்த படைப்பு வினோதமான விசித்திரமான விபரீதமான மாந்தர்களை சித்திரங்களாக உலவ விடுகிறது.. 

 

Enter The Phantom_FREW First Issue வேதாளர் முதல் FREW இதழ்_கதைச்சுருக்கம்

 வணக்கங்கள் வாசக தோழமை உள்ளங்களே!

                 இந்த பதிவில் நாம் பார்க்கப் போவது வேதாளர் சித்திரக்கதைகளின் உலகப் புகழ் பெற்ற FREW பதிப்பகத்தின் முதல் வெளியீட்டைப் பற்றிய ஒரு சிறு குறிப்பு மற்றும் கதைச் சுருக்கம்.. 

          நிற்க.. திருவண்ணாமலையில் புத்தகத்திருவிழா நிகழ்ந்து கொண்டிருக்கிறது. வாய்ப்புள்ளவர்கள் கண்டிப்பாகக் கலந்து கொண்டு சிறப்பிக்குமாறு அன்புடன் அழைக்கிறேன்.. இம்முறை வழக்கமான காந்தி நகர் பைபாஸில் இல்லாமல் நகராட்சி ஈசானிய மைதானத்தில் ஏற்பாடுகள் செய்துள்ளனர். இதில் உணவுத் திருவிழா இடம்பெறவில்லை என்கிறார்கள். ஓரிரு நாட்களில் மாற்று ஏற்பாடுகள் ஏதேனும் செய்யப்படலாம். தகவல் தெரிவிக்கிறேன்..  

இனி என்டர் தி பேண்டம் உங்கள் பார்வைக்கு.. 

மாண்ட்ரேக் புகழ் எழுத்தாளர் லீ பால்க்கின் தி பேண்டம்  என்றே பிரபலப்படுத்துவதில் இருந்து மாண்ட்ரேக் எத்தனை புகழ்பெற்ற பாத்திரமாக ஆஸ்திரேலியா வரை நிலைத்திருந்திருக்கிறார் என்பதை விளங்கிக் கொள்ள முடியும். சிட்னியில் இருந்து இந்த நூல் வெளியிடப்பட்டிருக்கிறது என்பதும் ஆறு ஆஸ்திரேலிய டாலர்கள் என்றும் நம்மால் புரிந்து கொள்ள முடிகிறது. இதன் ஓவியர் குறித்த குறிப்புகள் இல்லை. ஆனாலும் இந்த வகை ஓவியங்களை வரைந்தவர் யார் என்பதை போகிற போக்கில் அறிந்து கொள்வோம்.. 

வேதாள மாயாத்மாவின் தோற்றம் மற்றும் தொடர்ச்சி போன்றவை ஒவ்வொரு கதையிலுமே சுருக்கமாகக் குறிப்பிடப்பட்டிருக்கும்.. இந்த கதையிலும் துவக்கம் அதை வைத்துத்தான்.. 

இனி கதையின் சுவாரஸ்யமான அம்சங்கள்.. 

*கதை ஆரம்பிப்பதே மன்னார் வளைகுடாவில்... 

*அதில் வரும் இராணுவ வீரர் தான் மெட்ராஸில் இருந்து வருவதாக தெரிவிக்கிறார். 

*அரேபிய உடையில் வேதாளர் பாலைவெளியில் நிகழ்த்தும் சாகசம் இந்தக் கதை. 

*சுவாரஸ்யமான வசனங்கள் நிறையவே இருக்கின்றன..அதில் ஒன்று அமெரிக்காவின் மிஸ் அமெரிக்கா நீங்கள்தான்..இல்லையேல் தேர்வுக்குழு தவறு இழைத்திருக்கிறார்கள் என்று ஒரு வசனம் வரும்.. 

கப்பலில் பிரயாணித்து கொண்டிருக்கும் டயானா பால்மரிடம் இராணுவ வீரர் லெப்டினென்ட் பைரோன் பழகுகிறார்.. மோரிஸ் டவுனில் இருந்து புறப்பட்டதாக கூறும் டயானா தனக்குத் திருமணமாகி விட்டதையும் தெரிவித்து வைக்கிறார்.. இராணுவத்தினை சில தினங்களுக்கு முன்பாக மாபெரும் வனவாசிகள் சுற்றி வளைத்துக் கொண்டுவிட்டதாகவும் படுகொலை அரங்கேறியிருக்கும் நிலையில் அங்கே ஓர் மாவீரர் தோன்றி அவர்களை காப்பாற்றியதாகவும் அதனை தான் மெட்ராஸில் வான் தந்தியில் கேட்க நேர்ந்ததாகவும் பைரோன் தெரிவிக்கிறார். அவருக்கு விருதே தந்திருக்கலாம் ஆனால் மாயமாகி விட்டார் என்றதும் டயானாவுக்கு அவர் மாயாவியாரைத்தான் சொல்கிறார் என்பது புரிகிறது.. 

                      அவர்கள் பயணிக்கும் கப்பல் ஒரு புயலில் சிக்குண்டு கவிழ்ந்து விடுகிறது.. அதில் இருந்து தப்பும் பைரோன் ஒரு சில வாரங்களில் பெங்காலி வனத்துக்குள் அரும்பாடுபட்டு மாயாவியாரை அவரது மண்டையோட்டுக் குகைக்கே சென்று சந்தித்து தன்னுடன் டயானாவும் சிலரும் தப்பிக் கரை சேர்ந்ததாகவும் அரேபிய அடிமை விற்பனையாளர்களிடம் டயானா சிக்குண்டு தான் மட்டும் தப்பிக்க உதவியதாகவும் தெரிவிக்கிறார். வேதாளர் தனி விமானம் ஏற்பாடு செய்து கொண்டு பைரோன் துணையுடன் வனத்தில் இருந்து பாலைவனத்துக்கு இடம்பெயர்கிறார்.. அங்கே தேடல் துவங்குகிறது.. 

               செய்தி சேகரிக்க பணம் கொடுப்பது என்பது மிகவும் ரிஸ்க் நிறைந்தது.. உங்களிடம் இன்னும் அதிகம் பணம் இருக்கலாம் என்பதால் நீங்கள் கொல்லப்படவும் வாய்ப்பிருக்கிறது.. தங்க முட்டையிடும் வாத்து கதைதான்.. இங்கே மாயாவி தங்கத்தையே நீட்டுகிறார்.. அவரை பாலைப் பரப்பிலேயே புதைத்து விடும் வேகம் வெறியர்களுக்கு எழுவது உலக இயல்புதானே? கடைசி ஆசையாக கொஞ்சம் அருந்த நீர் கேட்கிறார்.. நீரை வாங்கி நெருப்பை அணைத்து விடுகிறார்.. காரிருள் அங்கே சூழ்கிறது.. 

வாங்கிக் கொள்ளுங்கள் வேதாள முத்திரை அற்பர்களே..!

அது வேதாளரின் முத்திரை என்பதைப் பின்னர் தெரிந்து கொண்டு அதிர்ந்து போகின்றனர் கயவர்.. பாலைவெளியில் டயானா அடைபட்டிருந்த கூடாரத்துக்கு அருகில் நின்ற காவலர்கள் வண்ணவண்ண வெளிச்சங்கள் திடீரென எழும்புவதைக் கண்டு திகைத்து அது என்ன என்று தெரிந்து கொள்ள கணநேரம் கவனமின்றி செல்கின்றனர். அந்த இடைவெளியில் டயானாவின் குகையில் புகுந்து விடுகிறார் வேதாளர். இருவரும் சந்தித்த மகிழ்ச்சி கலைவதற்குள் எதிரிகளிடம் அகப்பட்டு விடுகிறார் மாயாவி.. கடத்தல் கும்பல் தலைவன் இது வேதாளரேதான் என்பதை அறிந்து.. 

"சுமார் இருநூறு ஆண்டுகளுக்கு முன் வந்திருக்கிறீர்.. இப்போது எதற்காக வந்தீர்? "என்று கேட்க.. 

என் குடையை மறந்து வைத்து விட்டேன்  என்கிறார் வேதாளர்...  

இன்னும் எத்தனை காலம்தான் இந்த அடிமை வியாபாரத் தொழில் என்று வினவுகிறார். 

நான் தலைவனாக இருக்கும்வரை இப்படித்தான் என்று கூறி அவரை ஒரு எறும்புப் புற்றுக்குள் திணித்து சித்திரவதைக்கு விட்டு விட்டு அந்த கயவர் கும்பல் புறப்பட்டு விடுகிறது.. 

அவரை மீட்கப் போராடும் டெவில் நரிக் கும்பலால் படாதபாடுபட்டு தன் எஜமானரைக் காப்பாற்றும் முயற்சியில் தோல்வியைத் தழுவும் வேளையில் ஒரு புதிரான ஆசாமி அவரை மீட்டு நரிகள் பூட்டியதொரு இழுவை வாகனத்தில் தன் இருப்பிடத்துக்கு அழைத்துச் சென்று குணமாக்குகிறார்.. அவர் பாலைவெளித் துறவி என்று மக்களால் அழைக்கப்படுபவர் என்று பின்னர் வேதாளர் தெரிந்து கொள்கிறார். அவரது முகத்தைக் கண்ட முதல் மனிதர் என்று வேதாளர் துறவியைக் கூறுகிறார். இரு அபூர்வமான பிறவிகள் ஒருவரையொருவர் சந்திக்கின்றனர். எறும்புகளின் விஷமும், பாலை வெயிலும் வேதாளரை பலவீனமாக்கி இருக்கின்றன.. துறவி நரிகளை வளர்ப்பு மிருகங்களாக மாற்றி வைத்திருக்கிறார். ஒரு பெண்ணுக்காகவா இத்தனை தூரம் சிரமப்பட்டிருக்கிறாய் என்று வெறுப்புடன் கூறுகிறார் துறவி.. அவரது வாழ்க்கை வரலாறு சித்திரங்களாக விரிகிறது.. 

மிகவும் அழகான பெண் ஒருத்தியை காதலித்தவர் ஒரு கட்டத்தில் பிரிய நேர்கிறது. அவள் பின்னர் குழந்தை குட்டி என்று பெற்றுக் கொண்டு குடும்பத்தில் ஐக்கியமாகி விட துறவிக்கு வாழ்க்கை வெறுத்துப் போய் விடுகிறது.. ஆனால் என்னுடைய டயானா முற்றிலும் வேறுபட்டவள் என்கிறார் வேதாளர்.. 

                 இது இப்படி இருக்க சுல்தான் ஒருவரிடம் அடிமை விற்பன்னர் டயானாவை விற்க முயற்சிக்க காத்திருக்கிறது ஆன்டி க்ளைமாக்ஸ்.. சுல்தான் அமெரிக்கப் படைகளை நமக்கெதிராகத் திருப்பி விட்டு விடுவாய் என்று கடிந்து கொண்டு அடிமை வியாபாரியை ஓட விடுகிறார். டயானாவும் வேதாளரும் எப்படி சேர்ந்தார்கள்? அடிமை வியாபாரியை வேதாளர் முடக்கிப் போட்டு வியாபாரத்தை நிறுத்தினாரா என்பது விலாவாரியாக முப்பத்து மூன்று பக்கங்களில் சிறப்பாக காட்சிப்படுத்தப்பட்டிருக்கிறது.. பதிவு நீளமாக சென்றால் வாசிப்பதற்கு சிரமம் ஏற்படலாம் என்பதால் இத்துடன் இந்த கதையை முடித்து வைக்கிறேன்.. என்றும் அதே அன்புடன் உங்கள் இனிய நண்பன் ஜானி.. 

விரைவில்...

No.1048_The Ghost on flight 302 _ The Phantom_கதை சுருக்கம்

 

நாம் இந்தப் பதிவில் பார்க்கப் போவது வேதாளரின் கதையான விமானத்தில் ஒரு பேய் என்கிற சித்திரக்கதை.. அதன் வெளியீட்டு விவரங்கள் கீழே.. 

கதை_நார்மன் வொர்க்கர்

 யார்இந்த நார்மன் வொர்க்கர்? இதோ அவரது புகைப்படம்.. 

இந்த வேதாளர் கதையை எழுதிய நார்மன் வொர்க்கர் யாரென தெரியுமா? இவர் இந்தியாவில் இராணுவ வீரராக திகழ்ந்தவர்.. இரண்டாம் உலகப் போர் நிகழ்ந்த சமயம் இந்தியாவில் போராடிய வீரர் இவர். 

இதோ அவரைப்பற்றிய குறிப்புகள்.. 

நார்மன் வொர்க்கர் (1927 - 5 பிப்ரவரி 2005) ஒரு பிரிட்டிஷ் காமிக் புத்தக எழுத்தாளர் ஆவார், லீ பால்க்கின் தி பாண்டம் இடம்பெறும் காமிக் புத்தகங்களில் அவர் செய்த பணிக்காக மிகவும் பிரபலமானவர் .

நார்மன் 1927 ஆம் ஆண்டு இங்கிலாந்தின் கென்ட்டில் பிறந்தார். அவருக்கு 17 வயதாக இருந்தபோது, ​​அவர் இரண்டாம் உலகப் போரில் இந்தியாவில் போராடினார். அதன் பிறகு, 1950 களில் அது திவாலாகும் வரை தனது தந்தையின் தளபாடங்கள் தொழிற்சாலையில் பணியாற்றினார்.

நார்மன் ஒரு காமிக் புத்தக எழுத்தாளராக முடியும் என்று பரிந்துரைத்தவர் அவரது உறவினர், மாடஸ்டி பிளேஸ் - படைப்பாளர் பீட்டர் ஓ'டோனல் ஆவார். இது ஸ்வீடிஷ் காமிக் புத்தக நிறுவனமான செமிக்கிற்காக தி செயிண்ட் மற்றும் பஃபலோ பில் இடம்பெறும் கதைகளை நார்மன் எழுத வழிவகுத்தது .

செமிக் பத்திரிகையில் தான் நார்மன் தி பாண்டம் என்ற புனைப்பெயருடன் கதைகள் எழுதத் தொடங்கினார் . முதலில், அவர் "ஜே. புல்" என்ற புனைப்பெயரைப் பயன்படுத்தினார், ஆனால் அவர் விரைவாக தனது உண்மையான பெயருடன் கதைகளில் கையெழுத்திடத் தொடங்கினார்.

ஸ்காண்டிநேவிய பாண்டம் தயாரிப்பின் மிகவும் பிரபலமான எழுத்தாளர் நார்மன் என்று வாதிடலாம்; அவர் 2004 இல் ஓய்வு பெறுவதற்கு முன்பு 127 கதைகளை எழுதி முடித்தார். வரலாற்று மீதான அவரது அன்பின் விளைவாக, பிற நூற்றாண்டுகளின் முந்தைய பாண்டம்கள் பலவற்றிற்கு பின்னணிக் கதைகளை வழங்குவதற்கு நார்மன் பொறுப்பேற்றுள்ளார்.

இவர் வேதாளர் கதை மாத்திரமல்லாது வார் பிக்சர் லைப்ரரி போன்ற அதிரடிக்கதைகளையும் இறங்கி அடித்திருக்கிறார். மிகவும் சிறந்த கதைகளை வாசகர்களுக்கு கொடுத்து அசத்தியவர். 

இது தவிர fantomen, FREW பதிப்பகத்தின் பிற கதைகளிலும் தன் சிறப்பான பங்களிப்பைக் கொடுத்தவர் இவராவார். 

சரி ஓவியங்களைத் தீட்டியவரைக் கவனிப்போமா? ஓவியங்கள் ஜோஸ் கேசனோவாஸ் சீனியரின் கைவண்ணம். இவரும் இராணுவத்தில் பணியாற்றி ஓய்வு பெற்ற வீரரேயாவார்.  

அவரைப் பற்றிய குறிப்புகள் இதோ. 

1934 இல் பார்சிலோனாவில் பிறந்த ஜோஸ் மரியா காஸநோவாஸ் மாக்ரி, இராணுவத்தில் பணியாற்றிய பிறகு 1957 இல் ஸ்பானிஷ் காமிக்ஸிற்காக வரையத் தொடங்கினார். அவரது ஆரம்பகால படைப்புகளில் ஃபியூச்சுரோவிற்கான "எல் பெக்வெனோ முண்டோ" (1957) மற்றும் சூப்பர்-ஸ்ட்ராங்கிற்கான "சூப்பர்ஃபுர்டே" (1958) ஆகியவை அடங்கும், இவை இரண்டும் ஃபெர்மாவால் வெளியிடப்பட்டன. 1961 ஆம் ஆண்டு ஆர். மார்ட்டின் (விக்டர் மோரா) எழுதிய "எல் ஜபாடோ"வின் சாகசங்களை அவர் 1962 ஆம் ஆண்டு முழுமையாகப் பொறுப்பேற்கத் தொடங்கினார்.

அவரது தொழில் வாழ்க்கையின் இந்தக் கட்டத்தில் கூட அவரது மிகவும் விரிவான, சிக்கலான பாணி வெளிப்பட்டு வந்தது. மேலும் ஹிஸ்டோரியாஸ் செலேசியன் (ஜூல்ஸ் வெர்னின் "லாஸ் இந்தியாஸ் நெக்ராஸ்", 1966) மற்றும் ஜோயாஸ் லிட்டராரியாஸ் ஜூவனைல்ஸ் ("அன் டெஸ்குப்ரிமியென்டோ ப்ரோடிகியோசோ" (1978) மற்றும் "எல் பெரோ டி லாஸ் பாஸ்கர்வில்ஸ்" (1982) உள்ளிட்ட பல்வேறு தலைப்புகள்) பக்கங்களில் உள்ள கிளாசிக் கதைகளின் தழுவல்களில் இது சிறப்பாகக் காணப்பட்டது. இந்தப் படைப்புகளில் சில ஸ்பெயினுக்கு வெளியே உள்ள சந்தைகளுக்காக உருவாக்கப்பட்டன, மேலும் காஸநோவாஸ் ஸ்பெயினின் மிகவும் பிரபலமான கதாபாத்திரங்களில் ஒன்றான "எல் கேபிடன் ட்ரூனோ"வை ஜெர்மன் வெளியீட்டிற்காக வரைந்தார். இதனால், காஸநோவாஸ் உண்மையில் தனக்குக் கிடைக்கக்கூடிய நற்பெயரைப் பெறவில்லை, ஏனெனில் அவரது படைப்புகள் பல நாடுகளில் காணப்பட்டன, ஆனால் பெரும்பாலும் குறுகிய காலத்திற்கு மட்டுமே. அவரது துண்டுகளைத் தேடும் ரசிகர்கள் ஸ்பெயின், இங்கிலாந்து, இத்தாலி, பின்லாந்து, ஜெர்மனி, அமெரிக்கா மற்றும் ஹாலந்து ஆகிய நாடுகளில் தேட வேண்டும். டச்சு வார இதழான டினாவிற்காக அவர் 1960களின் பிற்பகுதியில் "பொலியானா"வின் சாகசங்களை வரைந்தார்.

 இங்கிலாந்தில், 1970களின் பிற்பகுதியில் கிரெடிட்கள் வெளிவரத் தொடங்கியபோது, ​​2000AD மற்றும் ஸ்டார்லார்டின் பக்கங்கள் மூலம் அவரது பெயர் அறியப்பட்டது. அவர் உண்மையில் 1962 ஆம் ஆண்டிலேயே அநாமதேயமாக பங்களிக்கத் தொடங்கினார், ட்ரூ லைஃப் , லவ் ஸ்டோரி மற்றும் பல்வேறு காதல் நூலகங்களுக்கான கலைப்படைப்புகளை உருவாக்கினார்.தசாப்தத்தின் இறுதி வரை ஸ்டார் லவ் . 1970கள் மற்றும் 1980களின் முற்பகுதி முழுவதும் அவரது படைப்புகள் ஜூன் & ஸ்கூல்ஃப்ரெண்ட் , டாமி , சாண்டி , ஜின்டி , லிண்டி , பென்னி , எம்மா மற்றும் மாண்டி ஆகியவற்றில் வெளிவந்தன . அவர் எப்போதாவது மட்டுமே ஜட்ஜ் ட்ரெட்டை வரைந்தாலும், 1980களின் முற்பகுதியில் ஜட்ஜ் ட்ரெட் வருடாந்திரத்தின் பல்வேறு பதிப்புகளுக்காக அவர் வரைந்த மெகா-சிட்டி ஒன்னின் மற்றொரு குடிமகனான மேக்ஸ் நார்மலுடன் அவர் தொடர்புடையார் . ஐரோப்பாவின் பிற இடங்களில் பரபரப்பாக இருந்ததால், இங்கு அவரது பெரும்பாலான படைப்புகள் ஒற்றை துண்டுகளாக இருந்தன, பெரும்பாலும் 2000AD ("தார்க்ஸ் ஃபியூச்சர் ஷாக்ஸ்" மற்றும் "டைம் ட்விஸ்டர்ஸ்", சிலவற்றை ஆலன் மூர் மற்றும் பீட் மில்லிகன் எழுதியது), ஸ்க்ரீம்!! மற்றும் ஈகிள் . அவர் ஸ்டார்ப்ளேசருக்காக அரை டஜன் நீண்ட கதைகளை வரைந்தார் , அவற்றில் மிகல் கெய்ன் சாகசமான "சூப்பர்காப்" (1988). தனது மகனுடன் (ஜோஸ் காஸநோவாஸ் என்றும் அழைக்கப்படுகிறார்), அவர் 1991 இல் "சாம் ஸ்லேட் ரிட்டர்ன்ஸ்" வரைந்தார், மேலும் 1993 வரை வழக்கமான ரோபோ-ஹண்டர் கலைஞர்களில் ஒருவராக இருந்தார். 2004-05 ஆம் ஆண்டில் அவரது படைப்புகள் ஒரு பேய் வேட்டைக்காரனைப் பற்றிய ஜெர்மன் தொடரான ​​கீஸ்டர்ஜாகர் ஜான் சின்க்ளேரில் காணப்படுகின்றன மேலே கண்ட எழுத்தாளர் வொர்க்கருடன் இணைந்து இந்த ஒரு கதையில்தான் இயங்கி உள்ளதாக தரவுகள் தெரிவிக்கின்றன.. 

ஒகே கதைக்கு வருவோமா? 

தி கோஸ்ட் ஆன் ப்ளைட் ௩௦௨(302) 

வேதாளர் பற்றிய குறிப்புகளுடன் கதை துவக்கம் பெறுகிறது.. வேதாளர் முதியவர் மோஸ் சந்திப்பு நிகழ்கிறது.   

 நாம் நடக்கும் சிலை மர்மம் வாசித்திருக்கிறோம் இல்லையா? ஆளரவமற்ற தீவில் எங்கோ பார்த்துக் கொண்டு நிற்கும் சில சிலைகள்.. கற்பனை சிறகுகளில் ஏறி இந்த கதைக்குள் பறந்து வந்து அவை அமைதியாக அமர்ந்திருப்பது பெங்கல்லா வனப்பகுதி மலையில்.. பார்வையாளர்கள், கவனிப்பவர்கள்  என்று மோஸ் அழைக்கிறார் அவர்களை.  வேதாளர் அவர்களை வெறும் கற்சிலைகளாக இருக்கலாம் என்று எண்ணுகிறார். ஒரு எரிமலை தன் சாம்பலை அந்த பகுதி எங்கிலும் வீசி வானைக் கருமையாக மாற்றிக் கொண்டிருக்கிறது. அது எந்நேரமும் வெடித்து விடும் என்று ஒரு சந்தேகம். அந்த மலையை ஆராய ஏறிப் போகிறார் வேதாளர். உடன் ஹீரோ, டெவில் வர டெவிலை மட்டும் மலையில் அழைத்துக் கொண்டு ஏறி சிலைகள் இருக்கும் இடத்துக்கு வந்து சேர்கிறார் வேதாளர். 

வானில் பறந்து கொண்டிருக்கும் ஒரு விமானம் அதே நேரத்தில் செயலிழந்து கீழே விழுவது போன்று வந்து கடைசி வினாடியில் மேலே ஏறிப் பறக்க அந்த அதிர்வில் தரையில் உருள்கிறார் வேதாளர். அப்போது அவருக்கு கனவா நிஜமா என்கிற நிலையில் ஒரு உருவம் ஐன்ஸ்டீன் போன்ற தோற்றத்தில் வந்து பெங்காலி முழுவதுமே அழிந்து போய்விட்டது அதற்கு தான் கொண்டு வந்த ஒரு கிருமிதான் காரணம் என்று கூறுகிறது. வேதாளர் மயக்கத்தில் இருக்கும்போதே ஆட்கள், செடி கொடிகள், பல்லுயிர்கள் அனைத்துக்கும் பேராபத்து நேர்ந்து விட்டிருக்கிறது.. 

அதற்குக் காரணமான நச்சு தான் சுமந்து வந்த விமானத்தில் ஒரு கைப்பெட்டியில் வைத்திருந்ததாகவும், விமானக்கடத்தல் ஒன்று இரண்டு கன்னியாஸ்திரிகள் வேடத்தில் வந்த கயவர்களால் நிகழ்ந்ததாகவும் அவர் வேதாளரிடம் தெரிவித்து மறைகிறார். வேதாளர் மண்டை ஓட்டுக் குகைக்கு விரைகிறார். வழியெங்கிலும் மரணம் தன் முத்திரையைப் பதித்திருப்பதைக் காண்கிறார். அங்கே குரான் தான் இறக்கும் முன் ஆக்சல் நடத்தி வரும் மருத்துவமனைக்கு சென்று அவரது மனைவி டயானாவை சந்திக்கக் கூறுகிறார். பின்னர் டாக்டர் ஆக்சலின் மருத்துவமனையிலேயே மயங்கி விழுகிறார் வேதாளர். கண்விழித்தால் தான் காண்பது அனைத்தும் பொய் என்பதும் விமானம் புறப்படும் தினத்துக்கு இரு தினங்கள் முன்னால் தான் இருப்பதையும் காண்கிறார். அவரை நம்ப மறுக்கும் டயானா, டாக்டர் ஆக்சல் வேதாளருக்கு மயக்கஊசி போட்டு படுக்க வைத்து விடுகிறார்கள்.. சும்மா விடுவாரா வேதாளர்..? 

தன் வனக்காவல் படை தலைமையை உஷாராக்குகிறார். ஆனாலும் சம்பவங்கள் தொடர்கின்றன... தானே முன் நின்று இதனை முடிக்க வேண்டிய நிலைமை என்பதைத் தெளிவாக உணரும் வேதாளர் டெவில் துணையுடன் மருத்துவமனையில் இருந்து தப்பி விட அவரை முடக்கிப் போட அவரது மனைவி டயானாவும், டாக்டர் ஆக்சலும் முயற்சிப்பதுதான் விதி.. ஆனால் நம்மவர் காட்டாறாயிற்றே.. எத்தனை தடைகள் எதிரே நின்றாலும் மோதித் தள்ளிக் கொண்டு சமுத்திரத்தை நோக்கிப் பாயும் நதி போன்று தன் பயணத்தை அதிரடியாகக் கொண்டு போகிறார் வேதாளர்.. விமானம் புறப்படுவதையும் அதில் விஞ்ஞானி ஏறுவதையும் அவரால் தடுத்து நிறுத்த முடியாமல் போனாலும் இராணுவ ஜெட் எடுத்துக் கொண்டு தானே பறந்து சென்று மிரட்டி கீழே எப்படியோ இறக்கி விடுகிறார் மாயாவி (எ) வேதாள மாயாத்மா... 

மாரடைப்பில் விஞ்ஞானி இறந்து விட, கடத்தல்காரர்கள் மடக்கப்பட, பேராபத்து ஏற்படுத்தும் பெட்டியுடன் ஜெட்டில் சென்று எரிமலைக்குள் கொதித்துக் கொண்டிருக்கும் குழம்பில் வீசி பிரச்சினைக்கு முற்றுப் புள்ளி வைக்கிறார் மாயாத்மா.. ஆம் இதுவும் அவருக்கான சிறப்புப் பெயர்தான்.. ஜனாதிபதி லுவாகா எல்லாவற்றையும் மூடி மறைத்து விடுகிறார். ஜெட் மட்டுமே அவருக்கு நட்டம்.. எரிபொருள் இல்லாததால் கடலுக்குள் இறக்கி விடுகிறார் வேதாளர்.. 

                        முதியவர் மோஸ் கூறியவாறே நமக்கும் மேலே நம்மை அக்கறையாகக் காப்பாற்றுவதற்காக கவனித்துக் கொண்டே இருக்கிறவர்களும் உண்டு என்பது இந்த கதையின் மூலமாக மாயாவிக்கு தெரியவருகிறது.. 

                 இதுவும் கிங் பியூச்சர் சிண்டிகேட்டின் காப்பிரைட் பெற்று வெளியிடப்பட்ட கதைதான். ஆஸ்திரேலிய FREW வெளியீடு.. 30+ பக்கங்களில் அதிரடியும், பேன்டசியும்  கலந்து கட்டி அடித்திருக்கிறார்கள்.. வேதாளர் வாழ்க.. நிறைவு.. 

என்றும் அதே அன்புடன்.. உங்கள் நண்பன் ஜானி.. 

சித்திரக் கதைகள் திருவிழா -விருது நகர் மாவட்டம்

 

விழா ஏற்பாட்டாளர்களுக்கும் பங்கேற்பவர்களுக்கும் நம் சார்பில் வாழ்த்துக்கள்..

ஒற்றைக் கண் மர்மம்..வண்ணத்தில்.. அறிவிப்பு

 ஆம் நண்பர்களே.. வருக.. வணக்கங்கள்.. லயன் காமிக்ஸ் வாட்ஸ் அப் சேனலில் வந்த எடிட்டர் திரு.விஜயன் அவர்களது அதிகாரப் பூர்வமான அறிவிப்பு.. மிக்க மகிழ்ச்சியானதொரு தகவல் இது முழு வண்ணத்தில் கிடைக்கப் போகிறது என்பதுதான். இந்த கதையானது முத்து காமிக்ஸ் வாரமலரில் தொடராக வெளியிடப்பட்டு மிகவும் சிறந்த கதையாக நிலைத்து நிற்கும் ஒரு கதையாகும்.. பதிப்பாசிரியர் திரு.முல்லை தங்கராசனை முன்னிறுத்திப் பயணித்த முத்து காமிக்ஸ் வாரமலரில் இதுவரையிலும் இருபத்திரண்டு மலர்கள் பூத்துக் குலுங்கி சித்திரக்கதை உலகினை சுவாரசியப்படுத்தியிருக்கின்றன.. இன்று ஓர் அபூர்வ இதழ் என்று பதுங்கிக் கொண்டு விட்டாலும் அவற்றில் வெளியான ஆகச்சிறந்த சித்திரக்கதைத் தொடர்களை முழுமையான ஒரு புத்தகமாகக் கொண்டு வருவது பாராட்டுக்குரிய ஒன்று.. 

*14.11.1982 அன்று வெளியிடப்பட்ட முதல் முத்து காமிக்ஸ் வாரமலரில் இடம்பெற்று அதுவும் முகப்புப் பக்கமாக அமைக்கப்பட்டது இந்த கதையின் சிறப்பம்சம்.. முத்து காமிக்ஸ் வாரமலர் தொடர்ந்து வெளியாகி நல்ல வரவேற்பைப் பெற்று பின்னர் நிறுத்தப்பட்டது.. 

*அறுபது காசுகளில் வெளியிடப்பட்ட பத்திரிகை டேப்லாய்ட் வடிவில் தினசரியை இரண்டாக மடித்தால் எத்தனை பெரியதாக இருக்குமோ அத்தனை பெரியதாக பெரிய சைஸ் பக்கங்களில் வண்ணங்கள் அன்றே மிரள வைத்திருக்கும் என்பதில் சந்தேகமில்லை.. 

*21 வாரங்கள் இந்த தொடர் தொடர்ச்சியாக ஓரிரு பக்கங்கள் என்று  வெளியிடப்பட்டது. முகப்பாக வரும் பக்கம் வண்ணத்திலும் மற்ற பக்கங்கள் கருப்பு வெள்ளையிலும் என்று அமைக்கப்பட்டிருந்தன.

*05.02.1984 அன்றுடன் தனது பயணத்தை இந்த கதை நிறைவு செய்தது.. 

*கடைசியாக வெளியானபோது அந்த முத்து காமிக்ஸ் வாரமலரின் விலை எண்பது காசுகள். 

 *அதன் அடுத்த இதழுடன் இருபத்தி இரண்டு என்கிற எண்ணிக்கையுடன் இந்த வாரமலர் தன் பயணத்தை நிறைவு செய்தது. 

*கடைசி இதழ் வெளியிடப்பட்டபோது அதில் துவங்கிய புதிய கதை என்ன தெரியுமா? 

*மாயாவிக்கோர் மாயாவி.. 

*19.02.1984 அன்றுடன் இந்த மாபெரும் பயணம் நிறைவானது. 

*அப்படியே தொக்கலில் விடப்பட்ட கதைகள் பட்டியலும் மிகவும் முக்கியம் என்று கருதுபவர்களுக்காக இதோ.. 

*வன ராஜா_(ராணி காமிக்ஸின் மன்னர் பீமா சாகசம்.) ஐந்தாவது பாகம்.. 

*நெக்லஸ் கடத்தல்_இன்ஸ்பெக்டர் ஈகிள் சாகசத்தின் மூன்றாவது பாகம். 

*தங்கமயில் தேவதை என்னும் நாவல் வடிவின் 14வது பாகம்.

*மாவீரன் ப்ரூஸ்லீ_சதி வலையில் ப்ரூஸ் லீ.._12வது பாகம்.(ராணி காமிக்ஸின் திசை மாறிய கப்பல்) 

நிறைவான கதைகள் என்றால் கபீஷ் மற்றும் சிறு கதைகள் ஓரிரண்டைக் குறிப்பிடலாம்.. 

ஒற்றைக் கண் மர்மம் கதை: 
ஊரை விட்டு ஒதுங்கி இருக்கும் ஒரு கலங்கரை விளக்கம்.. அருகில் ஒரு வெளிச்சம் அடர் இருளைக் கிழித்துக் கொண்டு வானில் இருந்து கீழே இறங்கி வருகிறது.. சைக்கிள் ஓட்டும் இருவர் ஏதோ சலசலப்பு கேட்கவே கலங்கரை விளக்கத்தின் கதவினை திறந்து தாக்குதலுக்கு ஆளாகின்றனர்.

                   அதே கடற்கரையோர பகுதிக்கு மூன்று மாத விடுப்பில் அனுப்பப்படுகிறார் நம் நண்பர் லூயிஸ் கிராண்டேல் (எ) இரும்புக்கை மாயாவி. நிழற்படையே ஒன்று கூடி அவரை அந்தப் பகுதிக்கு விடுப்பில் சென்று தங்க சாவி வரை ஏற்பாடு செய்கிறது..  அப்போதே மனிதர் எச்சரிக்கையாக இருக்க வேண்டாமா என்ன? 

இதுபோன்ற பலப்பல சிக்கல்களைக் கடந்து ஒற்றைக் கண் ஜந்துக்களுடன் மோதும் மாயாவிக்கு இறுதி வெற்றி கிட்டியதா? இந்த கேள்விக்கு விரைவில் வண்ணத்தில் பதிலளிக்கவிருக்கிறது லயன் காமிக்ஸ்.. முழுமையான கதையை வண்ண சேர்க்கைகளுடன் வாசிக்க ஆயத்தமாவோம்.. 

அதுவரை நாமும் அப்படியே இரசிகர்களாக கதைத்துக் கொண்டே கடப்போம்.. டெக்ஸ் வில்லரின் கதையான தலைநகரில் தலைமகன் ஒருபுறம் காமிக்ஸ் என்னும் கனவுலகம் வாட்ஸ் அப் குழுவில் விமர்சிக்கப்பட்டு சிறந்த பரிசினை எட்டிப் பிடித்திருக்கிறது ஓர் அட்டகாசமான விமர்சனம்.. அது இதோ.. 

கனவுலகம் விமர்சனப் போட்டி:

தலை நகரில் தலைமகன்

பிப்ரவரி ~2025

இரும்புக் குதிரையொன்று தன்னுடைய வழித்தடத்திலே சாவகாசமாய் பயணித்துக் கொண்டிருக்கிறது.. ஜாலியாய் விசிலடித்தபடியே..

கரும் புகையைத் துப்பிக் கொண்டே..

சற்று தூரத்தில் தெரிய வரும் நீண்ட குகைப் பாதையின் பயணத் தூரம் முடியும் முன்னமே, அந்த புகை வண்டியினுள் நடக்கவிருக்கும் அந்த அசம்பாவிதத்தை உணர்ந்திருந்தால் அந்த விசில் சத்தமும் வாய் மூடி மௌனித்திருக்குமோ என்னவோ..?!

இதோ அந்த குகைப் பாதை..

நீண்ட நெடிய கரும் பாதை..

அமர்ந்திருக்கும் ஸ்டாப்பர்ட் என்பவனை நோக்கி ஒரு நெடிந்த உருவம் ஒன்று முன்னேறுகிறது..

சரியாக நெஞ்சுக் கூட்டை குறி வைத்து கத்தி ஒன்று வலுவாக இறக்கப்படுகிறது..

சின்னதாய் ஒரு அலறல்.. இல்லை முனகல்..

அதுவும் கூட குகைப் பாதை எதிரொலி சத்தத்தில் அடங்கிப் போகிறது..

ஸ்டாப்பர்ட்டின் கைப் பை பிடுங்கப்படுகிறது..

வந்த வழியே நெடிந்த உருவம் நழுவுகிறது..

ஒரு மாபெரும் அமெரிக்க அரசியல் சதுரங்க ஆட்டத்தின் முதல் காய் அங்கே நகர்த்தப்படுகிறது..

குகைப் பாதையின் முடிவு நெருங்க, நெருங்க ஒரு அதிரடிக் கதையின் மிரட்டல் களம் அங்கே அரங்கேறத் துவங்குகிறது..

வெளிச்சம் பரவிய புகை வண்டியின் மர்மக் கொலை நடந்த பெட்டியில் அலறல் சத்தங்கள் ஆட்டம் போடுகின்றன..

பக்கத்து பெட்டியில் இருக்கும் இரவுக் கழுகாருக்கும், வெள்ளி முடியாருக்கும் அலறல் சத்தங்கள் சுக்கா வறுவல்களை வாயில் ஊட்டி விட..

பதறிச், சிதறி ஸ்டாப்பர்ட்டை நெருங்குகிறார்கள்..

அவனோ ஏதோ ஒரு முக்கியச் செய்தியை தலயின் செவிகளில் கிசுகிசுத்து விட்டு செத்துப் போகிறான்..

அந்தக் கிசு கிசுப்பை கொலையாளியும் கண்டு கொள்கிறான்..

நவஹோக்களுக்காக லாரமியில் கால்நடைகள் வாங்குவதற்காக வந்த டெக்ஸ் & கார்சனின் பயணம் சட்டென்று திசை மாறி வாஷிங்டன் நோக்கிப் பயணமாகிறது..

அதி முக்கியமான பணி..

அமெரிக்க ஏகாதிபத்திய அரசியல் களத்தையே ஆட்டம் காண வைக்கும் விவகாரம் அது..

வடக்கு, தெற்கு யுத்தங்களின் உண்மை முகத்தை கிழித்தெறிய வைக்கும் ஆவணத்தை தாங்கிக் கொண்டு பயணிக்கும் டெக்ஸ் மற்றும் கார்சனின் தொடரும் பயணத்தில் தான் எத்தனை இடையூறுகள்..

துப்பாக்கிக் கட்டையால் பின் மண்டை வீக்கப் படையல்கள்..

பழுக்கக் காய்ச்சிய பிச்சுவா தலயின் மார்புகளில் கோலம் போட..

கைக் கட்டுகளை அவிழ்த்தெறிய எரியும் நெருப்பிலே கைகளைச் செருகி கட்டுகளை களைய..

கார்சனின் கைகள் நெருப்பிலே பொசுங்கிப் போக..

அச்சச்சோ.. ☹️☹️☹️

எத்தனை, எத்தனை இன்னல்கள்..

எத்தனை, எத்தனை பிரச்சினைகள்..

எத்தனை, எத்தனை இடையூறுகள்..

இத்தனைகளையும் தாண்டி வாஷிங்டனின் வெள்ளை மாளிகையில் ஒரு செமத்தியான கோச் வண்டி சேசிங்கில் அதிரடியாய் பிரவேசிக்கிறார்கள்..

ஜனாதிபதியைச் சந்திக்கும் முன் போலீசாரால் கைது செய்யப்படுகிறார்கள்..

இந்தக் களேபரத்தால் ஈர்க்கப்பட்ட ஜனாதிபதி வெளியே எட்டிப் பார்க்கிறார்..

டெக்சும், கார்சனும் போலீசாரால் புடை சூழ நிறுத்தப்பட்டிருக்கிறார்கள்..

கண்கள் இடுங்க அவர்களைப் பார்க்கிறார் ஜனாதிபதி..

அடுத்தது என்ன..??!!

அட்டகாசமான சித்திர ஜால வித்தைகளோடு தூரிகைத் துகில் உரித்து பேரிகை முழங்கியிருக்கிறார் ஓவியர்.. 🔥🔥🔥🔥

கதைக்களமுமே அசாத்திய வேகத்தோடு பயணிக்கிறது..

குகைப் பாதை மத்தியில் நிழலுருவ ஓவியங்கள் அதகளம் செய்கின்றன..

வழக்கம் போலவே, தலயின் சீண்டல்களும், கார்சனின் புலம்பல்களும் ரகளை மேளாக்கள்.. 😄😄😄

முகப்பு அட்டை மரண மாஸ் காட்டுகிறது..

அள்ளித் தின்னத் தோன்றுகிறது..

அழகோ, அழகு அள்ளுகிறது..

அதுவும் அந்த தலைப்பின் எழுத்துரு வடிவம் அல்டிமேட்.. 🔥🔥🔥

வாசக நண்பருக்கு வாழ்த்துகள்..!!

👌🏻

பின்னட்டையில்..

நிலவொளியில் வெள்ளை மாளிகை பளீரிட, முன்னிலையில் துப்பாக்கியோடு தலயின் ஸ்டைலான போஸ் மிரட்டுகிறது.. 🔥🔥🔥

224 பக்கங்களும் காட்டுத் தீயாய் பற்றி எரிகின்றன.. 🔥🔥🔥

தல ராக்ஸ்!!

நம்ம குணா கரூர் அவர்களது விமர்சனம் கலக்கலாக இருக்கிறது அல்லவா. அவருக்கு நம் வாழ்த்துக்கள்.. 

என்றும் அதே அன்புடன் உங்கள் இனிய நண்பன் ஜானி