**நண்பா ஒரு நிமிடம்..**_ஜானி சின்னப்பன்

இல்லையா இதற்கொரு 

எண்ட் கார்ட் என்ற 

என் நண்பனே..

வானத்தின் தொடு தூரம் 

சொல்லேன்?

நிலவின் வடைப் 

பாட்டியைத்தான் 

கேளேன்..

நீண்டு கிடக்கும் இரயில் 

தண்டவாளத்தை தூரம் 

விசாரியேன்..

கடற்கரையில் பொக்கென 

வளையினில் பதுங்கிடும் 

நண்டுகளை எண்ணிப் 

பாரேன்?

வேகக் காற்றின் 

சுழலினைக் 

கேளேன்..

நில்லாமல் திரிந்திடும் 

அதற்கில்லை 

எத்தடையும்...

முயற்சியோடு 

பயிற்சியோடு 

விவேகம் கொண்டு 

நீ இருக்க 

வெற்றி எப்படி உன்னைத் 

தாண்டி வேறு பக்கம் 

செல்ல முடியும்?

உன்னைச் சுற்றி 

மாயத்தடையொன்றை 

எழுப்பியதும் 

உனக்கொரு சோகக் 

கதையை எழுதியதும் 

நீயே..

உடைத்து வர 

உள்ளொளி பெருக்கு.. 

உற்சாகம் மிகக் கொள்.. 

தானே உருவாகும் உன் பாதை..

உன் துயரங்களுக்கு நீயே 

போட்டு விடு எண்ட் கார்ட்...

இறையருள் துணை நிற்க 

வாழ்த்துகிறேன் உன் துணையாய் 

பாக்கெட்டில் பயணித்திடும் 

உன் பேனா..

_ஜானி சின்னப்பன்